PENGKHOTBAH 7:9 - Allah Wene Fano Wene Hupla Inane

⁹ Ap morue mene nen ina'mage lagaikherek mene andi inendawimo hinagaisogo fetaluk welagaikharek hilingi'mo re, ina'mage weak-weagat lagaikherek andi weak.

PENGKHOTBAH 7:9 ပူးပေါင်းရင်းမြစ်များ

KEJADIAN 4:8

A'nogo yagatikhemo, at Kain nen agot Habel mel yagatikhe, ”Nemberek yabumo louwogen eme o,” iluk yagatikhesik, arat yabumo lagaukwasik he, Kain agot Habel warogo sebelfesikhesik, ebe pinggi watikhe.

2 SAMUEL 13:22

At Absalom en he at agot Tamar inom nogosukwasik ebe weaget fesikhe mene a'nogo faget Amnon oba a'marikhogo endawimo sebelek logolik he, at inom ane matu aple abithogo welagaikhe.

2 SAMUEL 13:28

Isati logolik aren amingmingengge omanogo inoba komotfisikhi logolik he, ”Hiren he at Amnon andi hineilenggen wanino o. At ambi anggur amusu nambik lugu-lugwi palhunem andem an nen enegengge hilinghugu halok he, hiren weak-weak ebe pinggi wa'no. Hinailo su fuk, wene andi faget he we an namu nen enek ambisangma noba asigin halok ogore wanigin enggere, iget figi'lek inambong siserogo nek hilingi'no!” iluk komotfisasikhe.

2 SAMUEL 13:32

Oba nen he, at Yonatab hun Simea Daud oe amlogo a'nogo nen ikhi logolik he, ”Neisena raja haren he hagainafuri inebe mondogat omanogo wa'lagaikha iluk hendawi wenggelhi logolik, hoba sinurogo werek lego. We at Amnon a'nogo nek wata o. At andi nen hele Tamar a'nogo inom nogogama weagerogo fikhe a'nogo nen he, at Absalom endawimo sebelek werek engge a'nogo re yogondak weinam aga yi o.

2 SAMUEL 19:43

A'nogo yagaisasukwama, it ap Israel mene nen he, ”Ninoe raja andi ebe hit meneat he, hiren at ane legesugun he, hinebe endebat hangge meneat he, nirenek he, ninebe hokhorogo, ninunggulenu 10 nen logolik, at ane hokhorogo legesugun o. A'nogo meneat he, hiren nit ninoba hinendawimo seramet ninobagegep andi nenahalok nogo? Ninoe raja ebe ambotkwe wesuageluk niren tak yagato andi hinendawimo ebe'ni o,” iluk yagaisasukwa. A'nogo ikhi logolik, ap Israel mene inane endebat liokhogo hangge isukwa meneat he, ap Yehuda mene enek he, inane sebelu mondok elo'lekhogo ninghogoat isukwa.

AMSAL 14:17

Ap wene nek palharek mene andi re inobabut oba kemburogo nek hilingitarek, nen ap hebelek mene re obabut sebelek oba hilingiterek.

AMSAL 14:29

Ap hebelek mene nen he wene fanorogo wenggel halugen ikherek, oba nen ap kembu mene re wene sebelha re elo'lek agarek.

AMSAL 16:32

Inomame welagaikharek andi re endep harek hak oba nen, weak-weak wenagisagarek lek andi nek he mondok fano. Inomameba o kota halogo fagarek andi we harek hak oba nen inonggwarek inebe halagarek mene andi nek he mondok fano.

AMSAL 25:8

Hiren wene ferekhogo aremnogo waluk wene higithogo palharek oba andoma la fuk. A'nogo hilingisumo nen he hat hane heranen wene ugunem herakhobagambik he ninggi'nogo hilingisu hak nogo?

PENGKHOTBAH 7:10

Hiren ikhi logolik, nenahalok o attak andoma fano welagaba nen, yogondak he weak werek nogo, iluk heinok wanu fuk. Ariginik mene andi re ap kembu mene nen heinok wanhagarek mene.

YUNUS 4:3

Yogondak he Tuhan neisena, an nebe wa'la'le anggikhi lagi o. Neluk werek aple re nabiro,” iluk yagatikhe.

YUNUS 4:8

A'nogo hilinglagaikhemo, ohealek hubet mo arat lagai wagaikhemo Allah nen, sogoi aganhan weak mene o mo lagai wagarek higiren funha wesuagaluk hilingitikhemo re, funha wagaikhe. A'nogo funha wagaikhemo mo aigen Yunus ungguloak hutethasikhemo re, eilfuruk feigeluk isikhe. A'nogo hilingitikhemo re, aren he, ”Nebe neluk logogin nabiro. Wa'lasigin namolo o,” iluk isikhe.

YUNUS 4:9

A'nogo isikhemo, At Allah nen he, ”Hat he hele ari faget hendawimo weak a'luk logou re lek meneba nen hilingiti lagen o,” iluk yagatikhemo, at Yunus nen he, ”Nenahalok lek nogo? An na'mage lagau obaat lagaikhemo re, nebe wa'lasigin namolo o,” iluk yagatikhe.

MARKUS 6:19

Kwelakfesukwama were'ma re, at he Herodias nen Yohanes ane yelogo fesikhesik, at Herodes nen wasuageluk endawimo kagalhi lagaikhe meneat he, at Herodes endawimo nen he, mel anggikhi lagaikhe: ”At Yohanes ebe Allah nen lakfei wagaikhemo logolik obabut higit hilingiri'logo,” iluk obabut palogo ebe agaugwerati logolik wasigin elo'lek agaikhemo, ebe elele waganogo fisogo welagaikhe. Fisogo logolik, ane holhi logou amolo nen holhi lagaikhe meneat he, holhi logolik, menenei hokhorogo ebeti lagaikhe.

MARKUS 6:24

Yagatikhemo re, at hele silerik a'nogo wulifikhesik agaisa oba lagaikhesik mel yagatikhe: ”An nen nena mene kino ik,” iluk yagatikhemo re, aren he, mel yagatikhe: ”At Yohanes ima pelaginaferek mene a'nogo unggul palogo wokhesuagen he, kino yaga'no,” iluk yagatikhe.

YAKOBUS 1:19

Nerugwi nagaila'lak. Hinebe nendawi e. Wene yi hinendawimo eberek logoni o. Hinebe lombok wene hinesanggo weak-weak holiluk he, hinaneba nen erogat yagaisigik, hina'mage lagai wagunem hinendawinggen sebelogo logombigen erogat igik, ikhi logoino o.