PENGKHOTBAH 7:5 - Allah Wene Fano Wene Hupla Inane

⁵ Ap wenggelek mene nen wenagisagarek andi re mondok fano, oba nen ap futfou elo'lek mene nen fogerinafarek andi nek he mondok weak.

PENGKHOTBAH 7:5 ပူးပေါင်းရင်းမြစ်များ

MAZMUR 141:5

Ap fano mene ekhe nen an nenggali warogo nobagaluk, endawi fano nen komotnafu halok, andi faget an nendawimo nen he amusu fano mene hangge anggikhi lagi. Iren ina'mageba hilingiri'lagwi mene andi faget he hundik-handik samban ikhi lagi hilingi'mo re, andi faget an nen herak fou lek hak.

MAZMUR 69:12

Hat faget nendawimo weak welagi iluk, enekhogo su pelagi su karung mene yanggulogo were'ma, endo ya'nabi'lagwi andi.

AMSAL 13:13

Afuni Tuhan nen komorinaferek wene andi seramet fagarek mene andi re, inonggwarek inebe weaget fakhagarek, nen ap ekhe Allah nen komorinaferek wene andi, higithogo hilingitu mene halok he onggo wogisamo helogoin.

AMSAL 13:18

Afuni ekhe inobabut it ekhe nen komorinafunem holu inabit mene andi re, inangge mondok lek agik, it ekhe nen inendawimo seramet fisigik agarek. Nen, it ekhe komorinafunem fanorogo holharek mene andi re agaugwet fisikhi logogun.

AMSAL 17:10

Ap kembu mene oba fe'nengge inenggi seratus huli nen inoatarek andi along werek lek oba nen, ap hebelek mene oba inenggi misigam yagasugun mene andi nek he elok fut fikherek.

AMSAL 25:12

Afuni inendawinggen kagalek mene nen it ekhe inesanggo holu inagaiyek were'ma yagaisagarek andi re, senggan emas mene inenggimo itik, inalilingge emas mondok fano mene inesanggoma kelhik agarek andi higit.

AMSAL 27:6

Inagaila'lagen he inebe inendawi logolik yei inoatarek, oba nen he it ekhe inom weak mene nen halok he inom minggirik logolik inoatarek meneba eilet fuluk weagerinafarek.

AMSAL 6:23

Hagaisa heisena nen yi'nogo ti'nogo iluk yagaheri'lagwi mene andi re, esage ibilhafu mene faget, iren wenakheri'lagwi mene andi re haren fanorogo holfuluk heluk higithogo werek mene faget yagaheri'lagwi.

AMSAL 9:8

Ap ekhe yagatunem abit anggugu halok he, hat ha'mage at oba fou fuk, a'nogo hilingisigin halok he, aren hat hebe abiret hobagagakhi logogin. Oba nen he, ap hebelek mene oba nek he haren at oba weak hilingik mene andi yagasigin halok he, aren endawit habigin werek a'naga.

PENGKHOTBAH 12:11

Ap hebelek mene ane andoma re sige tomuk werelek mene ap domba halharek mene nen anggo tegelhi logolik fisogo welagarek andi higit. Inane agaumhogo agarek mene inom, komo wene inom kabogete mene andoma re posiemanggen omamerogo telek mene hak werek. Mondogat andoma re Allah nit nineisena Gembala we ami-amuat mene andi nenat wo'nisikherek.

PENGKHOTBAH 7:4

Ap kembu mene nen he inagaiyek anggagarek mene omanogo faget enek murok lagaikharek, oba nen he ap hebelek mene re wa'lasigin mene faget wenggel hikhi logolik werek.

PENGKHOTBAH 9:17

Mondok fano re, ap ero elu mene nen ane orogat ikherek mene andi fanorogo holugun oba nen, ap kembu mene andogore'ma andoma nen ap kain enu werek mene nen ane hokhoba ugunem holugun mene andi re we elo'lek hangge.

WAHYU 3:19

A'nogo komothinafi andi re, it afuni an nendawinggen hundik mene halok, inebe lombok komorogo lambisogengge yei inoatirek enek andi nen he, weak hilingiti lagep mene andi herakfisaluk, hinobabut hebela'luk he, anggilukhogo hilingiti logoino o.