PENGKHOTBAH 7:25 - Allah Wene Fano Wene Hupla Inane

²⁵ Oba nen an nen nelu asuageluk heratik, andomokhogo yanggulhik hilingiti lagi. Inendawinggen kagalek mene andi heligik, heinok woginafarek mene onggo igik ikhi logoiyogen iluk hilingiti lagi. An nen nelu meneba walhikhi logolik, weak andi re kembu agaikharek he andi, nen ina'mageba hilingitarek andi re hilingisigin iluk ninghogoat hilingitarek he andi aro.

PENGKHOTBAH 7:25 ပူးပေါင်းရင်းမြစ်များ

KEJADIAN 34:7

Aremnogo sambul at Yakub againafuri omanogo o leimo nen wagaukwasik inesanggo holhugunem en he wene hilinglagaikhe aple a'nogo faget holhukwasik youk lagaukwasik ina'mage hokho mene lagasikhesik inobaharo agaukwa. At Yakub a'logo a'nogoba inomameba weak hilingfesukwa andi nen he it Israel mene nen anggikhi logolik nit he at Sikhem en weak hilingisogo ninobagaikhe iluk isukwa.

2 SAMUEL 13:12

A'nogo yagatikhemo at hele a'nogo nen ikhi logolik he,” Eige noe, a'nogo hilingnafun o! Nit afuni Israel mene were'ma yoma re ariginik mene yi re ekhe hilingiri'lagwi mondok lek hilingi'mo re, haren homameba kwanirek mene andi hilingisuogen iluk he an yaganetun o.

AMSAL 17:12

No beruang eak longgot fuluk agaisa nek lagunem inom ambi agaikharek andi re fano, oba nen ap kembu mene nen kembu-kembu aple omanogo faget asengseng aple hilingitu welagaikharek andi nek he mondok weak.

AMSAL 26:11

Mene nen hebak wut fuluk hobuk ambotkwe ninggerek andi hak, ap kembu mene nen he kembu-kembu aple aremnogo nek agap sagalhikhi logolik werek.

PENGKHOTBAH 10:13

At a'nogo ane ikhi logolik he, attak-attak hesangge mene tak eroraterek, andi nen ambisangma re ap lugulugwi paligen agarek hangge ikherek.

PENGKHOTBAH 2:12

Obabut hilingik aplere ekhe mene ekhe mene hilinglagarek andi re ap raja ekhe nen hilingitu mene andoma re at ebe oan lagagi'le'ma it raja-raja attak mene nen hilingitu mene nek hilingitarek. Andi nen an nen ebeti logolik, ”Afuni inendawinggen wenggelek mene agaikharek andi re ebe nena mene nogo, athe kemburogo hilingitarek inom moruerogo hilingitarek inom andi re ningginogoluk nogo?” iluk wenggelhigi.

PENGKHOTBAH 2:15

Andiba an nen wenggelhi logolik, ap morue mene inoba agarek andi re an noba ogo a'nogo hilinglasigin mo re, nendawinggen kagalek andiba ekhe hilingisu lek hak. Andi faget an nen anggikhi logolik hebelagaikharek mene andiba nen hilingisu mene ekhe werek lek higi, iluk anggasigi.

PENGKHOTBAH 2:20

Yabu nomamerogo hilingiti lagagi mene andoma faget yogondak he nambigen agwi anggikhi lagi.

PENGKHOTBAH 7:27

Ap awenggelek mene nen ili'lago mene andi hani: Mondogat andoma re an nen eil misik-misik onggo helagain iluk heratunemen herati o.

YOSUA 7:13

Yosua, hat yogondak he menlame! Menlasimbik afuni Israel mene andi inebe horogo fakhambik An were'ma wesuagen he fik-fouk esuageluk yagaisano. An nebe Afuni Israel mene ineisena Tuhan Allah a'nogo nen igi mene yi it yagaisano: ’Yago, hit afuni Israel mene yi! Yi mene ti mene hiren lilibukhogo legerasubagaigeluk An nen melalhinobagagi mene omanogo hit hinelu logoligenat he, fisogo welagep andi. Hit hinangge yi mene ti mene helegep mene andoma hugisigi'lek halok he, it hinaselei mene inelokhoma re, hambukhogo fangesu elo'lek logogun,’ iluk yagaisagain enggere, hobit iren fik-foukhogo hilingisuageluk komotfisano.