PENGKHOTBAH 3:14 - Allah Wene Fano Wene Hupla Inane

¹⁴ At Allah nen yi'nogo ti'nogo hilingiterek mene andoma re mondok-mondok logogin andi nen he an nelu o. Nit afuni nen ekhe oba to'motfigik, misik ekhe pelakfigik hilingisu mo re elo'lek. Nen At Allah nen a'nogo hilingiterek mene andi re niren At oba ninailorogo logouwageluk hilingiterek.

PENGKHOTBAH 3:14 ပူးပေါင်းရင်းမြစ်များ

2 SAMUEL 22:31

At Allah nen hilingiterek mene andi re endebengge iluk ogo ekhe taganet lagarek lek, Tuhan nen abok wene wa'nisasikhe mene andi re eberogo anggikhi logogun fano. Afuni At a'ma hina'lasi kwagarek mene re sing itarek hak ferinarek werego.

MAZMUR 33:11

A'nogo meneat he At Tuhan nen, ”Yi'nogo hilingisigin,” iluk endawimo anggikherek mene andi re, legetfoumo re mondok elo'lek. Yi tahun ti tahun mondok-mondok welagarek.

MAZMUR 64:9

It inonggwarek inane agarek oba inebe legarik lagaikharek, a'nogo hilingitunem it ekhe ineilenggen kwelaginarek logolik he inunggul kwanit hagarek.

MAZMUR 76:10

afuni o kweangma yoma sebelogo fisugunem werek mene omanogo, Haren inagap telinabigiluk, Hebe feisakhogo menla'luk wene katokhogo palhi lagen.

AMSAL 19:21

Afuni nen hilingirik logoin mene faget wene hokhorogo ayo palogo fagarek, meneat he ebe hilinglagarek a'nogo re Tuhan nen anggikherek mene nek hilinglagarek.

AMSAL 21:30

Inelu agarek mene inom, inungguloak kagalek mene inom, inobabut hebelek mene inom, andoma re Tuhan inom eilhogo logogun halok he andoma ekhe logogin mondok lek.

AMSAL 30:6

Aren hat wenakhetik, lalinaferek mene iluk yagahetik inogoluk he, Allah nen wene ikhe mene omanogo haren ekhe inom mangoratun o,” iluk ikhe.

PENGKHOTBAH 12:13

Andoma mondogat an nen wil-wal hasigisik, wene andi ambisangma lambulogo an nen anggasigi mene re yi: Allah nen afuni elalinafe andi re At oba inailorogo logolik hilingiti logouwageluk elalninafikhe hilingi'mo re, afuni inebe lombogen At awane fano wene pukhogo fisogo logolik hilingiti logogun andi esin o.

PENGKHOTBAH 5:6

Andi re ninabi hokhorogo wokhikhi lago mene ebe agarek lek andi hak he, inane hokhorogo sagalharek mene andi ogore we alomarogoat agarek. Oba nen he we hineisena Tuhan oba nek hinailorogo logoni.

PENGKHOTBAH 5:7

Ap kain inenuwerek mene logolik melalinafarek mene nen ap kunggu inenggi lek mene sebelogo fisigik, it inobaget katokhogo hilingfisigi'legengge hilingitik, hilingitu werek halok he wene andi faget fogerinabu fuk. Ap pegawai werek mene re inogogwi it inunggul mene nen kagalinarek werek, andi hakhogo it ineabu legoma werek inaben ogore it inagoromi kagalinarek weregat.

PENGKHOTBAH 7:18

Wene ero pire andem oba nen ogalikhi logoino. Nit Allah ba ninailorogo logogun halok he ambisangma fano hiliglaga logogun.

YESAYA 46:10

An nen o attak andomaat hobuk hilinglasigin mene faget yagahisasigi aro, attagenat An nen hobuk yi'nogo hilinglasigin iluk mondogat isigi. An nen ikhi logolik, ”An nane tekhogo igi mene andi mondogat he hobuk higithogoat hilinglasigin o. An nendawimo anggigi mene hilingi'mo re eberogo nenat An nen tiphogoat hilingisigin aro.

DANIEL 8:8

Kambing ai mene a'nogo re ebe hokho aga laga. Oba nen he at ebe omame werek mene asi lagagunem andem oba re at andimuk hokho mene a'nogo sombologo lagunem higi. Andi nen obalikwe a'nogo re andimuk enggaminogo mene ngasimnurogo wulibi waga laga. Wulifunem he andimuk andem ebe lombok he efe hebelhigik amu-amu hilingik welaga.

KISAH PARA RASUL 2:23

Mene re, at Allah elu logolik, endawimo nen, a'nogo hilingisuago, iluk anggasikhebaat, Yesus ebe hinenggiba fesikhemo, hiren ap inobabut weak mene inenggi waganogo, at ebe eba menfuluk watep andi.

KISAH PARA RASUL 4:28

Mene re, wene andi hat henggi omame werek mene nen, hendawimo nen he, A'nogo hilingisuak, iluk anggasigin obaat, a'nogo hilingita andi.

ROMA 11:36

Eroba, yi mene ti mene mondogat he, at Allah nenat elalhikhemo, at enggiba welagarek. Logombik he, wurep oba, aren at hilingisigin. Halok, at enek fogeratu mondok logouwogo, iluk igi andi, ebe asuak u hak, ”Amin,” igi andi.

EFESUS 3:11

Eroba nen, at Allah nen a'nogo hilingninabigeluk endawimo anggasikhe mene andi, at Tuhan Kristus Yesus nen hilingisuageluk lakfei wagaikhemo, ebe hilingitikhe andi.

ULANGAN 32:4

Nineisena Tuhan, omamerogo hinebikhit agarek mene, Aren yi mene ti mene, katokhogo nek hilingiterek, mondok higithogo nek hilingiterek, Nineisena Allah obabut he, obokhogo herakninobagaikherek lek, weak ekhe hilingiterek legat, at fano nek hilingiterek, eberogo mene nek hilingiterek.

TITUS 1:2

At Allah nen, yi mene ti mene oan elalhi'lek logolik, nit afuni faget mel isikhe: ”Afuni an nen elalinabimbik he, inebe ineluk mondok logouwageluk, fano hilinginabigin,” iluk, abok isikhe andi, ”Eranen ikherek lek,” iluk ninendawimo eberek logolik, ebe wene yagaisikhi lago andi.

YAKOBUS 1:17

Nineisena Allah pogoroba mene a'nogo nenat yi mene ti mene fano mene wo'nisigik, mondok higit mene pela'nisa wagik, ikherek andi. Arenat pogoroba selek welagarek mene andi elalhikhesik he, at ebe hunogoat hilinglagik, obabut munenogo mum agik, selek agik, ikherek lek.

WAHYU 15:4

Nineisena Henupogot hat halegat tegelek logolik, Afuni wene inoba figik, kotik, ikhi logolik, Afuni mondogat ineilhanem, Eberogoat mondok hilingitendek. Afuni inunggulenu lombok mondogat, Hawe a'ma kwi we'luk, Ineindep awi yagaisogo, Fogethafik, hai wathafik, ugunem, It afuni sani hagen hat inailo lek logolik, Fogethafi'lek kamo ugun, Lek,” iluk wuni wati lagaikha holhi.