PENGKHOTBAH 7:8 - Allah Wene Fano Wene Hupla Inane

⁸ Wene attak-attak agarek mene andi re weak hak oba nen, hobuk agarek mene andi nek he mondok fano. Leget fakhagarek andi re weak oba nen sebelfakhagarek andi nek he mondok fano.

PENGKHOTBAH 7:8 ပူးပေါင်းရင်းမြစ်များ

AMSAL 13:10

Wonoget fakhagarek andiba re, ambisangma wene hangge nek hilinglagarek, ap higithogo hilingitarek mene andi wene komorinafunem inendawinggenma fanorogo helagarek.

AMSAL 14:29

Ap hebelek mene nen he wene fanorogo wenggel halugen ikherek, oba nen ap kembu mene re wene sebelha re elo'lek agarek.

AMSAL 15:18

Ap a'mage weak-weak lagaluk wene palherek mene andi ambisangma re yei liafu mene weinam agarek, oba nen he ap sebel fakhaluk hilingiterek oba re fano lioksek mene asi wagarek.

AMSAL 16:32

Inomame welagaikharek andi re endep harek hak oba nen, weak-weak wenagisagarek lek andi nek he mondok fano. Inomameba o kota halogo fagarek andi we harek hak oba nen inonggwarek inebe halagarek mene andi nek he mondok fano.

AMSAL 28:25

Haren Tuhan oba eberogo anggikhi logogin halok he Aren fanot hobagakhi logogin, meneba nen inonggwarek enek anggagarek mene andiba re minggirik wene weinam agarek.

PENGKHOTBAH 7:1

Amusu onggo hokho mene andi re horok harek hak oba nen, inenu fano agarek andi nek he mondok esin he andi, nen inebe ta'lagaikharek oba andi re harek hak oba nen wa'lagaikharek oba andi nek he mondok fano.

LUKAS 16:25

at Abraham en he, mel yagatikhe: Namlogo e. Hat heluk logolik he, fano mene nek ninggik, wanhik, ugu kwelek, Lazarus yi nek he, weagat welagaikhe mene a'nogo hendawimo ebesin! Nen, yogondak he, at Lazarus yi yoma wagasik endawimo fano agasik werek kwelegat he, hat enek he, heinet hokhorogo warikhi lagen andi.

LUKAS 21:19

Halok he, hinendawinggen hambuget fakhaluk he, hinafe morogoat logogun halok he, nabulal-habulal helogoin o,” iluk yagaisasikhe.

GALATIA 5:22

Nen, e enggen iterek hak, Allah Areagun afuni inendawimo logolik inobabut hilingitarek he, ebe yi. Afuni ekhe inebe inendawinggen hundik welagik, inendawimo inagaiyek anggigik, afuni ekhe inom lioksek welagik, inafe morogo welagik, inobabut enago welagik, inobabut fano welagik, inobabut lombokhogo welagik,

EFESUS 4:2

Hit-hit nendawi-hendawirogo leberisigik, hundik-handik hinendawinggen sebel fakhaluk welagik, hinobabut enago welagik, hinafe morogo welagik, ikhi logoino o.

IBRANI 10:36

Hiren Allah endawimo amolo anggikherek mene hilingitunem, aren, ”Hit wokhisagain,” iluk abok yagahisasikhe mene andi wanubagaigen he, hinafe morogo hilingiti logoino.

YAKOBUS 5:11

Weagerinafu kwelek, inafe morogo welagaukwa andi nen, niren inabok fano ikhi logolik, ”It fano agaikhasik inendawimo inagaiyek anggili'lagwi,” iluk ogorek andi. At Ayub endawinggen abolok igi'lek afe morogo welagaikheba, nineisena Enupogot obabut fano logolik hokhorogo endawirinaferek mene a'nogo nen wurep oba fanot fesikhe andi abok hinesanggo holhi lagebaro.

YAKOBUS 5:8

ninoe Enupogot ebe horogat wesigin iluk hinendawinggen wurikhogo logolik, hinafe morogo nenangorogo logoino o.

1 PETRUS 1:13

Andi nen wene andi futfuluk he, kwe fungusek louwogeluk inobakhe hele ninghogo homatarek andi hak, hinobabut hebelogo, hinendawinggen wenggelogo logoino. A'nogo logolik hinendawimo nen he, ”Allah nen Yesus Kristus ebe weinamhogo lakfei wagunem fano mene wo'nisa wesigino,” iluk hinendawinggen at oba lakfuluk oba eberek mondok logoino o.