PENGKHOTBAH 4:6 - Allah Wene Fano Wene Hupla Inane

⁶ A'nogo werek mene andi re fanoba nen he, inangge endebengge were'ma inendawinggen hambukhogo welagaikharek andi nek he mondok fano anggikhi lagi. Oba nen inenggi pireba yabu hokhorogo hilingirik lagaikharek andi re sogoi murok lagaikharek higit.

PENGKHOTBAH 4:6 ပူးပေါင်းရင်းမြစ်များ

MAZMUR 37:16

Afuni inobabut weak mene nen inangge hokho-pokhorogo were'ma hilingiri'lagwi mene andoma maben hak, oba nen he afuni ekhe fano hilingitarek mene nen inangge endebengge were'ma hilingiri'lagwi mene andi nek he onggo hokho mene hak werego.

AMSAL 16:8

Higithogo hulingisugun oba ambisangma endebengge helogoin andi fano, oba nen tiphogo hilingiti'legengge nen ambisangma hokhorogo helogoin andi nek he mondok weak.

AMSAL 17:1

Sumburu nunggu mene were'ma wene legengge welagaikharek andi mondok fano, oba nen fano-fanongge isago kabok lagagu kwelek yei wene palharek andi nek hemondok weak.

PENGKHOTBAH 1:14

Afuni o kweangma yoma nen hilingiri'lagwi mene andoma mondogat he an nen isigirek enek. Oba nen he yethani, mondogat a'nogo hilingiri'lagwi mene andoma re we alomarogo sogoi murok lagaikharek hak hilingiri'lagwi.

PENGKHOTBAH 1:17

Andiba re an nen anggikhi logolik afuni hebelagaikharek andi inom, kembu agaikharek andi inom, nen inendawinggen wenggelek welagaikharek andi inom, sogourek welagaikharek andi inom agaumsek oba nen hilingik mene andoma nelu asuageluk herasigin anggasigi. Oba nen hobuk eberik-eberigen he an yire sogoi murok lagaikharek hak hilingiti lagi higi, iluk futfesigi.

PENGKHOTBAH 4:7

Nineluk yiba we alomarogo werek mene re ekhe weregat.