PENGKHOTBAH 2:23 - Allah Wene Fano Wene Hupla Inane

²³ At eluk logolik ninggi'nogo hilingisigin meneba, oba enggin mene inom, endawimo ou mene inom kwikherek. O hubanggo meneba nen ogore inendawimo wenggelhi logolik he fenggek-fenggek enek ikherek. Arigini'mo re mondogat andoma re we alomarogo nek hilingik.

PENGKHOTBAH 2:23 ပူးပေါင်းရင်းမြစ်များ

KEJADIAN 3:17

A'nogo yagatikhesik, Tuhan nen ap a'nogo mel yagatikhe: ”Hat he, hagwe ane holhendik he, E enggen na fuk, iluk wene palhi mene a'nogo nenggen andi. A'nogo hilingiten andi nen, kweang yi arat homan tekhogo figi o. Yabu set kwil-kwalhogo kweangma mene waganogo nen ninggi logogin.

KEJADIAN 47:9

Heinok wokhasikhemo, at Yakub en he, ”An hamingmingengge yi, o fuluk pugulogo nikhi logolik, huli yogondak nebe umur 130 tahun welagi. An nombalak o pugulogo nikhi logolik inebe umur uanat welagaukwa andi, an welagirek mene emberek walhamo re, an mondok wiik-weakhogo nikhi logolik, nebe umur horogat welagi o, noe,” iluk yagatikhe.

ESTER 6:1

A'nogo yagatikhemo hup a'nogo sambul he hun raja ebe hup nogo u elo'lek aga lagaikhemo re, aren buku attak hilingiti lagaukwa mene o kerajaan andiba palogo welagaikhe mene omanogo ap ekhe nen enu salogo pilingisuageluk yagaisasikhe.

AYUB 14:1

At Ayub en he, Allah mel yagatikhe: ”Afuni inebe inagaisawi inalabutmo nen ta'la'luk he, inebe ineluk horogat logolik, enggin-fenggin hokhorogoat hugu welagaikharek.

AYUB 5:7

Lego! We, endu enggen talelogo inoba lagarek andi hak, afuni ta'lagaikharesik oba nen yi weak ti weak andi inoba agarego.

MAZMUR 127:2

Allah againafuri endawi hundik welagaikharek mene it inebe nogo ugu kwelek, Aren nogoin mene waganogo fouget fikherek andi nen he, it afuni ekhe nunggu mene faget herarik, hup siakhogo wulibluk he, yabu hokhorogo hilingirik nikharek. Hilingirik laga la'luk he o hubanggo kwi wagaikharek, a'nogo hilingitarek andire we alomarogo hilingitarek.

MAZMUR 32:4

Neisena Tuhan nen he, hup hundik lingge hundik wene noba fugu were'ma, mo aigen yi mene ti mene yago mene puget fikherek andi hak, namusu palhi lagagin.

MAZMUR 90:15

Haren yi tahun ti tahun enggin-fenggin ninoba fikhi lagagin higithogoat obulu'mo re, ninendawimo ninagaiyek hikhi logouwageluk hilingninafi logoino o.

PENGKHOTBAH 1:13

A'nogo logolik an nen nendawinggen wenggelek meneba futfuluk o kweangma yoma hilinglagarek mene mondogat ero pilingisogo fanorogo yangguligin anggasigi. Allah nen nit hobuk hilinglasugun mene faget fougeratikhe mene andoma re inendawimo mondok weak asu hak mene nek hilingik.

PENGKHOTBAH 1:18

Andi re nit ninendawinggen ekhe inom hebelek mene hilingninobagagunem he ninendawi fit lagu mene ogo ekhe inomat fit lagarek. Nen ninelu agu mene hokhorogo agarek oba nen he, enggin-fenggin hokhorogo ninoba agaregat andi.

PENGKHOTBAH 2:11

Oba nen he hobugen an nen penetunemen he, yabu hilingitirek mene omanogo mondogat inom, nenggi ambisangma saburikhi lagi mene omanogo inom, ekhe mene ekhe mene omanogo mondogat elugun warogo hilingitu mene faget inom, andoma mondogat faget futfikhi logolik, a'nogo hilingitirek mene omanogoba ekhe werek le'ma hasigi. Nomamerogo hilingitirek mene omanogo re we alomarogo sogoi murok lagaikharek a'nogo hak werek anggasigi.

PENGKHOTBAH 5:12

An nen neil penetunemen he o kweangma yoma inamel-mel asu hak mene misik ekhe were'ma hikhi lagi: Ap ekhe nen he anggolo asigin sambul faget iluk angge yi mene ti mene andogorogo fakhikherek.

PENGKHOTBAH 5:17

Andi bare an nen futfikhi logolik he, nit Allah nen we eil misik logouwageluk wo'nisikheba yoma logolik he ninamburu ninggik, ninagai ninggik, nineabu helogorek lombok enggen palogo ninggik, hilingiti logogun andi re, niren ninetokhogo hilingitorek mene re ariginik mene andoma hilingi'mo re a'nogo hilingiti logogun andi faget ninagaiyekhogo hilingiti logogun o.

PENGKHOTBAH 8:16

Andi nen he yi'nogo ti'nogo kweangma yoma agarek mene andoma futfugu aple faget hebelek mene wo'nesuageluk hilingitik, nen o kweangma yoma ina'mageba hilingiri'lagwi mene andoma futfigik, hilingisigin iluk ugunem he an nen futfigi mene re, niren set warigi'legengge hup hundik lingge hundik yi mene ti mene hilingitu mondok welagorek,

DANIEL 6:18

A'nogo pelakfesikhesik helep hokho misigenek mene waluk wagaukwama re, pogole singa werek oba a'nogo kwe ambe to'mot fesikhesik he, ”Afuni ekhe nen Daniel kwe ambe hurogo wulakfei wesugun mondok lego,” iluk kwe sou yagarek a'nogoba, cap at raja mene inom, it ap kaindek mene inom, fesukwasik te'mekhogo yagarogo fesikhe.

KISAH PARA RASUL 14:22

Attak kwi laga logolik, afuni Yesus ane yagaisilik kwi lagaukwama wanhukwa mene hobuk inoba fa'larik wulibi waga logolik, inendawinggen ago watfisigik, komorinafik, ilik wulibi waga logolik, mel yagaisasukwa: ”Wene eberogoat iluk hinendawinggen Yesus oba himbiret fesigip mene andi, ninghogoat himbirik logoino o. Nit hobuk Allah awe a'ma mondok logouwogeluk he, ninoba yi enggin ti enggin hikhi logombigenat kugun o,” iluk yagaisaluk wulibi wagaukwa.