PENGKHOTBAH 5:11 - Allah Wene Fano Wene Hupla Inane

¹¹ Ap ekhe yabu hilingiterek mene nen he nunggu mene lek kwelek oba nen aren nogo obabe lekhogo nogoikherek. Oba nen ap enggi werek mene angge hokhorogo werek oba nen he, angge omanogo faget endawimo ebet-ebet hilingiti logolik he hup fanorogo nogoikherek lek.

PENGKHOTBAH 5:11 ပူးပေါင်းရင်းမြစ်များ

KEJADIAN 12:16

Waluk lagaukwama, at ap Firaun a'nogo nen, he Sarai alisikhogo Abram fano hilingfigik, afuni Abram amingmingengge logouwageluk wogotik, domba, kambing inom, sapi inom, keledai, unta inom, wogotik, isikhe.

KEJADIAN 13:2

Abram anggo re, domba inom, kambing inom, sapi inom, nen, arupiah perak mene inom, emas mene inom, mondok hokhorogo were'ma ebe kain enggi werek agun welagaikhe.

PENGKHOTBAH 11:9

Hat ap alage souge yi re, hebe souge logolik andem he hendawimo anggagain mene hilingirikhi logoino! Hebe elama sougerek logolik andem he hagaiyek hokhorogo hugu nogo. Hat hendawimo nen wenggelhu mene andoma re tiphogo nek hilingiti logoino, nen hendawimo hilingisigin iluk anggagain mene andoma higithogo nek hilingirikhi logoino. Oba nen he helurogo! Haren hilingiti logogin mene andoma mondogat he, At Allah nen hobuk wene inoba figik kotik igin oba andoma wokharek lambik katokhogo ayo wut habigin oba werego.

PENGKHOTBAH 2:9

Ibi eberogo nen it ekhe o Yerusalem welagaikha inap andoma re sebelek hak werek kwelek an enek he ap hokho nagun welagi, nen wenggelek mene andi inelu mene re we an nami namuat welagi.

PENGKHOTBAH 5:12

An nen neil penetunemen he o kweangma yoma inamel-mel asu hak mene misik ekhe were'ma hikhi lagi: Ap ekhe nen he anggolo asigin sambul faget iluk angge yi mene ti mene andogorogo fakhikherek.

PENGKHOTBAH 6:9

Mondogat andire alomarogo nek we sogoi murok lagaikharek hak were'ma re, mondok fanore hokho-pokhorogo helelo iluk murok lagaikharek mene andoma herakfuluk, ninenggiba logogin mene andem faget higit anggikhi logogun fano.

YEREMIA 17:11

Sue ekhe nen sue amu mene enggen tagoma sagaum eterek hak, afuni higithogo hilingitarek lek mene nen yogot wanharek mene re andi higit werek. At ebe eluk werek mene a'nogo wurep oba asi lagunem he, ap andi morue mene iluk enek agarek.

HABAKUK 2:13

Afuni inunggulenu lombok hiren sebelogo fisasigip mene andi, wiik-weakhogo wutukwa mene endu ninggik, set awi kwil-kwalhogo hilingiti lagaukwa mene alomat lakhigik, igin andi re, Tuhan yi mene ti mene hilingiteregenek mene a'nogo nen endawimo anggikhebaat hilinglasigin o.

1 YOHANES 2:16

Nen, afuni kweangma mene inobabut hilingitarek he, inoba aigage lagagik, yi mene ti mene ineilenggen en haluk inamolo anggigik, kweangma mene faget fogerakhigik, agarek andi mondogat ero re, nineisena Allah fuk. Ero re, kweangma aro.