PENGKHOTBAH 5:2 - Allah Wene Fano Wene Hupla Inane

² Yabu hokhorogo hilingitunem inabi weakhogo wokhagarek andi hak he, inane hokhorogo matunem kembu mene nen agarek weneane yugunat agarek andi.

PENGKHOTBAH 5:2 ပူးပေါင်းရင်းမြစ်များ

KEJADIAN 18:27

A'nogo yagatikhemo at Abraham en ekhe hobuk mel yagatikheat: ”Neisena, an yi re, nebe afuni mene yi wene ti wene u lek mene nailo legat wene yi hobuk ekhe inomat yagahesigin yi re, wena'netun o, neisena.

KEJADIAN 18:30

A'nogo yagatikhemo, at Abraham en he mel yagatikhe: ”Neisena, an nen hobuk ekhe inomat yagahesigin andi re, ha'mage noba fugun o. Afuni weak hilingiti'lek mene inebe 30 nek werek halok, haren ninggi'nogo hilingisigin,” iluk yagatikhemo, nineisena Tuhan nen he, ”O kota andoma afuni weak hilingiti'lek mene inebe 30 nen were'ma isigi halok, inoasigin igi mene andi kamo igin o,” iluk yagatikhe.

KEJADIAN 18:32

A'nogo yagatikhemo, Abraham en he, wene elugun warogo mel yagatikhe: ”An nen wene misigat ekhe hobuk yagahesiginat andi re, ha'mage noba fugun o, neisena. Afuni weak hilingiti'lek mene inebe 10 nen were'ma heilenggen isegen halok he, ninggi'nogo hilingisigin anggegen, neisena,” iluk yagatikhemo, At nineisena Tuhan nen he, ”Afuni weak hilingiti'lek mene inebe 10 nen andi eberogoat werek halok, an nen afuni o kota andoma mene mondok legetfisagain lego,” iluk yagatikhe.

KEJADIAN 28:20

A'nogo salhikhesik, Allah enu hombuk palogo mel isikhe: ”An laga lagi yi, neisena Tuhan nen fetnarek welagik, lebetniigik ikhi logolik, sumburu inom, nasu inom, wo'netunem,

KEJADIAN 28:22

Nen, yi mene ti mene neisena Tuhan nen wo'nesigin mene andi nenggi wenagaisogo nomoloba lagai wagunem, sogo nen an aga logolik misik ekhe hat honggwarek wokhesigin aro. Nen, helep menegeisogo figi yi neisena Tuhan hobaget fogethafi logouwageluk, inendawi wenggelogo eberek logouwageluk hobagagi o,” iluk enu hombuk palhikhe.

MAZMUR 115:3

Nineisena Allah ebe pogoroba werego. Logolik he, At endawimo amolo anggikherek mene higithogo nek hilingiterek.

AMSAL 10:19

Inane hokhorogo matu halok he weak ekhe inomat hilinglasu hak, oba nen ap ekhe nen amelinggen eil warikhe halok he ap andi endawinggen hebelek mene werek.

AMSAL 20:25

Hat hendawimo weak hegen hanogo re Tuhan faget wam warogo wogosigin iluk wene ware'luk halok he, oan warogo fei lagi'lek logolik furogo wenggel halugen hilingitu nogo.

PENGKHOTBAH 10:12

Ap hebelek mene ane ugunem he legeisogo fagarek, oba nen ap morue mene re onggwarek ane ambisangma eiloak lek agarek.

PENGKHOTBAH 10:13

At a'nogo ane ikhi logolik he, attak-attak hesangge mene tak eroraterek, andi nen ambisangma re ap lugulugwi paligen agarek hangge ikherek.

PENGKHOTBAH 5:3

A'nogo hilingi'monggere haren Allah ba wene ware'luk halok he weak-weagat hane igin mene higithogo nek hilingi'no. At Allah re ap inobabut kemburogo hilingiri'lagwi mene andoma re mondogat abit. Andi nen he haren wene wareten mene andi weak-weagat tibet feino.

PENGKHOTBAH 5:7

Ap kain inenuwerek mene logolik melalinafarek mene nen ap kunggu inenggi lek mene sebelogo fisigik, it inobaget katokhogo hilingfisigi'legengge hilingitik, hilingitu werek halok he wene andi faget fogerinabu fuk. Ap pegawai werek mene re inogogwi it inunggul mene nen kagalinarek werek, andi hakhogo it ineabu legoma werek inaben ogore it inagoromi kagalinarek weregat.

YESAYA 55:9

Kweangma nen pogoroba eil uan welagarek andi hak, An nen wenggelhirek mene andi re ambolkwe hak werek kwelek haren wenggelhi lagen mene re a'makwe hak werek, An lagirekwe re poma hak werek kwelek hat laga lagen kwe re a'makwe hak werego.

IMAMAT 5:4

Ap ekhe nen ero tukhumsek legengge nen yi'nogo hilingisugun iluk ane hombuk palfulugen ane hombuk paligin mene a'nogo weak hilingiti iluk, wenggelasi wagu halok.

MATIUS 6:7

Halok he, hiren samban ikhi logolik, it afuni endakwe mene nen agarek hak ikhi logogubo. It andi samban ikhi logolik, inendawimo nen he, Uan-awan ikhi lagi andi nen, nineisena pogoroba mene esanggo holigin o, iluk, lithilik-lathilik lagaikharek andi.

MATIUS 6:9

Halok he, samban ikhi logolik he, yi'nogo ikhi logoino: Nineisena pogoroba mene honggwarek henu esinet fikhi logouwageluk, hilingninabime o. Ninebe hawe a'ma logouwageluk ninobagaime o. It pogoroba hat hendawimo anggegendek mene hilingitarek hak, nit kweangma a'nogoat hilingiti logouwageluk, hilingninabime o.

MARKUS 6:23

O yoma an kain logolik ferinarek welagimo re, haren, ”Yi mene namolo, egen halok he, heirogo minggilogo fenakwe wokhesigin aro,” iluk Allah enu hombuk palogo yagatikhe.

YAKOBUS 3:2

Nit afuni mondogat fano hilingiti lago iluk yi mene ti mene faget, weagat hilingitorek andi. Meneat he, sa nen aneba nen wene weak mene ekhe igi'lek fanorogo nek ikherek halok he, enggi eisok ebe mondogat fanot fikhi logolik endawinggen lambukhogo wurigat werego.

HAKIM–HAKIM 11:30

Lagaikhesik at Yefta nen Tuhan oba wene wati logolik he, ”Neisena Tuhan, Haren an afuni Amon mene mabenet fisoageluk anggikhi lagen halok he,