PENGKHOTBAH 7:26 - Allah Wene Fano Wene Hupla Inane

²⁶ An hasigi mene re wa'lagaikharek mene andi re harek hak oba nen hemi nek he inendawinggen ninggerek mene werek. Hemi inendawi nunggunem hilingiri'lagwi andi re hele web etarek mene inom, ikan wasuogeluk su nelon meneba lugutarek andi inom emberek higit. Aren magaisogo pugerisugunem he heleba pikpuget isugunem hak hilingik. Nen, ap Allah endawimo anggikherek mene hilingiterek mene re yepse'ma andi nen ogal fakhogoin oba nen he, ap weak hilingitarek mene re ele'ma ke'nok ugun.

PENGKHOTBAH 7:26 ပူးပေါင်းရင်းမြစ်များ

KEJADIAN 19:35

A'nogo yagatikhesik, o hubanggo andi sambulat, at Lot obakheindok palasuageluk hilingitukwasik, a'logo hobuk mene emberek nogo isukwa. A'nogo nogo isukwa meneat he, at Lot obakheindok mondok palagaikhemo nogo nen he, a'logo emberek nogo isukwa mene andi onggorat welagaikhe.

KEJADIAN 39:9

Oloba yi mene ti mene yoma, at eisewerek welagarek hagat, an eisewerek nobagaikhemo, an nen higit hilingisigin enek meneat he, hat hebe nek he, at agwe welagenma re, an nenggiba figi'lego. Allah eilhanem at ane sagalogo an a'nogo weak hilingisigin mondok elo'lego,” iluk yagatikhe.

KELUARAN 10:7

Wagaikhemo, at raja agoromi pegawai nen at mel yagatukwa: ”At ap andi ki huli nen a'nogo weagetninafu mondok logogin anggegen? Hobuk fano asuagen he, afuni Israel mene inebe mondogat Tuhan Allah faget fogerasi loagen he, lakfisano o. Yethan, nit ninaiba o Mesir yoma elokhe mondok weak aga andi hikhi lagen lega?” iluk yagatukwa.

AMSAL 2:16

Hat he an namlogo welagenma re, he ekhe pailak hilingiterek mene nen ane amusu palogo hat hendawinggen wanigiluk hilingisigin mene andi re wanu fugo.

AMSAL 22:14

He yanini mene nen inendawi wanigiluk hilingiterek mene andi re hele yebet fagarek hak werek, arigini'mo re ap Tuhan a'mage lagauwageluk hilingiri'lagwi mene andoma re elema andoma pi logoin.

AMSAL 6:23

Hagaisa heisena nen yi'nogo ti'nogo iluk yagaheri'lagwi mene andi re, esage ibilhafu mene faget, iren wenakheri'lagwi mene andi re haren fanorogo holfuluk heluk higithogo werek mene faget yagaheri'lagwi.

AMSAL 6:24

A'nogo hilingiti logogin oba re hat hebe hemi inobabut weak mene andoma horokhogo nen inom, ap amu mene inagagwi inane amusuba hendawi wanuogeluk hilingitunem inom ogwal hobagakhi logogin.

AMSAL 9:18

It he andi nen wolinafunem lagaikharek mene andoma re he andi ambelemangge asugun a'nogo inonggothogo lagunem andoma nen inebe nalasi lagaikharek, nen it fena he andi aiba kwi lagaikha mene re yogondak he inebe afuni wa'la'luk lagaikhare'ma omanogo asi lagaikhasik werek.

PENGKHOTBAH 2:26

Allah nen he ap At endawimo fano mene hilingiterek mene a'nogo hebelagaikharek mene inom, elu agarek mene inom, inagaiyek agarek mene inom, wogisikherek. Oba nen he ap weak hilingitarek mene re ineabu wokfuluk inangge ambisangma nen kabokhogo re ap Allah endawimo fano aple hilingitarek mene inoba wogisoageluk hilingfisikherek. Arigini'mo re mondogat andoma re we alomarogo sogoi murok lagaikharek hak hilingik.

PENGKHOTBAH 7:27

Ap awenggelek mene nen ili'lago mene andi hani: Mondogat andoma re an nen eil misik-misik onggo helagain iluk heratunemen herati o.