PENGKHOTBAH 5:16 - Allah Wene Fano Wene Hupla Inane

¹⁶ Nit nineluk logolik oba re, mum hikhaksekwe yafak tafak laga logolik, ninendawinggen fitik, ninobaharo agik, ninendawimo ou higik, ogorek andi.

PENGKHOTBAH 5:16 ပူးပေါင်းရင်းမြစ်များ

AMSAL 11:29

Ap ekhe nen it ekhe inom horokhogo mene a'mageba weaget fisikhe halok he at mene angge omanogo mondogat legasigin, ap kembu mene re hebelek mene amingmingengge a'luk logogin.

PENGKHOTBAH 1:3

Nit nineluk uanhogo logolik yabu likhak warogo hilingiti lagoba nen he ebe nit hilingiti lago mene a'nogo ambisangma enggen ki mene i'lagarek nogo?

PENGKHOTBAH 2:11

Oba nen he hobugen an nen penetunemen he, yabu hilingitirek mene omanogo mondogat inom, nenggi ambisangma saburikhi lagi mene omanogo inom, ekhe mene ekhe mene omanogo mondogat elugun warogo hilingitu mene faget inom, andoma mondogat faget futfikhi logolik, a'nogo hilingitirek mene omanogoba ekhe werek le'ma hasigi. Nomamerogo hilingitirek mene omanogo re we alomarogo sogoi murok lagaikharek a'nogo hak werek anggasigi.

PENGKHOTBAH 3:9

Nen, niren yabu ebe set kwil-kwalhogo hilingitorek mene ambisangma re nena mene saburogorek nogo?

PENGKHOTBAH 5:13

Oba nen he, angge andogorogo fakhikherek mene omanogore at onggwarek oba wene ekhe asi wagunem, angge omanogo mondogat legagunem he aren taginaferek mene omanogo inoba alolegengge ekhe wogisikherek mondok lek.

YESAYA 26:18

Niren he ninomalik nina'mare'ma hakhogo logolik ouen heinet wati lago, oba nen niren ekhe takhogorek he mondok lek andi, niren kweangma mene inoba ekhe ninagap teluageluk wogisamo re elo'lek.

YEREMIA 2:8

Nen, it ap An faget imam welagaikharek mene nen he, Nineisena Tuhan ebe koma werek iluk mel heinok wo'niikhi lagaukwa legat. Nen, it ap An nen, Yi'nogo hilingiti logoino, ti'nogo hilingiti logoino, iluk komothinafigi wene andi sagalasinogo iluk inenggiba logolik halharek inap andi nen, nane yagaisikhi lagaukwa mene nen he Baal enu hombuk palogo wene hilinglasigin mene yagaisikhi logolik, tugwi kembu, we, tulemat mene fogerati lagaukwa andi,” iluk ikhe.

HOSEA 8:7

An nagainafuri nen sogoi awi yatu halok he enggen he sielu palikhi logogun! Gandum yabu yago mene wurik agu lek halok he nunggu mene faget gandum weregabet fakhikhi logogun lek! Oba nen gandum andoma wurik asi le'ma nen ogore ap inunggulenu amu mene nen ninggi logoilep.

MARKUS 8:36

A'nogo meneat he, sa nen, yi mene ti mene kweangma mene mondogat eisewerek asigin oba nen he. Ebe eluk mondok logogin mene a'nogo nong asigin halok, aren ikhi logolik, ”An ekhe elok saburogo fakhigi,” igin nogo? Mondok lego.

YOHANES 6:27

Sumburu fili asimbik lek asigin mene faget yabu hilingiti logou fugo. Athe, sumburu mondok logogin mene ninggi logolik, ineluk mondok logogun mene andi, an nenat wokhisikhi logouwageluk neisena nen nayonggo fuluk laknobagai wagaikhemo, abat ta'lasi wagagi andi faget yabu hilingiti logoni,” iluk yagaisasikhe.

1 KORINTUS 16:16

It inobabut hangge it ekhe inom ninghogoat hilingitu halok he, mondogat inawe a'ma kuluk inane hologo logoino o.

1 SAMUEL 12:21

Hiren At ebe herakfisaluk, tugwi kembu ebe lek mene andi faget, aren telhinafik, lebethisigik, ikhi logogin iluk hinendawinggen oba himbiret fuluk at faget hilingirik laga logogubo.