PENGKHOTBAH 3:13 - Allah Wene Fano Wene Hupla Inane

¹³ Nit ninebe mondogat ninenggiba yabu set kwil-kwalhogo hilingfuluk yi mene ti mene yagaisogo ebe tatik, palhik, ogorek andiba ninendawimo hai hikhi logolik, sumburu ninggik, i ninggik ogorek andi re, At Allah nenat wo'nisikherego.

PENGKHOTBAH 3:13 ပူးပေါင်းရင်းမြစ်များ

MAZMUR 128:2

Hat he honggwaregen waganogo yakfakhugu mene enggen palek ninggi logogin, nen hebe fanorogo welagik, hangge yi mene ti mene mondogat were'ma welagik, hilingik logogin.

MAZMUR 34:12

Hit alage nagoromi, wene Tuhan oba hinailorogo logogun awene yagahisagain mene yi, hinesanggo fanorogo holini o!

PENGKHOTBAH 2:24

Afuni inobaget mondok fano mene ekhe werek lek, oba nen he, we ineabu helaluk, inamburu ninggik, inagai ninggik, amu mene ekhe hilingitik ugu mondok welagaikharek andi. Andi mene ogore Allah nenat wogisikherek iluk nelu ari'lago.

PENGKHOTBAH 2:3

An nebe hebelek mene asigin iluk namolo anggikhi lagi mene a'nogo nen wo'narek laga-laga, an nen he anggur agai nunggu mene inom, seni isagaisogo i ninggi logolik kabogetukwe omanogo inom, lagain halok he afuni kweangma ineluk we horokhogo ya logolik fano logogun he andi hea, iluk ebeti lagagi.

PENGKHOTBAH 6:2

Allah nen afuni ekhe inenggi werek hilingisogo fisigik, inalong mene logouwageluk hilinginafik, ap misik ekheba angge yi mene ti mene wogetik hilingitunem he, at endawimo amolo anggikherek mene omanogo mondogat he at oba nek werek. Oba nen he Allah nen ap a'nogo wogeterek mene omanogo ninggo winggo mondok logouwageluk hilingfisikherek lek, we it ap amu mene at ebe inonggot mene omanogo inangge nunggu mene hilingfisikherek. Ma re mondogat andoma re we alomarogo nendawimo weak asu hak mene nek hilinglagarek.

PENGKHOTBAH 8:15

Wene ambisangma elugun warogo re afuni nen he inendawimo inagaiyek enek anggikhi logogun. Andi re at ebe o kweangma yoma logolik, agaiyek amu mene faget ekhe hikhi logogin lek, we inamburu ninggik, inagai ninggik, inagaiyegetik, hilingitarek mene andem enek werek. Eluk Allah nen wogete mene andem oba logolik he, aren hilingiterek mene omanogo oba nen we andem enek hikhi logolik logogin.

PENGKHOTBAH 9:7

Halok he nunggu mene ninggi logolik he hagaiyegeti logoino, nen, hagai anggur amusu ninggi logolik hagaiyekhogoat ninggi logoino. Allah nen a'nogo hilingitu mene faget he enggin anggili'logo lek, oba nen Aren anggikhi logolik he ari fano hilingiri'lago anggikherek.

ULANGAN 12:7

Nen, At nineisena Tuhan Allah nen, hit hinebe fanothinafik, hinamburu hinangge yi mene ti mene fanotfigik, ugunem he, hiren yi mene ti mene hilingitunem fano nek aga logogin andi nen, hit hinebe hinagainafuri hinom misigat lambukhogo o andoma nineisena Tuhan eilhanem andogetfuluk, hinendawimo hinagaiyek hikhi logolik, hinaggo hinamburu yi mene ti mene mondogat andoma ninggi logoino o.

ULANGAN 26:11

Fogerati logolik he, nineisena Tuhan Allah nen yi mene ti mene hit hinebe inom, hinagainafuri inom, ninggi logouwagaluk wokhisikhi logogin mene andi faget, at hai wati logoino o. A'nogo hilingitunem afuni Lewi mene inom, ap pok mene hit hinanggelekwe welagaikharek mene inom, yagaisikhi logolik, Ninomen yi'nogo hilingiti logouwok, iluk inendawimo kagalhi logoino.