PENGKHOTBAH 2:6 - Allah Wene Fano Wene Hupla Inane

⁶ A'nogo hilingitirik yabu yagokwe e awi yago mene omanogo sakhoratu mene faget he i mogo habulogo anggwe halogo lakfigik isigi.

PENGKHOTBAH 2:6 ပူးပေါင်းရင်းမြစ်များ

NEHEMIA 2:14

A'nogo kogolik laga lagagisik, o kota abel mo liabi wagarek higiren, pikhit i elesikwe higit kwe ambe palek ekhe enu I Elesi Fuluk-fuluk Palogo wulilibi Wagarek oba ap raja agai mogo habulik werek oba andoma lagagu. A'nogo lagagu meneat he, andoma kwe mondok weaget fesukwama nogo nen he, an wam keledai amboloba hurek lagagi mene andi la mondok elo'lek agaikhe.

NEHEMIA 2:8

Andi nen ekhe re, e ogoi at raja mene hun Asaf en kagalek welagaikhe mene o Allah awi wurik era'lukwe leget pa'leget ambe palugun mene faget inom, o kota leget pa'leget wusugun mene faget inom, o an nebe logogin oba wusugun mene faget inom, tegelogo nobagauwageluk at faget surat ekhe wo'nesuagaluk kino yagatigimo, Allah nen an lebetneasikhemo, an nen kino isigi mene andi at raja nen mondogat hilingnobagasikhe andi.

MAZMUR 1:3

It andi inebe re, e awi i elesimo yakfugunem, engga sawet agi'lek, ket mondok logolik enggen itu sambul itu mondok welagarek hak, iren yi mene ti mene faget hilingitunem he higithogo nek hilinglagarego.

KIDUNG AGUNG 7:4

Halonggobak he no gajah ambulok oak oba wurogo liabek mene hangge hilingik welagen, nen heilenggen he o Batrabim horokhogo kwe kuguba o Hesybon oba i mogo habuli'mo andoma hangge, Hambisang he o Libanon tom oba ap kagalek mene faget menara wurogo liabe'ma o kota Damasyik fikhit elokhe halogo werek a'nogo hangge hilingik welagen.

YEREMIA 17:8

At andi re e i lagarek mene esanggoma wilibik were'ma, omanggen yagaisogo ima kwelabek welagarek mene hak werek. O hibi lagagunem aren ailoterek mondok lek, enggare muli-mulithugu mondok werek. Nen, o kweang andomaba yi mene ti mene mondogat pugarik wagarek oba nen, athe enggen itu mondok were'ma endawinggen fiterek lek.