PENGKHOTBAH 7:1 - Allah Wene Fano Wene Hupla Inane

¹ Amusu onggo hokho mene andi re horok harek hak oba nen, inenu fano agarek andi nek he mondok esin he andi, nen inebe ta'lagaikharek oba andi re harek hak oba nen wa'lagaikharek oba andi nek he mondok fano.

PENGKHOTBAH 7:1 ပူးပေါင်းရင်းမြစ်များ

AYUB 3:17

Ap inobabut mondok weak meneba nen ogore wa'lagunem salinafarek oba andoma nen inobabut weak mene andi ekhe inom hilingisu lek hak, nen it ap yabu hilingitu mene inomame mondok lek agu kwelek hilingiri'lagwi mene ogore andomaat set warikhi logolik werek.

MAZMUR 133:2

A'nogo werek aple andi re amusu amben fano mene onggo hokho mene at Harun unggul oba kweisal fugunem, omboroba nen pialiluk asu alonggop a'makwe meneba pi wagarek higit,

AMSAL 15:30

Inelokhe heanerek halok he inendawimo ogo inagaiyek werek, nen wene fano mene holhi logolik he inendawimo fano agarek.

AMSAL 22:1

Inangge hokhorogo welagarek andi re maben hak oba nen inenu fano welagarek andi nek he mondok esin. Nen, perak inom, emas inom, wogisagarek andi re endep elo'lek meneat he, afuni inebe inendawirinafarek andi nek he mondok esin.

AMSAL 25:10

Andi re hobuk hat henu ane tindel weak iluk salhabugun, nen hat heluk logogin huliba andoma re henu weagerogo fugu mondok logogun.

AMSAL 27:9

Amusu amben mene inom, amben-ambenengge inebene watarek mene omanogo inomen inendawimo healherek hak he, inagaila'lagen fanorogo hilingfisagarek mene andi re inendawimo inagaiyek mondok agarek.

PENGKHOTBAH 10:1

Sobon misik waregen minyak amben fano mene botol misik keralek weagerogo fikherek, andi higit he we endebat kemburogo hilingisugun mene aremnogoba nen hebelek mene lego logogin mene a'nogo sebel fogoin.

PENGKHOTBAH 4:2

Andi nen he it afuni wa'lagaikha mene andi re fano hak oba nen, it afuni ineluk werek mene re elo'lek hak were'ma higirik he an na'makwe hetperikhe.

PENGKHOTBAH 7:8

Wene attak-attak agarek mene andi re weak hak oba nen, hobuk agarek mene andi nek he mondok fano. Leget fakhagarek andi re weak oba nen sebelfakhagarek andi nek he mondok fano.

KIDUNG AGUNG 1:3

Hat hamben he mondok fano sang-bang eri'lago, henure amusu amben fano mene kweisalogo pugunem amben eterek andi higit hilingik welagen; andiba re helime silerigen inendawinggen ninggerek!

KIDUNG AGUNG 4:10

Nagot nemberek lombolek welago mene, hat ninom ninendawinggen ninggerek mene andem he enduk mondok fano, anggur agai enduk maben hak oba nen, andi nek he enduk mondok mit-mirengge hilingik. Haren amusu yugulhi lagen mene amben sang-bang ugunem, yi mene ti mene amben andoma elo'lek hak hilingik kwelek andi nek he mondogat mit-mirengge hilingik.

YESAYA 56:5

hilingiti logogun halok, hit hinenu re, An nawi wuri'mo elonggoma andoma nen inom, An nunggulenu mene inanggele'ma andoma nen inom ebethisikhi logogin o. Hinagainafuri ap mene inom helime mene inom hokhorogo werek mene re, we harek oba nen, ebethisikhi logogin mene andi re mondok esin o. An nen hit hinenu fano mene hobuk nonggorasigin lek mene wokhisagain o,” iluk ikhe.

YUNUS 4:3

Yogondak he Tuhan neisena, an nebe wa'la'le anggikhi lagi o. Neluk werek aple re nabiro,” iluk yagatikhe.

LUKAS 10:20

A'nogo meneat he, it munggwarengge inobabut weak mene nen hit hinane holha mene andi faget, hinendawimo hinagaiyek anggagubo. Meneat he, hinenu pogoroba lisu palek werek andi faget enek he, hinendawimo hinagaiyek hikhi logoni o,” iluk yagaisasikhe.

YOHANES 13:2

Logolik he, at agoromi omanogo inom o hubanggo sumburu misi'mo nunggunem, Yudas, Simon Iskariot amlogo a'nogo endawimo Iblis kwisikhesik he, Yesus ebe wasuagen he, ”Yonggo lan o,” iluk endawimo kagalhikhe,

2 KORINTUS 5:1

Afuni inawi wurik meisalagunem hobuk ket wutarek hak, nit ninagap kweangma elama faget welago yi, wa'lagu halok he, pogoroba ninebe ninetok mondok logogun mene afuni nen fanorogo hilingiti'lek Allah nen hilingisogo ninobagagin mene werego, iluk futfikhi lago.

2 KORINTUS 5:8

Andi nenat ninendawimo se welago. Ninagap yi nonggologo herakfisaluk, ninoe Enupogot were'ma kwimbik ninom logoilo ninamolo e, anggikhi lago.

IBRANI 11:2

It afuni attagat inendawinggen a'nogo Allah oba himbirik welagaukwa andiba, Allah nen, ”It fano,” iluk inebe oba lioksek welagaikhe.

IBRANI 11:39

Allah nen, ”Fanothinabigin,” iluk abok yaganisasikhe mene andi, it inebe mondogat andi ebe wanhi'lek meneat he, inendawinggen eberogo nenat Allahba himbirik logolik fano hilingirik waga lagaukwa andi nen, at Allah nen, ”It fano,” iluk inebe oba liok isikhe. A'nogo ebe wanhi'lek andi re, Allah nen attagat nit faget fano mene wenagaisogo ninobagaikhi logolik, nit lek werek kwelek it inalegenek he, fano katokhogo hilinginafi'lek. We, nit faget, ”It inom ambine katokhogo hilinginabigin,” iluk abok isikhemo andi nen he, iren ebe wanhi'lek welagaukwa andi.

WAHYU 14:13

Wene a'nogo ugunem holhiri'mo nen, ombo'ne re, pogoroba nen ane yi'nogo yaganetunem nesanggo holhi: ”Yogondak afuni ninoe Enupogot inom hundik logolik, at faget fano hilingitunem inoasugun mene re, inendawimo inagaiyek asugun o, iluk lisu palogo feino o,” iluk yaganetunem Allah Areagun pogoroba nen ane hokhorogo mel yaganete: ”Andi eberogoaro. It afuni andi Yesus faget set kwil-kwalhogo hilingiri'lagwi mene andi, ebe hilingiri'lagwi mene waluk logoin andi nen, set fanorogo walogoin o,” iluk yaganetunem nesanggo holhi.

RUT 3:14

A'nogo yagatikhemo, at he Rut a'nogo at Boas eiso'ma horokhogo andoma nogo isikhe. Nogo isikhesik, at Boas endawimo nen he, ”Afuni nen he, Rut ap Boas werek oba andoma wagasik, iluk inelu asinogo,” iluk anggasikhe andi nen he, at Rut afuni nen ineilenggen hanogo iluk, o wei igiluk ugu kwelek eluk a'luk wulifikhe.