PENGKHOTBAH 2:22 - Allah Wene Fano Wene Hupla Inane

²² Afuni inelu werek andem oba inukhogo kweangma yoma logolik yabu hokho mene hilingiti logolik enggin mene ogo hikhi logogunat. A'nogo hilingiti la'lugen enggi ambisangma yi iluk wonoget fakha hak nogo?

PENGKHOTBAH 2:22 ပူးပေါင်းရင်းမြစ်များ

MAZMUR 127:2

Allah againafuri endawi hundik welagaikharek mene it inebe nogo ugu kwelek, Aren nogoin mene waganogo fouget fikherek andi nen he, it afuni ekhe nunggu mene faget herarik, hup siakhogo wulibluk he, yabu hokhorogo hilingirik nikharek. Hilingirik laga la'luk he o hubanggo kwi wagaikharek, a'nogo hilingitarek andire we alomarogo hilingitarek.

AMSAL 16:26

Nunggungge nenggarek mene andi nen inomamerogo hilingisuageluk hilinginaferek, afuni ekhe nen inalabut andi fagerat ninghogo hilingitarek.

PENGKHOTBAH 1:3

Nit nineluk uanhogo logolik yabu likhak warogo hilingiti lagoba nen he ebe nit hilingiti lago mene a'nogo ambisangma enggen ki mene i'lagarek nogo?

PENGKHOTBAH 2:11

Oba nen he hobugen an nen penetunemen he, yabu hilingitirek mene omanogo mondogat inom, nenggi ambisangma saburikhi lagi mene omanogo inom, ekhe mene ekhe mene omanogo mondogat elugun warogo hilingitu mene faget inom, andoma mondogat faget futfikhi logolik, a'nogo hilingitirek mene omanogoba ekhe werek le'ma hasigi. Nomamerogo hilingitirek mene omanogo re we alomarogo sogoi murok lagaikharek a'nogo hak werek anggasigi.

PENGKHOTBAH 3:9

Nen, niren yabu ebe set kwil-kwalhogo hilingitorek mene ambisangma re nena mene saburogorek nogo?

PENGKHOTBAH 4:6

A'nogo werek mene andi re fanoba nen he, inangge endebengge were'ma inendawinggen hambukhogo welagaikharek andi nek he mondok fano anggikhi lagi. Oba nen inenggi pireba yabu hokhorogo hilingirik lagaikharek andi re sogoi murok lagaikharek higit.

PENGKHOTBAH 4:8

Ap ekhe eisok we misik mene re at againafuri lek, nen agaila'lak ogo legat mene werek. A'nogo werek meneat he aren yabu nek omamerogo hilingirik lagarek andiba angge andoma nen oba homot fikherek lek. Andi nen he aren agaiyek hikhi logolik werek mene a'nogo herakfuluk likhak wulagaisogo hilingiri'lago mene andoma re sa faget hilingirik lagarek nogo? A'nogo hilingitarek mene andoma ogore we alomarogo aro, nen andoma re inoba enggin-fenggin hikhi logolik mondok werek.

PENGKHOTBAH 5:17

Andi bare an nen futfikhi logolik he, nit Allah nen we eil misik logouwageluk wo'nisikheba yoma logolik he ninamburu ninggik, ninagai ninggik, nineabu helogorek lombok enggen palogo ninggik, hilingiti logogun andi re, niren ninetokhogo hilingitorek mene re ariginik mene andoma hilingi'mo re a'nogo hilingiti logogun andi faget ninagaiyekhogo hilingiti logogun o.

PENGKHOTBAH 8:15

Wene ambisangma elugun warogo re afuni nen he inendawimo inagaiyek enek anggikhi logogun. Andi re at ebe o kweangma yoma logolik, agaiyek amu mene faget ekhe hikhi logogin lek, we inamburu ninggik, inagai ninggik, inagaiyegetik, hilingitarek mene andem enek werek. Eluk Allah nen wogete mene andem oba logolik he, aren hilingiterek mene omanogo oba nen we andem enek hikhi logolik logogin.

MATIUS 16:26

Ap sa nen yi mene ti mene kweangma mene mondogat eise asigin meneat he, hobuk ebe eluk faget nong asigin halok, aren he, ”An ekhe elok saburogo fakhigi ugun nogo?” Mondok lego. Ebe nong asigin andi obali'mo re, nena mene oba oasigin nogo. Elo'lego.

MATIUS 6:11

Nit ninamburu yogondak nogoin mene higithogoat wo'nisame o.

MATIUS 6:25

An nen a'nogo yagahisigi andi nen, hit hinendawimo nen he, Nineluk logouwogeluk he, sumburu inom, i inom, nangge nogoin. Nen, ninebe su ki mene laberogoin, iluk hinendawinggen firogo menenei uan horok ebeti logoinogo iluk yagahisigi. Nenggarek mene andi esin nogo? Hineluk welagep andi esin anggigi. Su labetarek mene andi esin nogo? Hinebe andi esin anggigi.

MATIUS 6:34

Halok hit he, ohealek faget hinendawinggen firogo menenei uan horok ebetubo. Yogondak weak ari'logo mene werek kwelegat he, ohealek weak asigin mene ebesugun lego,” iluk yagaisasikhe.

LUKAS 12:22

A'nogo yagaisasikhesik, at agoromi ane wanhi lagaukwa mene omanogo yagaisikhi logolik he, mel yagaisasikhe: ”An nen a'nogo yagahisigi andi nen, hit hinendawimo nen he: Nineluk logouwogeluk he, ninamburu ki mene nogoin. Ninasu ki mene laberogoin, iluk hinendawinggen firogo menenei uan horok ebeti logoinogo iluk yagahisigi.

LUKAS 12:29

Hinendawimo nen he, ninamburu inom, ninagai inom, ki mene nogoin, iluk, andi meneat esinet fuluk hinendawinggen firogo logogubo.

1 KORINTUS 16:16

It inobabut hangge it ekhe inom ninghogoat hilingitu halok he, mondogat inawe a'ma kuluk inane hologo logoino o.

FILIPI 4:6

Yi mene ti mene faget menenei uan horok ebeti'lek, mondogat faget Allah ayonggo fikhi logolik hai warogo kino yagati logoino.

1 TIMOTIUS 6:8

Menere, ninggi logogun mene inom, ninagap oba labeti logogun mene inom, werek halok he, ”Andi elogat werek,” iluk anggogoino.

1 PETRUS 5:7

At Allah re hit hinebe fethinarek mondok werek andi nen, hiren yi mene ti mene faget hinendawimo menenei uan horok ebeti lagep mene andi herakfisaluk, at oba nek wogeti logoino.