PENGKHOTBAH 4:10 - Allah Wene Fano Wene Hupla Inane

¹⁰ Ap ekhe pule pikhe halok agailak ekhe nen lebetha hak, nen ap misik andi re amunek hilingi'mo re at ebe pule pikhe halok ap andi lebetha mene ekhe werek lek andi nen he namelmelsek.

PENGKHOTBAH 4:10 ပူးပေါင်းရင်းမြစ်များ

KEJADIAN 4:8

A'nogo yagatikhemo, at Kain nen agot Habel mel yagatikhe, ”Nemberek yabumo louwogen eme o,” iluk yagatikhesik, arat yabumo lagaukwasik he, Kain agot Habel warogo sebelfesikhesik, ebe pinggi watikhe.

2 SAMUEL 11:27

A'nogo fong watu welagaikhesik kwe wulibu hak agaikhemo, at Daud en he andi wani loagaluk agoromi lakfisasikhemo wani lagaukwasik wagaukwama re, ebe helasikhe. Helasikhesik welagaukwasigen he a'nogo eak ap takhasikhe. A'nogo meneat he, at Daud en hilingitikhe mene andi faget he Tuhan nen abit anggasikhe.

2 SAMUEL 14:6

An hamingmingengge nagainafuri ap mene inebe pire, nen linggene misik sambul he o leimo omanogo nen yei fesukwasik he ap telinafu mene ekhe le'ma re at ekhere ebe pinggi wa'laga.

KELUARAN 32:21

A'nogo hilingitikhesik, Harun mel yagatikhe: ”It afuni yi ninggi'nogo hilingitu nen, haren it weak hokhorog o hilingisuageluk herakfisegen ma,” iluk yagatikhe.

PENGKHOTBAH 4:11

Hubanggo ogore inebe pire erarogo nogogunem he aganhan welagarek, oba nen ap misik nogogin halok he at ebe amu nek hilingi'mo re ninggi'nogo aganhan logou hak nogo?

PENGKHOTBAH 4:9

Ap misik amunek werek andi re weak oba nen, ap inebe pire logogun andi nek he mondok fano. It yabu hilingitu mene re ambisangma fano asigin.

GALATIA 6:1

Nerugwi nagaila'lak. At ekhe weak hilingitunem hineilenggen hegep halok he, at andi ambotkwe obabut hebelasuageluk, hit Allah Areagun eberogoat hinendawimo werek mene nen hinane liokhogo komo'no o. Komotunem a'nogo, hit a'nogoat hinoba asinogo iluk, hinonggwarek hinebe hebelogo logoino.

1 TESALONIKA 4:18

Andi nenat, wene andiba hit-hit hinendawinggen fanorogo, hinendawimo ago wat-wat ikhi logoino o.

1 TESALONIKA 5:11

Andi nen, hit yogondak ya hilingiti lagep hagat, hit-hit komo-komo igik, hinendawinggen ago wat-wat igik, ikhi logoino o.

1 SAMUEL 23:16

A'nogo were'ma at Yonatan nen Daud faget heisena Allah nen fetharek werego iluk endawimo ago watfeigiluk he emberek ambi asuogeluk lagaikhe.