PENGKHOTBAH 5:8 - Allah Wene Fano Wene Hupla Inane

⁸ Nen o kerajaan ekheba wene obabut ariginik mene were'ma at raja nen afe halogo fugunem he, afuni mondogaren agaukhogo leget fagarek.

PENGKHOTBAH 5:8 ပူးပေါင်းရင်းမြစ်များ

2 TAWARIKH 26:10

Hun andi re yabu wanhu mene faget agaiyek welagaikhe andi nen he, o tomkwe omanogo anggur yabu hilingiti logouwageluk inom, kweang muli kwe omanogo hilingiti logouwageluk inom he, ap hokhorogo kwelaginafikhe. Aren he o leimo omanogo helep oba mondok omamerogo uanhogo wurik lagagik, at anggo tati lagaukwa mene mondok hokhorogo welagaikhe mene agai nunggu mene faget tonggo kwe inom, punukwe inom, mo ubuk ikherek fikhit inom, i mogo yenggelhukwe iluk kweang hokhorogo habulik lagaikhe.

AYUB 24:23

We Tuhan nen he at ebe fano logouwageluk herak fisugunem werek, oba nen he, Aren oboget higi'lek kagalek mondok werek.

MAZMUR 12:5

Iren ikhi logolik he, ”Nit ninamelinggen ninonggaregen halamo re higiro, yi wene ti wene we ninggi'nogo wene andoma mondogat he higit ikhi lagoma re amu mene nen ekhe kwe palninabu lek hago!” iluk agarek.

MAZMUR 55:9

O andoma re, sogoi inom sielu inom funha wagunem an nebe hinago logolik logoiyogen iluk obalik ekhe weak-weak herak hele o.

MAZMUR 82:1

Asaf Awuni. At Allah nen pogoroba andoma wene it legoma werek mene inom kabogetasik he, Aren wene yi'nogo tekhogo menfikhe.

MAZMUR 83:18

It andi re mondok-mondok andoma inenggalirogo hilingfisamo re inailorogo logombik, youk la'lak inebe wa'lakhoago.

MAZMUR 95:3

At Tuhan andi re, Allah mondok andungdang werek mene hilingi'mo re, At ebere it dewa omanogo sebelek werek kwelek, At he Raja mondok lego mene werek.

AMSAL 22:16

Ap ekhe enggi werek asigin iluk endawimo anggikherek mene andi re, ap inenggi lek mene sebelisaluk, ap enggi werek mene onggo wogisagarek andiba ambisangma onggwarek alomat fakhagain.

AMSAL 24:12

Telinabigiluk haren yi'nogo ino.” Wene andi an nen hilingisuageluk werek fuk!” iluk igin. Oba nen he At Allah nen hat hoba eilenggen logolik, Aren hat wenggelhen mene andi re higithogo lebetheagain. Nen Arenat it hilingisugun onggo wene inoba fagainat.

AMSAL 8:17

Afuni ekhe nen, an inendawinggen hundik halok, an nen it inoba nendawinggen hundik welagiregaro. An hera'nabik noba wesugun halok, an nebe ninom ambi asugun aro.

PENGKHOTBAH 3:16

A'nogo isikhesik he, ekhe mel isikhe: ”Afuni kweangma mene inobabut hilingitunem neilenggen hikhi lagi re yi: Unggum higithogo inoba figik, kotik, ikhi logou oba omanogoat weak hilingitunem isikhi lagi o.

PENGKHOTBAH 4:1

Andi nen o kweangma yoma higithogo hilingitarek lek mene andoma an nen ekhe inom futfugunem en he, afuni sebelogo fisagarek mene omanogo enggin hikhi logolik le agu were'ma re, afuni ekhe nen leberinafi lagaikha le'ma isigi. Ap inenggi omameba sebelinarek werek mene andoma nen he inomame hokho meneba a'nogo hilingfisugunem he, ap misigen iluk ogo ekhe leberisa re elo'lek welaga.

PENGKHOTBAH 5:9

Ap sa nen uang oba endawinggen hundik werek halok, uang andiba oba homo ikherek mondok lek, nen ap sa nen angge enggi werek asigin mene faget enek hilingitarek mene andi nen onggo palambik ambisangma helagain mene andoma oba homot lasigin legat. Mondogat andoma re we alomarogo nek.

PENGKHOTBAH 7:7

Ap hebelek mene nen eranen wene igin halok, aren igin mene andi re ap kembu mene nen agarek igin, nen lebetnabuageluk uang hinagaisogo wogosigin mene a'nogo helagain halok he, fanorogo wenggelhikherek mene a'nogo weaget fakhagain.

PENGKHOTBAH 8:9

Mondogat andoma re an nen o kweangma yoma hilinglagarek mene higirik futfigi. Ekhe sambul he ap omame werek mene nen it ekhe agaila'lak mene omanogo weaget fisagain iluk omameba alomat fisikhi laga.

YESAYA 10:12

Oba nen Tuhan nen ikhi logolik he, ”An nen punu Sion oba inom nen o Yerusalem oba inom hilingiti lagi mene andoma mondogat neilenggen hambik he, An nen ap raja Asyur mene andi winik-wonok ikhi logolik onggwarek legeisogo fakhili'lago mene andi unggum wogosigin o,” ikhe.

YESAYA 3:15

Nenahalok hiren An nagainafuri enggin-fenggin inoba figik, ap inenggi lek mene hinomameba inangge telogo heligik, hilingiti lagep nogo? iluk, An Tuhan Lego mondok logolik Nomame Hokho welagirek mene a'nogo nen nane mondogat igi o,” iluk ikhe.

YESAYA 37:36

A'nogo lakfesikhemo re hup a'nogoba malaikat Tuhan wulibi wagaikhesik ap Asyur mene inawi sabu sale'ma omanogo wagaikhesik ap sikhe fisogo inap inebe 185.000 nen mene inoatikhe. A'nogo inoatikhemo hubet weirogo re ap warek enek hilinglagaikhe.

YESAYA 5:7

A'nogo hilingisigin andi re At Tuhan Omame Mondok Hokho mene a'nogo eabu anggur yabu andi re At againafuri Israel mene andiat. Nen At onggwaregen anggur awi yakhikhe mene andi re it afuni Yehuda mene inebeat. Ma re At Tuhan nen anggikhi logolik iren higithogo hilingiti logoilep anggikherek, oba nen kwanirogo nek hilingitu werek, wene higithogo hilingitarek awene andi nek omamet fouwageluk anggikherek oba nen, we afuni weagerogo fisugunem lebetninabuageluk hum-ngaiengge hilingitu werek mene andi nek esanggo holherek.

YESAYA 57:15

Andi re At Allah Lego Mondok logolik Amu Horek were'ma, mondok-mondok faget Enu legeisogo fagarek mene a'nogo nen yi'nogo ikhe, ”An nebe re obalik mondok legoma hore'ma po'lima welagi o, oba nen he, ap inendawinggen sebelfakhaluk hilingitarek mene inom, inaweak faget inendawi warili'lagwi mene inom, inagaiyek lek were'ma ambotkwe inagaiyeget figik, inobakhe palek were'ma inelugerinafik igirego.

YEHEZKIEL 18:18

Hebekhogore eisena nen eranhogo wene igik, afuni inangge teligik, weak amu mene inomat hilingitik, hilingiterek mene andi re at onggwarek aweak hilingiterek mene andoma ambisangma at ebeat wa'lasigin.

AMOS 5:12

Hit hinobabut he, ninghogo weak inoba figik, afuni ekhe inobabut fano mene yi enggin ti enggin inoba figik, it afuni ekhe werekwe asuageluk onggo wokhisugunem heligik, afuni ekhe inangge inelagaik mene it ekhe nen o wene pilinget fuluk wene inoba figik, kotik, agarek oba andoma nen weak hilinginabuagaluk herakfisigik, weak mondok hokhorogo hilingiti lagep andi re hinobabut An mondogat nelu o.

AMOS 6:12

Wam kuda tom unggulkwe uarek lagarek nogo? Afuni ekhe i laut yenggelekwe nen, wam sapi nen lisogo waluk yabu wani kwagarek nogo? A'nogo meneat he, hiren hilingisu elo'lek meneba nen tiphogo hilingitu aple omanogo agaumhogo re inendawimo ale palerogo afuni inoatarek mene hilingfikhi lagep, nen, eberogo mene a'nogo agaumhogo re weak mene hilingfikhi lagep.

MIKHA 2:9

Hiren he hemi An nagainafuri mene hinanggelekwe inawi inendawinggen hundik meneba were'ma mugusogo wulakfisigik, nen it inagainafuri inoba An nen inangge yi mene ti mene fano mene wogisikhi lagi mene omanogo mondogat telogo heligik, hilingiti lagep andi.

ZAKHARIA 8:6

A'nogo hilinglasigin mene andi faget it ap inunggulenu yogondak ineluk werek mene nen he, wene andi re hilinglasigin elo'lek anggagarek, oba nen An nen hilingisu lek mene ekhe werek lek.

MALEAKHI 3:5

At Tuhan Omame Mondok Hokho mene a'nogo nen ikhi logolik, ”An hobuk wesigin andi re hit wene hinoba figik kotik igiluk wesigin o. An he afuni hareise higirinafarek mene inom, pailak hilingitarek mene inom, ineranhogo wene fagetharek mene inom, ap yabu hilingitu mene faget onggo wogisikhi logolik henarogo hilingitarek mene inom, nen, hemi sogwe hea, yenggerugwi suarek mene hea, afuni pok mene hea inenggi omameba sebelinarek welagaikharek mene inom, it afuni An agaugwet nobagagi'lek hilingitarek mene inom mondogat ineilhanem it hilingiri'lagwi mene andoma An neilenggen kwelaginarek logogin nen. weak-weak wesigin o,” iluk yagaisasikhe.

LUKAS 1:32

Nen, omalik andi alue asimbik kain agunem he, afuni nen he, Tuhan Allah kain welagarek a'nogo amlogo higi o, iluk ikhi logogun. At omba Daud andi enupogot logolik, afuni aren ferinarek welagaikhe a'nogo obali'mo re, nineisena Tuhan nen, at andiat menfagain o.

LUKAS 1:35

at malaikat a'nogo nen he, ”Allah Areagun hoba louk i wesimbik he, kunmo kwagarek hak, nineisena Tuhan Allah omame hokho andi awe a'ma hobagagin. Hobagaumo re, heak Allah alegat amlogo tasumo re, afuni nen, At andi Allah amlogo, iluk ikhi logogun o.

LUKAS 1:76

Nen, hat namlogo yi nen, ninoe Enupogot wesigin kwe yati logouwageluk, hat attak yonggo laga logolik afuni yi weak ti weak hilingiri'lagwi mene Allah nen wene inoba mene sebelogo legetfisaluk telinabigin wene andi Haren yagaisamo inelu asigin andiba, hat habok ikhi logolik, Esin welagarek mene awene yagaisilik nikho a'nogo ebe yi aro, iluk ikhi logogun.

ROMA 11:33

At Allah oba mene hokhorogo welagik, endawimo mondok kagalek welagik, wene mondok elu welagik, ikherek andi nailo e. Aren wene elugun waterek mene, nit afuni ninelu asugun nogo? Aren yi mene ti mene hilingiterek mene niren futfogoin nogo?

YAKOBUS 2:13

Hiren afuni hinendawirinafi'lek halok Allah nen he, endawit hinafi'lek wene hinoba fagain aro. Menere, afuni ekhe inendawirogo welagaikharek mene andi Allah nen inanema wanhi logolik wene inoba fagain lego.

1 PETRUS 4:12

Nerugwi nagaila'lak. Hinebe nendawi e. Endu aik hagarek andi hak, Allah nen he, hinobabut paligeluk yi enggin ti enggin hinoba agunem, hinendawimo nen he, ”Yi hunogoat hogorek lek mene ninoba ari'logo,” iluk anggagubo.

1 YOHANES 3:13

Halok, nerugwi nagaila'lak e. Afuni kweangma mene nen, hit inabit mondok hilinghinafu halok he, ”Nailo e,” iluk hinendawinggen fitubo.