PENGKHOTBAH 7:2 - Allah Wene Fano Wene Hupla Inane

² Seni isatukwe lagaikharek andi re harek oba nen fong wari'lagwi kwe lagaikharek andi nek he mondok fano. Andi re wa'lari'lagwi mene andi nen afuni inebe lombok nenangorinafu werek higi, iluk wenggel hikhi logogun.

PENGKHOTBAH 7:2 ပူးပေါင်းရင်းမြစ်များ

MAZMUR 90:12

Nit nineluk umur horogat welago mene andi faget, fut fouwageluk ninendawinggen kagalek mene hilingninobagakhi logoin o.

PENGKHOTBAH 2:14

Ap hebelek mene nen ti fikhit laga lagi iluk futfagarek, oba nen ap morue mene nen tip-tabenggerik lagaikharek hak lagunem hasigi. Oba nen obaburugwi ariginik mene andi it inebe mondogat inoba asigin mene andi re an nelurek.

PENGKHOTBAH 2:16

Ap kembu mene nen he weak-weagat inoba inonggot agaikharek, oba nen he ap hebelek meneba nen ogore weak-weak eberisikhi logogun legat. We hilinghiling mene ogore nit mondogat ninoba ebet nisikhi logogun lek enek. Ap hebelek meneet nen morue meneat he ninebe higithogo nek wa'lasugun.

PENGKHOTBAH 3:19

Nit, wam, sue, paik, ninom higirat hilinglagorek. Nineluk, we, welagoresik he, nit afuni wa'lagik, it wam, sue paik wa'lagik, ninom wa'lagoregenek. Nit afuni ekhe saburogorek mondok lek. Ninom higithogoat, we, tulemat nineluk welagoresik wa'lagoregenek andi.

PENGKHOTBAH 3:20

Nit andi ninebe ero misik, kweang alolong engge mene hilingi'mo re, kweang alolong enggeat hilinglagaikharek. A'nogo agaikharesik niret iret ninebe pirenet enggere obalik we misi'moat lagaikharek.

PENGKHOTBAH 6:6

Andi re mondok fano, ap eluk werek kwelek enek dua ribu tahun hilingiteba nen oba fanorogo ekhe welaga le'ma andi. Andiba re inebe pirenet he o misik awi lagaikharek he lek nogo?

PENGKHOTBAH 9:2

Eberogo nenat, ap mondogat inobabut he misigat asugun: Ap higithogo hilingiterek mene andi ogo, ap kwanirogo hilingitarek mene andi ogo, ap obabut fano mene ogo ap obabut weak mene ogo, ap pugunsek mene ogo, ap emerek mene ogo, ap obaget fikherek mene ogo, ap obaget fikherek lek mene ogo mondogat he higirenek. Ap weak hilingiterek mene inom weak hilingiterek lek mene inom, nen ap ane hombuk palherek mene inom ane hombuk palherek lek mene inom emberek he higirenek.

PENGKHOTBAH 9:3

Arigini'mo re inebe mondogat he obabut higithogo nek inoba fagain, nen o kweangma yoma yi'nogo ti'nogo hilinglagarek mene omanogoba nen inendawinggen mondogat heiselek mene re andi nek werek. At ebe eluk logolik oba re weak mene omanogo endawinggenma peterogo welagik, wenggelherek mene agore kemburogo nek ebethaluk igik, ikherek. A'nogo hilingitila'luk ferekhogo aremnogoat at ebe wa'lagarek.

PENGKHOTBAH 9:5

Afuni ineluk werek mene andi re wa'lasugun iluk he inelu logoumo fano, nen it afuni arat wa'lagaikha mene nen he yi'nogo ti'nogo mondogat inonggot werek. It inobaget wogisugu mene inom inoba eberek werek aple inom ekhe werek lek, nen inenu ogore inonggot agaikharegat.

YESAYA 47:7

Haren ebeti logolik he, an nebe ratu mondok-mondok logogin anggikhi lagagin, nen haren hobakhe palegat logolik hobuk hilinglasigin mene faget wenggelhikhi lagagin lek.

YEREMIA 16:8

Ap seni isa'luk hilingitu mene inoba kwi la fuk. Nen, it hinom sumburu ninggik, i ninggik u fugat.

HAGAI 1:5

Hit hinebe hilingik welagep mene andem fut fakhikhi logoni! An Tuhan pogot kweang yi mene ti mene elalhigi mene a'nogo nen nane ikhi lagi yi.

MALEAKHI 2:2

Hit hinobabut hilingituba An esinet nobagaluk foget nobagakhi logoni o. Nen, hiren An nane holfigi'legengge hilingiti lagep halok he, An nen homan hinobagagin. Hiren yi mene ti mene aren wo'nisili'lago mene iluk helikhi lagep mene andoma re, An nen agaumhogo re homan ugu mene nek hilingisogo fagain o. Hiren he, An nen nawene melalek yagahisigi mene a'nogo sagalogo fuluk hilingitunem he, ibi-eberogo nen yi mene ti mene mondok fano mene andoma re, mondogat homan ikfigimo werego.

BILANGAN 23:10

Ap Yakub en tagongge mene inebe inenggi wenasu mondok elo'lek, wul alhak hilinglagaikha. Afuni inunggulenu Israel mene inebe endephogo werek lek, mondok hokhorogo sik-pik agaikha o. An nen higithogo nek hilingiti logombik, nebe wa'lasigin fano. Nen, afuni higithogo hilingitarek mene wa'lagaikharek andi hak wa'lasigin fano o,” iluk yagatikhe.

MATIUS 5:4

Nen, afuni inendawimo wiik- weakhogo welagaikharek mene andi, Allah nen inendawinggen sebeligin andi nen he, inendawimo inagaiyek hikhi logouwak.

ULANGAN 32:29

Inendawimo kagalek logoilepma re, yi'nogo hilinglasugun higi, iluk futfeilebo.

ULANGAN 32:46

mel yagaisasikhe: ”Wene an nen, Yi'nogo hilingiti logoino, ti'nogo hilingiti logoino, iluk yogondak yagahisigi mene andi mondogat hinendawinggenma feino o. Hit hinagainafuri nen wene nineisena Enupogoren, Yi'nogo hilingiti logoino, ti'nogo hilingiti logoino, iluk yaganisasikhe wene andi, at oba lomborogo logolik inaberali legat hilingiti logouwagen he, yagaisikhi logoino o.

FILIPI 3:19

It andi inendawinggen Allahba himbirik logou meneat he, inoba agasabu agunem hilingitarek andi meneba himbirik logolik, inenggali ha meneat he, fano heaba andi fagerat inenggali lek fogerakhili'lagwi andi. A'nogo hilingiti logolik he, inendawimo nen yi namolo ti namolo, wene kweangma mene oba eberi'lagwi andi, wurep oba arat nong asuguno.

IBRANI 9:27

Nit afuni misigam faget wa'lagunem en, hobuk wene ninoba figik, kotik, igin iluk, at Allah nenat isikhe andi hak,