PENGKHOTBAH 7:23 - Allah Wene Fano Wene Hupla Inane

²³ Mondogat andi re an nendawinggen kagalek andiba obabut mondogat palhi, oba nen he an nen inendawinggen kagalek mene andi herasigin iluk ninghogo heratunem he yatmaat asi lagunem hikhi lagi.

PENGKHOTBAH 7:23 ပူးပေါင်းရင်းမြစ်များ

KEJADIAN 3:5

Allah nen a'nogo yagahisikhe andi re, hit e ari enggen palogo nunggunem he, hinobabut hebelasimbik, hinendawinggen kagalek mene hilinglasugun, andi elu logolik yagahisikhe. Hit e enggen ari nunggunem he, hinebe Allah higirat hilinglasimbik wene fano wene weak wene hinelu mondok asugun o,” iluk yagatikhe.

PENGKHOTBAH 1:17

Andiba re an nen anggikhi logolik afuni hebelagaikharek andi inom, kembu agaikharek andi inom, nen inendawinggen wenggelek welagaikharek andi inom, sogourek welagaikharek andi inom agaumsek oba nen hilingik mene andoma nelu asuageluk herasigin anggasigi. Oba nen hobuk eberik-eberigen he an yire sogoi murok lagaikharek hak hilingiti lagi higi, iluk futfesigi.

PENGKHOTBAH 3:11

At Allah nenat, yi mene ti mene mondogat, O ti sambul ti'nogo hilinglasuwak anggigik, Nen Aren nit hobuk mondok-mondok logogun mene andi nelu logoile, iluk anggikhi logouwageluk hilingninafikhe meneat he, ero ba nen elugun oba Allah hilingiterek mene andoma niren fut fou re mondok elo'legat welagorek andi.

PENGKHOTBAH 7:22

Ap amu mene inoba haren homan fisegen halok andi re hat honggwaregat helu.

PENGKHOTBAH 8:17

Allah nen hilingiterek mene andi re niren ninelu asu lek hak. Niren ninamurururogo herasugun meneba nen ogore futfoumo re elo'lek. Ap hebelek mene nen an nelu iluk fogerakhikherek oba nen he, at ogore onggorengge nen ikherek.

ROMA 1:22

It inendawinggen a'nogo mondok mum hilinglagaikhesik logoligat he, ”Nit ninendawinggen mondok kagalego,” iluk agarek andi.

1 KORINTUS 1:20

Afuni inendawimo kagalek mene andi inom, afuni yi wene ti wene ero inelu mene andi inom, afuni wene palhi logolik inane omame agaikharek mene andi inom, we, tulemat werego. At Allah nen he, ”Afuni inawene inendawimo kagalogo agarek mene andi re, afuni inendawinggen wenggelek lek mene nen agarek hak ili'lagwi o,” iluk isikhe lek nogo?