PENGKHOTBAH 5:1 - Allah Wene Fano Wene Hupla Inane

¹ Hinane oan igi'lek logolik hinendawimo fanorogo wenggel halugen ugunogo. Nen, Allah ba weak-weak wene warogo yagasu fuk. At ebe pogoroba werek, nen hit he kweangma logolik enggere fetakhogo nek u fuk, oba nen hinane uogeluk he hambuget halugen ugunogo.

PENGKHOTBAH 5:1 ပူးပေါင်းရင်းမြစ်များ

2 TAWARIKH 26:16

At raja Uzia a'nogo ebe omame aga logolik he endawimo leget fakhikhi lagaikhe. Aren he Allah Wene melalek werek mene a'nogo sagalogo fuluk he, o Tuhan Awi wuri'mo mezbah a'nogoba amben fanongge no dupa nolhi lagaikhe mene a'nogoba noligin iluk kwi lagaikhe. Andiba re at ebe mondok weaget fakhasikhe.

AYUB 22:12

At Allah andi re Lego Mondok welagarek mene At ebe re pogot inom hesagal inom he a'ma hak werek kwelek At enek he mondok legoma po'lima welagarek.

MAZMUR 89:7

O pogoroba andoma re, Tuhan hebe higit mene ekhe werek lego, nen it pogoroba ineluk welagaikharek mene andoma Hat hinom higit mene ekhe werek legaro.

KELUARAN 3:5

A'nogo yagatikhemo, At Tuhan nen he, ”Hat hebe An nonggwarek nanggweang oba mendek welagen andi nen, hebe horokhogo ya wagi'lek, andem logolik heisok sandal ugu welagen mene ari nonggologo arem fein o.

KELUARAN 30:18

”I yenggelhuba faget obalik perunggu meneba misik ekhe hilingiti logolik he, o'lu earek menere, perunggu meneba nek pugun e'no. Pugunhogo re obalik hilingik andi, o sabu honggolek mezbah honggolek tulem andoma i keralogo feino.

AMSAL 10:19

Inane hokhorogo matu halok he weak ekhe inomat hilinglasu hak, oba nen ap ekhe nen amelinggen eil warikhe halok he ap andi endawinggen hebelek mene werek.

AMSAL 15:8

Tuhan nen he, afuni ekhe inobabut fano hilingitarek mene nen samban ugunem inane esanggo holherek. A'nogo meneat he, it ekhe inobabut weak mene nen yi mene ti mene At faget fisugunem abit anggikherek.

AMSAL 21:27

Tuhan he afuni weak hilingitarek mene nen At obaget fagarek mene andi re apsiri inoba fikherek, ap andi endawimo nen weagasuak anggikhi logolik hilingisigin halok andi re ebenagaik.

YESAYA 66:3

Oba nen he it afuni inunggulenu andoma mene nen he it inendawimo inamolo anggagarek mene nek hilingirik lagaikharek. Iren hilingitarek mene re mondok weak mene hebak inafe asu hak mene omanogo faget hinagaiyekhogo kabogetfuluk hilingitarek. A'nogo hilingiti logolik he iren sapi ai mene watik, ap watik, hilingitu mene inom, domba eak watik, mene alonggop perelogo watik, hilingitu mene inom, gandum figik, wam amep figik, ugu mene inom, amben engge kemenyan nolhik, tugwi kembu fogeratik, ugu mene inom andoma re peneti'lek we yugunat hilingitarek.

IMAMAT 10:3

Wa'lagaukwama at Musa nen Harun yagati logolik, ”Tuhan nen Afuni An nobaget hilingiti logogun mene halok he, An Nebe horek welagi mene a'nogo legeisogo nobagakhi logolik fogetnafi logogun, nen An nebe nanggiluk welagi mene a'nogo afuni An nagainafuri inunggulenu mene inoba inugisikhi logogin, iluk, Tuhan nen ikhe,” iluk Harun yagatikheba nen he, at ane igi'lek wamborek welagaikhe.

KISAH PARA RASUL 10:33

Andi nenat, an nenggi ekhe welagi'legat he, ap ekhe hayonggo hoba lakfisigimo, hat hobabut fano nen kamo igi'lek fano wagen, noe. Nit mondogat yogondak Allah eilhanem welago yoma re, Aren wene yagaisano, iluk yagahete mene, wene andi mondogat ninesanggo holuogeluk welago, noe,” iluk yagatikhe.

KISAH PARA RASUL 17:11

It afuni Yahudi o Berea mene inobabut he, afuni o Tesalonika mene inendawimo puk welagaukwa andi hak he, lek. We, it he, wene anggilukhogo wanhi logolik, ”Wene ikhe andi eberogoara? Lega,” iluk, Allah ane lisu palogo fesukwa mene a'nogo hundik-handigat enu salogo furogo kumuthikhi lagaukwa.

1 KORINTUS 11:22

Hit a'nogo hilingiti lagep andi nenahalok? Sumburu ninggik, i ninggik, ugun he, hinawi wurik le'ma a? I a, Allah againafuri hinom andogoti lagep mene hinendawimo nen sebelfisigik, inenggim lek mene inenggali asuageluk hilingitik, ikhi lageba? An wene ki mene yagahisagain. Fogethinabigin a? Lego. An wene yi faget fogethinabigin lego.

IBRANI 10:26

Ebe wene Allah ane yaganisasukwa mene ninelu logoligat he, nineranenat wene andi sagalogo herakfisaluk weak mondogat hilingiti logogun halok he, nit hobuk ninanggo Allah faget waresumo ho'ninabigin mondok legaro.

YAKOBUS 1:19

Nerugwi nagaila'lak. Hinebe nendawi e. Wene yi hinendawimo eberek logoni o. Hinebe lombok wene hinesanggo weak-weak holiluk he, hinaneba nen erogat yagaisigik, hina'mage lagai wagunem hinendawinggen sebelogo logombigen erogat igik, ikhi logoino o.

YOSUA 5:15

A'nogo yagatikhemo, Tuhan agot panglima, tentara mene inoe a'nogo nen he, ”Kweang hat hebe mendek welagen oba arem he, Allah onggwarek anggweang andi nen he, hat heisok sepatu yelik mene ari nonggologo fein o,” iluk yagatikhemo, at Yosua eisok sepatu yelik welagaikhe mene a'nogo nonggologo fesikhe.