PENGKHOTBAH 2:8 - Allah Wene Fano Wene Hupla Inane

⁸ An nen perak, emas inom hokhorogo, it ap raja-raja werekwe o an nen ferinarek welagikwe omanogo lagunem nendawi fanorogo iluk wo'neti lagaukwa mene inom, kaboget fesigi. Nen, it alage yenggerugwi nen inom helime yenggerugwi nen inom wuni watu mene omanogo ba re an nagaiyek mene hilingnobagakhi lagaukwa. Nagagwi namingmingengge mene an nendawimo namolo anggigirek mene hokhorogoat welagaukwa.

PENGKHOTBAH 2:8 ပူးပေါင်းရင်းမြစ်များ

2 SAMUEL 19:35

An nebe umur 80 tahun arat agari'mo re, yi fano mene, yi weak mene, iluk penesu mondok elo'lego. Nen, sumburu inom, i inom, nunggunem enduk nambema mondok legat agik, afuni wuni watunem inane nesanggo holu elo'legat agik ikheo, noe. Andi nen he, noe hoba engginet fagain andi elo'lego.

1RAJA-RAJA 10:10

At he kain ratu aiba Syeba mene a'nogo nen a'nogo yagatikhesik, emas 4.000 kilo nen inom, helep enggen hombonundek onggo hokho mene, enu permata ebe mondok hokhorogo inom, yi mene ti mene amben fano mene inom, wogotikhe. Yi mene ti mene amben fano mene, he ratu aiba Syeba mene andi nen mondok hokhorogo at Salomo wogosi wagaikhe andi hangge hobuk it ekhe nen a'nogo ekhe wogosi waga lagaukwa mondok lek.

1RAJA-RAJA 10:14

At raja Salomo re tahun hundik-hundik oba re, afuni nen emas 23.000 kilogram hangge wogosi wagunem helikhi lagaikhe.

1RAJA-RAJA 10:21

Afuni at Salomo welagaikhe andem oba re, perak onggo sebelek anggikhi lagaukwa andi nen he, yi iwak ti iwak Salomo agai ninggi lagaikhe mene mondogat inom, o wurik enu, ”Libanon Enggama,” iluk salhukwa mene wurik andi elonggoma yi mene ti mene hilingitikhe mene andoma mondogat he, ebe emas fano meneba mondok hilingitikhe.

1RAJA-RAJA 11:3

Ap kaindek ina'logomi andoma Salomo nen agagwirinafikhe mene hemi inebe mondok lambulogo re 700 nen, nen it hemi andem en inamingmingengge menere inebe 300 nen welagaukwa. Andiba re at Salomo agagwi andoma nen endawinggen munenogo Allah herakfesikhe andi,

1RAJA-RAJA 14:27

A'nogo telasukwama re obali'mo iluk raja Rehabeam en weim ma'mungge perunggu meneba wutikhesik, it ap sikhe fisogo mene inogogwi perwira at raja awi silimo kwi lagaikharek oba ebekhalem kagalek welagaikharek mene omanogo nen halhi logouwageluk inoba lombot fesikhe.

1RAJA-RAJA 9:14

At Hiram en he Salomo faget emas 4.000 kilogram en mondok hokhorogo ekhe inom lakfisa wagaikhe.

1RAJA-RAJA 9:28

A'nogo lakfisa wagaikhe mo re iren he o Ofir andoma emas 14.000 kilogram en mene wani lagaukwasik at Salomo were'ma nek waluk wagaukwa.

1 TAWARIKH 25:1

Afuni nen Tuhan obaget hilingisuogeluk wene kabogeti logolik melalinafu mene faget he, at raja Daud a'nogo inom, it Lewi inap inomen he it inunggulenu Lewi inap a'nogo mene nek penogo fisasukwa mene re yi: Asaf, Heman, Yedutun inom it andi penogo fisasukwa. It andi re Allah nen ugu mene a'nogo afuni yagaisikhi logolik wuni wulakfuluk inambinggong kecapi, gambus, simbal inom andoma wati logolik yagaisikhi lagaukwa. It wene Tuhan faget kabogetu sambul a'nogo kabogetu aple lombok melalinafu mene faget wenagaisogo kaboget fisilik lagaukwa mene re yi:

1 TAWARIKH 25:6

Hun Heman againafuri inebe mondogat andi re iren pinggong enu simbal, kecapi, gambus inom, andoma it ineisena nen melalinafu kwelek, Tuhan Awi wuri'mo omanogo Tuhan faget wene kabogetunem wati lagaukwa. It Asaf inom, Yeturun inom, Heman inom, andem he at raja nen ikhi logolik, ”It yabu yi'nogo hilingiti logogun,” iluk ugu mene omanogo higithogo nek hilingiti lagaukwa.

2 TAWARIKH 9:11

E andoma re o afuni Yehuda mene were'ma andoma ekhe welagaikhe lek. E andiba re at Salomo nen o Tuhan Aiba a'nogo kwe pela lagagukwe faget inom, at onggwarek aiba a'nogo kwe pela lagagukwe faget inom wutikhesik he, ekhe re it wuni watu mene faget pinggong kecapi inom gambus inom hilingitikhe.)

PENGKHOTBAH 1:2

Hun wene wenggelfuluk ikherek mene andi nen yi'nogo isikhe: Mondogat omare we elalinat, alomarogo werek! Ineluk welagaikharek andi re ero le'ma we alomarogo werek isikhe.

DANIEL 3:15

Eberogoat halok, yogondak pinggong omanogo anethugu kwelek an nen tugwi kembu wuti mene andi hineindep awi yagaisogo sagaum iluk fogerasugun a? Hinabira? Hinabit halok he, an nen hit hinebe endu amulok wabunak nunggunem hambokhogo kwelakhinobagaumo re kembu ningginik mene nen an nenggim engge andi elok telhinabu hak anggegep? Mondok elo'lego,” iluk yagaisasikhe.

DANIEL 3:5

Hit afuni mondogat he pinggong ane hokho mene inom, yelua hangge mene anggwe folelogo futhagarek mene inom, gitar hokho mene inom, endep mene inom, gitar a'leba inenggiba nen watarek mene inom, pinggong ekhe hunogo mene inom, anethugu halok he, hit nogogwi nagaila'lak hinebe mondogaren an nenupogot Nebukadnezar en tugwi kembu emas meneba wuti mene andi hineindep awi yagaisogo fogerasugun o.

DANIEL 3:7

A'nogo yagaisasikhemo inesanggo holhukwasik he it afuni inunggulenu lombok, ineisok erokwe lombok, inane lombok omanogo nen he pinggong omanogo ane hokho mene inom, endep mene inom omanogo kong etik, futhigik hilingitu kwelek iren ineindep awi kweangma yakfuluk tugwi kembu emas meneba alik hilingik a'nogo fogeratukwa.

AMOS 6:5

Hiren he at Daud en hilingiti lagaikhe hak, wuni anggup hunogo mene felalogo gitar watik, no kecapi ba abologet fuluk watik, ugu aple nek hinagaiyek welagep.