PENGKHOTBAH 4:1 - Allah Wene Fano Wene Hupla Inane

¹ Andi nen o kweangma yoma higithogo hilingitarek lek mene andoma an nen ekhe inom futfugunem en he, afuni sebelogo fisagarek mene omanogo enggin hikhi logolik le agu were'ma re, afuni ekhe nen leberinafi lagaikha le'ma isigi. Ap inenggi omameba sebelinarek werek mene andoma nen he inomame hokho meneba a'nogo hilingfisugunem he, ap misigen iluk ogo ekhe leberisa re elo'lek welaga.

PENGKHOTBAH 4:1 ပူးပေါင်းရင်းမြစ်များ

AYUB 16:4

We hit hinebe ari an logoilema, nen an he hit logoumo nen he, an nen ogo hiren ikhi lagep andem hakhogo ikhi logoile aro. An nunggul kwanit hikhi logolik, wene ane uan horok fanorogo nek yagaheti logoile aro.

AYUB 35:9

Afuni sebelogo fisagarek mene omanogo re neneik eri'lagwi, nen iren he lebetninapni agwi iluk he inane kwetu werek.

AYUB 6:29

Hinendawinggen wenggelha'ni! Hiren wene leatokhogo hilingiti'legengge hilingitu lek. Nen, an he ibi-eberogo nen weak hilingiti legenggere, hiren enggin-fenggin an noba fugu lek.

AYUB 9:24

Kweang yi re At Allah nen it afuni kwanirogo hilingitarek mene inoba wogisasikhe, nen it ap wene katokhogo pilingitarek inap hakim omanogo re Aren ineilenggen pukhogo fisikhe. Nen At Allah nen hilingi'lep lek halok he, ap sa nen ekhe hilingi'lep anggegep?

MAZMUR 12:5

Iren ikhi logolik he, ”Nit ninamelinggen ninonggaregen halamo re higiro, yi wene ti wene we ninggi'nogo wene andoma mondogat he higit ikhi lagoma re amu mene nen ekhe kwe palninabu lek hago!” iluk agarek.

MAZMUR 142:4

An noba lebelek agu sambul he an nen hilingisigin mene Hat mondogat helu welagen. Ebekwe an lagain iluk hilingiti lagikwe omanogo it naselei mene nen linglong an nobaget hele yebet fili'lagwi.

MAZMUR 142:5

An nera'lukwe neilenggen furogo kumuthugunem he, an lebetnea mene ekhe werek le'ma hikhi lagi. An nebe telogo nobagagu mene ekhe werek legat, athe an nebe hilingik welagi mene faget kwelakniugu mene ekhe werek legat.

MAZMUR 42:3

An he Allah heluk welagen mene nendawinggen nunggunem Hoba eberek welagi o. Mera nen an Hat haiba wesimbik Hat hobaget hilingisigin nogo?

MAZMUR 42:9

Andi nen he, o hubanggo an nen Allah eluk ero a'nogoba wuni watik, samban igik, ikhi logogin nen he, We At Tuhan nen enek o linggene werek kwelek endawi hundik hilingnaferek mene a'nogo inuk niikhi logouwago.

MAZMUR 69:20

Afuni inendawimo seramet nobagaluk inane na'malolo wo'niikhi logolik, nenggali warogo hilingnabi'lagwi andi Hat he helu welagen o. An naselei mene inebe mondogat heilenggen isikhi lagen.

MAZMUR 69:21

An nebe afuni nen seramet nobagali'lagwi andi faget, nendawinggen warikhi logolik he, nobakheindok palagunem welagi. Nebe inendawit nabuagaluk heraginafi lagi meneat he, we tulemat heraginafirego. Nendawinggen sebeluageluk heraginafirek oba nen he, inebe isigirek mondok legaro.

MAZMUR 80:5

Tuhan Allah neisena, Homame Mondok Hokho mene, it hagainafuri mene nen samban hayonggo fugu werek kwelek oba nen he, Haren ki huli wene ninoba fugu mondok logogin nogo?

KELUARAN 1:16

”Hit hemi Ibrani mene ineagwi takhugunem leberisikhi logolik he, yi'nogo hilingiti logoino: Omalik ap ta'lagu halok inoati logolik, hemi ta'lagu halok ineluk herakfisikhi logoino,” iluk yagaisasikhe.

KELUARAN 1:22

A'nogo hilinglagaukwama, at raja Firaun nen he, afuni Mesir mene mondogat inoba yi'nogo yagaisasikhe: ”Afuni Israel mene inomalik ta'lagu halok, abengge halok he, i Nil ima lakfisikhi logolik, helengge ta'lagu halok he, inanum palinafunogo,” iluk yagaisasikhe.

AMSAL 19:7

Ap enggi lek mene andi re agailak meneba nen ogore inapsiri watfisagarek, nen agailak inagaisa misik mene andi re ebenagaik. Aren omamerogo hilingisigin meneba nen ogore, it inom sebesumo re elo'lek.

AMSAL 28:3

Inomame werek inap andoma nen ap inenggi lek mene sebelogo fisagarek andi re, meiso sogenggen mene nen yabu yago weagerogo fikherek hak hilingisogo fisagarek.

AMSAL 29:2

Ap higithogo hilingiterek mene nen ferinarek were'ma re afuni inagaiyek welagaikharek, oba nen ap weak hilingiterek mene nen ferinarek were'ma, eige nabire iluk inane sagalharek.

PENGKHOTBAH 3:16

A'nogo isikhesik he, ekhe mel isikhe: ”Afuni kweangma mene inobabut hilingitunem neilenggen hikhi lagi re yi: Unggum higithogo inoba figik, kotik, ikhi logou oba omanogoat weak hilingitunem isikhi lagi o.

PENGKHOTBAH 5:8

Nen o kerajaan ekheba wene obabut ariginik mene were'ma at raja nen afe halogo fugunem he, afuni mondogaren agaukhogo leget fagarek.

PENGKHOTBAH 7:7

Ap hebelek mene nen eranen wene igin halok, aren igin mene andi re ap kembu mene nen agarek igin, nen lebetnabuageluk uang hinagaisogo wogosigin mene a'nogo helagain halok he, fanorogo wenggelhikherek mene a'nogo weaget fakhagain.

PENGKHOTBAH 8:9

Mondogat andoma re an nen o kweangma yoma hilinglagarek mene higirik futfigi. Ekhe sambul he ap omame werek mene nen it ekhe agaila'lak mene omanogo weaget fisagain iluk omameba alomat fisikhi laga.

YESAYA 5:7

A'nogo hilingisigin andi re At Tuhan Omame Mondok Hokho mene a'nogo eabu anggur yabu andi re At againafuri Israel mene andiat. Nen At onggwaregen anggur awi yakhikhe mene andi re it afuni Yehuda mene inebeat. Ma re At Tuhan nen anggikhi logolik iren higithogo hilingiti logoilep anggikherek, oba nen kwanirogo nek hilingitu werek, wene higithogo hilingitarek awene andi nek omamet fouwageluk anggikherek oba nen, we afuni weagerogo fisugunem lebetninabuageluk hum-ngaiengge hilingitu werek mene andi nek esanggo holherek.

YESAYA 51:23

Enggin fenggin andi re, An nen it afuni hit sebelogo hinobagakhi logolik, kweangma weingla'ni o, iluk hit hinebe afuni kwe lagukwe hakhogo hilinghinobagaluk sibil-sebel hisikhi lagaukwa mene omanogo inoba fagain o,” iluk ikhe isikhe.

YESAYA 59:7

Hiren hundik-hundik kwanirogo hilingitarek mene nek wenggelhi logolik he hilingisugun iluk weak-weak hilingiti lagep. Hinendawinggen misik a'luk hiren ap weak hilingitu lek mene inoati lagep. Hiren laga lagep kwe omanogo re weaget figik, meisalogo figik, hilingisugun mene a'nogo nek eilem-eilem hilingiti lagep.

YEREMIA 16:7

Nen, aben ekhe it faget fong warogo logolik iluk seni ekhe isasugun mondok legat. Nen afuni inom inendawinggen sebe iluk werek mene ogo, athe ineisugwi inagaisalak wa'lagunem fong warogo inom werek mene ogo logogun legat.

RATAPAN 1:16

Andiba re neilamusu mondogat pialiluk pili'lago, an nebe kon nobagagik, nendawimo nagaiyekhogo hilingnobagagik u mene ekhe werek lek. It naselei mene nen mondogat sebel fakhagama re, an nunggulenu mene inangge mondogat lek aga.

RATAPAN 1:17

An nen nenggi liakfuluk lebetnabuageluk hilingiti lagiba nen, an konnabu mene ekhe werek lek. Yi kwe ti kwe mondogaren he Tuhan nen naselei mene lakfisa wagunem, it we'luk an noasi weri'lagwi. An he ologoilong engge hugisagarek mene hak hilingnobagali'lagwi, it inanggele'ma nen he hebak inafe mene hangge hilingik welagi.

RATAPAN 1:2

Hup inukhogore oba sinurogo le agu mondok werek, eil amusu elokhenggen kwe piali waga. It ap at inom inendawi hundik welagaikharek mene nen iluk ekhe at endawinggen sebelogo koni'lagwi lek. At agaila'lak mene nen weagarogo fuluk he hebekhogo at aselei mene ari'lagwi.

RATAPAN 1:9

At ebe emerek mene re mondogat eneksek, oba nen at ebeba asigin mene faget he aren fut fili'lago lek. At ebe mondogat wililinggin wolelenggenhogo taik ikhe, oba nen ap misigen ogo ekhe koni'lagwi lek. At aselei mene mondogat inalong agaikha andiba re aren Tuhan nen endawit nabuageluk kinori'lago.

AMOS 3:10

Tuhan nen a'nogo ikhesik, ekhe mel ikheat: ”Afuni Samaria mene nen he, inawi fano mondok wuri'mo andoma yi mene ti mene weak hilinginafi logolik, telogo heligik, hugulengge wanhik, aga mene omanogoba mondok peterogo fakhaluk werego. A'nogo logolik, inobabut higithogo hilingitu aplere mondok inonggot werek.

AMOS 3:9

A'nogo isikhesik he, ekhe mel isikhe: ”Hiren he, afuni o Mesir mene inogogwi inom, Asdod mene inogogwi inom, werek mene andoma inoba lambik wene yi yagaisa lani. Yagaisikhi logolik he yi'nogo yagaisano: Hit hinebe re afuni Samaria mene inawi tom-tom welagaikharekwe andoma andogosi laluk he, it weak mondok hilingitik, hesangge-pesangge hilingitik, inenggi omameba sebelinarek welagik, mondok hokhorogo hilingiri'lagwi mene andoma, hineilenggen penesino o,” iluk ikhe.

MALEAKHI 2:13

Nen, hiren hinobabut ekhe hilingiti lagep mene re yi: Hiren yi mene ti mene warogo Tuhan faget iluk nolhi lagep mene a'nogo At Tuhan nen endawimo agaiyek anggaluk helikherek le'ma nen he, hiren le yagaisogo welagep andi. Tuhan obaget nolhuba mezbah omanogo re hit hineil amusu nen yenggelfikhi lagep.

MALEAKHI 3:18

It An nagainafuri mene nen he it afuni inobabut fano hilingitarek mene inom, weak hilingitarek mene inom, nen An nobaget kabogetarek mene inom, kabogetarek lek mene inom, inoba agamsek logogin mene andi re hobuk neilenggen hogoin aro,” iluk yagaisasikhe.

MALEAKHI 3:5

At Tuhan Omame Mondok Hokho mene a'nogo nen ikhi logolik, ”An hobuk wesigin andi re hit wene hinoba figik kotik igiluk wesigin o. An he afuni hareise higirinafarek mene inom, pailak hilingitarek mene inom, ineranhogo wene fagetharek mene inom, ap yabu hilingitu mene faget onggo wogisikhi logolik henarogo hilingitarek mene inom, nen, hemi sogwe hea, yenggerugwi suarek mene hea, afuni pok mene hea inenggi omameba sebelinarek welagaikharek mene inom, it afuni An agaugwet nobagagi'lek hilingitarek mene inom mondogat ineilhanem it hilingiri'lagwi mene andoma An neilenggen kwelaginarek logogin nen. weak-weak wesigin o,” iluk yagaisasikhe.

MATIUS 26:56

it ap Allah ane yagaisikhi lagaukwa mene nen lisu palhukwa a'nogo emberek higit asuageluk hilingnafebo,” iluk, yagaisasikhemo re, it ap at ane wanhi lagaukwa mene omanogo, at ebe hebisaluk heise mondok pugulhukwa.

ULANGAN 28:33

Afuni inunggulenu pok mene nen hineabu hinomame lekhogo wokfuluk enggen palhu mene omanogo helugunem he, hiren fena ekhe heligi logogun lek we hundik-handik ina'mage nen inomameba sebelhinarek mondok logogun.

ULANGAN 28:48

Andiba re, hiren it ap hinaselei mene At hineisena Tuhan nen hit hinom weim yabuageluk lakfisa wesigin mene andoma inobaget hilingiti logogun. Hit hinebe hinamburu ouwak agik, hinagai nele agik, hinalfulukwa kogouk welagik, yi mene ti mene mondogat hinelagaik logolik hinenggi lek welagik hilingiti logolik, At hineisena Tuhan nen a'mageba fethinarek werek kwelek enek hit hinebe mondogat wa'lasugun.

YAKOBUS 5:4

Hinagoromi hineranenat yabu hilingisuageluk inayonggo fuluk athe, inenggi onggo wogisigi'lek munenikhi lagep andi nen, iren he, ”Ninenggi onggo wo'nisawem!” iluk inane hokhorogo ili'lagwi andi holini! A'nogo hilingiti lagepma it inane andi ninoe Enupogot omame hokho a'nogo esanggo holhesik werego.

HAKIM–HAKIM 4:3

At kain Yabin angge kereta weim yafu mene posiemanggen meneba hilingik menere 900 nen welagaikhe. Were'ma, aren afuni Israel mene 20 tahun ferinarek logolik mondok wiik-weakhogo hilinginafi lagaikhe andi nen, iren he, ”Nineisena Tuhan telninabin o,” iluk inane hokhorogo yagati lagaukwa.