PENGKHOTBAH 3:20 - Allah Wene Fano Wene Hupla Inane

²⁰ Nit andi ninebe ero misik, kweang alolong engge mene hilingi'mo re, kweang alolong enggeat hilinglagaikharek. A'nogo agaikharesik niret iret ninebe pirenet enggere obalik we misi'moat lagaikharek.

PENGKHOTBAH 3:20 ပူးပေါင်းရင်းမြစ်များ

KEJADIAN 25:17

At Ismael ebe umur 137 tahun welagaikhesigen ebe wa'lagaikhemo at ambu-omba salinafukwaba omanogo salhukwa.

KEJADIAN 3:19

Nen, hat hebe kweang mene fanorogo hilingisogo elalhafi andi nen, kweangma yi mene ti mene awi fulelhi logouwageluk yabu likhak yugulogo, set kwil-kwalhogo hilingiti logombik, hebe wa'lasimbik hambotkwe kweang asigin o,” iluk yagatikhe.

AYUB 14:10

A'nogo meneat he, afuni inebe wa'lagunem he, mondok-mondok lek agaikharesik he, koma lagaikha heat longgogarek andi.

AYUB 14:14

A'nogo meneat he, nit afuni re, wa'laluk hobuk ninambotkwe ineluk agaikharek nogo? Hobuk ineluk asugun logoumo re, an yoma noba weak welagi yi hobuk fanotnabigin iluk hundik-handik kagalek mondok logoile.

AYUB 17:13

We afuni wa'laluk lagaikharek oba andoma nek eberek mondok welagimo re, we o mum se'ma andoma laluk nogokhi logogin.

AYUB 30:24

Ap inebe mondogat alomat la'luk logolik, yi mene ti mene hilingisu elo'lek were'ma inendawi neelep agwi, iluk anggikhi logolik werek kwelek oma re, nenahalok Haren enggin mene nek it inoba lagen?

AYUB 34:15

it yi mene ti mene ineluk werek mene a'nogo mondogat wa'laga logolik he, afuni re ambotkwe kweang asu hak.

AYUB 7:9

Ohena nen elokhe mumetha wagaresigen palogo lek agarek andi higit, afuni andi ogore mondogat wa'lagunem he nekhengge sugulogo inaiba wesu lek hak. It afuni at enggawerogo logogun mene omanogo nen ogore at oba ekhe ebethogoin mondok lek.

MAZMUR 104:29

It Haren elalinafigin mene andi, Hat helokhe kwani ugunem he, inailo mondok agarek. Nen Haren set it mene andi wanhunem he, inebe mondok wa'lagaikharek. Inebe kweang aling mene nogo nen he, inambotkwe kweang alingat agaikharek.

MAZMUR 49:14

Afuni inonggwarek inomameba himbirik welagaikharek mene nen, an nen ugunem enek he fano iluk anggagarek mene andi re, a'nogoat wa'laikharek.

PENGKHOTBAH 12:7

Nen ninagap he ambotkwe kweang al agik. Nen set ninelugeraterek mene a'nogo re sugulogo Allah were'ma lagik, igin. Andi re we At endawi fano nen weat wo'nisikhe mene hilingi'mo re a'nogo hilinglasigin.

PENGKHOTBAH 3:21

Nit afuni ninebe wa'la'luk ninareagun selokhogo kwe ponggwe lagogorek, nen, it wa'la'luk inareagun selokhogo kweangma pagarek, iluk nit tukumhogo ninonggoro.

PENGKHOTBAH 6:6

Andi re mondok fano, ap eluk werek kwelek enek dua ribu tahun hilingiteba nen oba fanorogo ekhe welaga le'ma andi. Andiba re inebe pirenet he o misik awi lagaikharek he lek nogo?

PENGKHOTBAH 7:2

Seni isatukwe lagaikharek andi re harek oba nen fong wari'lagwi kwe lagaikharek andi nek he mondok fano. Andi re wa'lari'lagwi mene andi nen afuni inebe lombok nenangorinafu werek higi, iluk wenggel hikhi logogun.

PENGKHOTBAH 9:10

Afuni inebe wa'la'luk lagaikharek oba andoma re yabu hilingitik, menenei ebetik, yi wene ti wene inelu agik, inendawinggen kagalek mene hilinglagik agarek le'ma andomaat hit logoin andi nen he, hineluk logolik yi yabu ti yabu hinomamerogo hilingiti logoino.

DANIEL 12:2

Nen, it inanggele'ma nen afuni hokhorogo wa'lagaukwa mene omanogo nekhengge ineluk menlasugun, menlasimbik fenakwe re ineluk mondok-mondok mene a'nogo hikhi logolik logogun, nen fenakwe re anggolo hunarerogo heinet hokho mene wali logolik mondok-mondogat logogun.

BILANGAN 27:13

Arat yethambik he, hebe wa'lasigin o. A'nogo wa'lasigin andi re, attagat o Zin leimo afuni le'ma i Meriba elesi wulibi wagaikheba a'lima nen afuni Israel mene An nen ferinarek mondok werek kwelegat he, inebe mondogaren, o yigini'mo oma ninabire, iluk isukwaba andoma, hoe Harun hemberegen An nonggwarek nebe futnobagambik afuni Israel mene ineilhanem i andi wulibi wesuageluk, an nen, Yi'nogo hilingi'no, iluk yagahisasigi meneat he, An nomameba agaukhogo hilingiti'lek. We, An nane sagalogo hinendawimo anggaluk hilingitigip andi nen, hat hoe Harun wa'laga andi hak, hat hebe wa'lasigin aro,” iluk yagatikhe. Wene a'nogo hilinglagaikhe andi re, i enu Meriba elesi wulibi wagaikheba o enu Kades, Zin leimo afuni le'ma andoma nen hilinglagaikhe mene a'nogo faget yagatikhe andi.