PENGKHOTBAH 3:7 - Allah Wene Fano Wene Hupla Inane

⁷ Nen, o ti sambul su ebe kwasuwak, nen, ti sambul su ebe tilibuak, nen, o ti sambul at ane legat logouwak, nen, ti sambul ane ikhi logouwak, anggigik,

PENGKHOTBAH 3:7 ပူးပေါင်းရင်းမြစ်များ

KEJADIAN 37:29

Helaluk lagaukwama, at Ruben pogolema a'nogo eilenggen ha lagaikhe re, Yusuf ebe le'ma hasikhesik, endawi nen he asu libilogo lakfisasikhe.

KEJADIAN 37:34

A'nogo isikhesik, endawi nen asu libi'labak hogo lakfisasikhesik, asu weak mene laberogo pelagwi fesikhesik welagaikhe. A'nogo labetikhesik, hundik-handik amlogo faget le agu mondok welagaikhe.

KEJADIAN 44:18

A'nogo yagatukwama at Yehuda a'nogo Yusuf era'lu higilogo asi lagaikhesik he yagati logolik,” Eige noe, hat hebe it raja Mesir mene higit hilingik welagenma re, an hamingmingengge yi wena'nesu fugo, we noe hoba an nendawimo anggigi mene endep ekhe yagahesigin.

KEJADIAN 44:34

An hagot neisena oba enggin-fenggin hugu were'ma, an nen kwalogo werek aple nabit enggere, an nen ninggi'nogo abo ari legengge neisenaba lagain anggegen?” iluk yagatikhe.

2 SAMUEL 1:11

A'nogo yagatikhemo, esanggo holhikhesik, endawimo weak agaikhemo re, asu tiliphogo lakfisasikhe. A'nogo hilingitikhemo, agoromi tentara mene mondogat a'nogoat hilingitukwa.

2 SAMUEL 3:31

A'nogo hilingitukwasik at Daud en Yoab inom, agoromi inom inoba yagaisikhi logolik, ”Abner faget fong warogo iluk he hinasu tilip talap isaluk hinasu fong warogo logolik labetarek mene laberambik he fong wa'ni,” iluk yagaisasikhe. Nen, at Abner warek a'nogo salugun iluk pia'luk lagunem he, at raja Daud ebe peti wurik Abner ebe warek kwelabek mene a'nogo o'lu fikhit laga lagaikhe.

1RAJA-RAJA 21:27

At Elia nen wene a'nogo arat yagatikhemo, at Ahab esanggo holhikhesik he, ”An weak hilingiti o,” iluk asu ebe laberek welagaikhe mene tiliphogo lakfisasikhesik he, sumburu ninggi'lek logolik asu karung meneba laberogo welagaikhe. Nen nogogiluk ogore, su karung mene andi laberogo nogokhi lagaikheat, nen kwe lageluk he obabut isorogo laga lagaikhe.

2 RAJA-RAJA 18:36

A'nogo yagaisugunem, it afuni Yehuda mene inoe raja Hizkia nen he, ”Hinane ekhe ugup,” iluk yagaisasikhemo nogo nen he, afuni o Yerusalem welagaukwa mene omanogo inane onggo igi'lek kamo isukwa.

2 RAJA-RAJA 5:7

A'nogo waluk wagaikhesik, afuni Israel mene inoe raja wogosi wagaikhemo enu salhikhesik, ailo agaikhemo re endawimo weakhogo asu tilip-talaphogo lakfisasikhesik mel isikhe: ”Afuni Siria mene inoe raja andi re an nen ap yi oumo henanggo inailo mene andi elok hilingisu hagen yaganete nogo a? Nailo e. An nebe re, Allah omame were'ma re, afuni inelugerinafik, inoatik, ikherek andi hak fuk, lego. Afuni Siria mene inoe raja andi re, we an weak yaganesigiluk obalisin yaganetemo higi,” iluk wene palhikhe.

2 RAJA-RAJA 6:30

A'nogo yagatunem, at raja a'nogo esanggo holhikhesik he, omalik nengga mene a'nogo endawi ouen he asu laberek mene libi'labakhogo lakfisasikhe. A'nogo libilogo lakfisasikhesik lagunem afuni ekhe leget pa'leget wuri'mo mendek logolik were'ma nen he raja a'nogo asu elonggoma mene re karung su mene laberek were'ma hasukwa.

ESTER 7:4

Nen an hamingmingengge inom, nen it an hamingmingengge nunggulenu mene inom he pinggi inoasugun iluk onggo palninafa andiba igi. Nen nit we inamingmingengge ap ninabuogeluk onggo hunninaple'ma nen he ninane lek logolik nineisena hat nit hamingmingengge nen hane yinghafi lago mene ari, a'nogo hilinghafi logoilo lek. Oba nen he nit ninebe mondok legaphogo ninobagauwogeluk hilingitu nen welago!” iluk yagatikhe.

AYUB 2:13

A'nogo hilingitukwasik, at Ayub ebene oumo mondok hokhorogo hilingigen he, ”Ninane yagasugun elo'lek higi,” iluk, at era'lu kweangma hurek inenggi hup hundik lingge hundik 7 hari inane mondok igi'legat welagaukwa.

MAZMUR 39:2

An nen wenggel hikhi logolik he, ”An namelinggen oba nen weak hilingiti hanogoluk nonggwaregen fanorogo kagalek logogin, afuni weak hilingitarek mene an horokhogo werek sambul he, an he nane igi'lek weat logogin,” iluk ikhi lagi.

PENGKHOTBAH 3:6

At Allah nenat he, o ti sambul longgoikhe mene herakhoak, nen, ti sambul ebe longgouwak, nen, o ti sambul fakfembik logouwak, nen, ti sambul herakfisoak,

YESAYA 36:21

A'nogo ugunem holhukwasik he afuni Yerusalem mene omanogo inoe raja Hizkia nen yagaisasikhe mene higithogo re, inane onggo igi'lek welagaukwa.

YEREMIA 36:24

A'nogo hilingitunem at Elnatan inom, Delaya inom, Gemarya inom he, ineisenaba a'nogo hilingitu lek iluk kini wani agama nen he at raja nen it inane holhi'legat hilingite. At raja ebe inom nen it yabu legoma hilingitarek inaben inomen he buku a'nogoba palek mene inesanggo holha mene omanogo faget inailoratik, nen inendawimo warigik, hilingitarek mene omanogo a'nogo ekhe hilingita lek.

YEREMIA 8:14

Allah againafuri nen ikhi logolik, ”Nenahalok niren o yoma hurek-hurek mondok logogun nogo? Nit he o kota leget omamerogo waganek oba a'lima nogo lambik logouwogen we'ni o. Nineisena Tuhan Allah nen he nit ninebe lek akhoak iluk wene mondogat tekhogo ikhe. Niren At oba weak hilingitugu andiba ninebe wa'lasuageluk Aren arik weak mene noageluk wo'nisikhe.

RATAPAN 3:28

Tuhan nen nit ninoba enggin-fenggin fugu sambul he, ninamunek hurek logolik ninane legat alokhogo logogun fano.

YOEL 2:13

Hiren he, ”Nit weak hilingito iluk hinasu tilibesu fugo, oba nen he hinendawimo warano,” iluk yagaisasikhe. A'nogo yagaisasikhemo, an nen he, mel yagaisigi: ”Hineisena Tuhan Allah andi re obabut sakhorek logolik endawirinafik, a'mage weak-weak lagagi'lek welagik, wene weak mene inoba figi'lek weak hilingitarek mene sagalogo herakfisigik, ikherek andi nen he, hinendawimo waraluk, hinebe hinelokhe hebelogo At woge'luk logoni o.

AMOS 5:13

Hit hinobabut weak mondok hilingiti lagep andi nen, it ap inendawimo kagalek mene andi nen anggikhi logolik he, ’Weak a'nogo hilingitunem andi re, nit he ninane legat logouwok,’ iluk anggagarek andi.

AMOS 8:3

O andi sambul he, wuni o hun raja awi silimo andoma nen ugu mene re agamhogo le wuni nek ikhi logogun. Ekhema-ekhema andoma ap warek enek kabok ugunem, inane le'legat hambokhogo hugisa wilifi logogun,” ikhe isikhe.

MIKHA 7:5

Hit he, hinarugwi mene nen ugun mene faget eberogo iluk angga fuk, nen, hinagaila'lak inoba himbirik logou fugat. Nen hit hinane ugunem inesanggo holek mene re hinonggwarek hinagagwi meneba nen ogore hinane uogeluk he hinendawinggen fanorogo wenggel halugen ugunogo.

KISAH PARA RASUL 9:39

”I o. Halok he, puok,” iluk inom pisukwa. Pisukwasik he, Petrus ebe waluk henambo inom lagasukwa. Henambo lagasukwasik were'ma, it hemi sogwe mene at oba horokhogo andogosi wagaukwasik, le aga logolik he, su elonggoma mene inom, endakwe uan mene inom, he Dorkas eluk oba inom logolik, igisasikhe mene inukhasukwa.

1 SAMUEL 10:16

Heinok wogisasikhemo, at Saul en he, ”At Samuel en he, wam longgoikhe mene andi arat herata, iluk yaganisikhe o,” iluk yagatikhe. A'nogo yagatikhe meneat he, aren he, ”At Samuel en an nebe raja logouwagaluk mennobaikhemo wagi o,” iluk eisena agot a'nogoba yagati'lek endawimo kamo isikhe.