PENGKHOTBAH 2:17 - Allah Wene Fano Wene Hupla Inane

¹⁷ Andi faget he ineluk welagaikharek andi ambisangma an nobaget ekhe werek lek, amu mene ogo legat. Mondogat andoma re we alomarogo hilingi'mo re an he sogoi murok laga-lagi.

PENGKHOTBAH 2:17 ပူးပေါင်းရင်းမြစ်များ

1RAJA-RAJA 19:4

eisok oba o leimo afuni le'ma andoma ohealek huberen pikhit lagaikhe-lagaikhe o arat hu'mokwe agaikhemo, e enggi talek hokho mene ekhe eroma omanogo kamo i lagaikhesik welagaikhe. Andoma hu'lagaikhesik logolik he, nebe wa'lasigin namolo, iluk endawimo anggasikhesik, eisena Tuhan mel yagatikhe: ”Tuhan neisena. An nebe neluk logogin mondok elo'lego. We, an nebe fano ekhe welagi'lek. Nombalak weak welagaukwa andi hanggeat welagi andi nen he, an neluk wo'nabin o, neisena,” iluk yagatikhe.

AYUB 14:13

An nebe afuni wa'la'luk lagaikhare'ma andoma hinakfanino o. Hat ha'mage lek agi'lek werek kwelek, hawe a'ma hinakfanino o. A'nogo meneat he, hobuk an noba ebesigin oba huli warogo fembik wene wa'ne'no o.

MAZMUR 89:47

Neisena Tuhan, henggi miren oba hinago logombigen weinam asigin nogo? Hat ha'mage endu amulok lagaikherek hangge lagali'lago mene andi henggi miren hak logombigen lek asigin nogo? Neisena.

PENGKHOTBAH 1:14

Afuni o kweangma yoma nen hilingiri'lagwi mene andoma mondogat he an nen isigirek enek. Oba nen he yethani, mondogat a'nogo hilingiri'lagwi mene andoma re we alomarogo sogoi murok lagaikharek hak hilingiri'lagwi.

PENGKHOTBAH 1:17

Andiba re an nen anggikhi logolik afuni hebelagaikharek andi inom, kembu agaikharek andi inom, nen inendawinggen wenggelek welagaikharek andi inom, sogourek welagaikharek andi inom agaumsek oba nen hilingik mene andoma nelu asuageluk herasigin anggasigi. Oba nen hobuk eberik-eberigen he an yire sogoi murok lagaikharek hak hilingiti lagi higi, iluk futfesigi.

PENGKHOTBAH 2:11

Oba nen he hobugen an nen penetunemen he, yabu hilingitirek mene omanogo mondogat inom, nenggi ambisangma saburikhi lagi mene omanogo inom, ekhe mene ekhe mene omanogo mondogat elugun warogo hilingitu mene faget inom, andoma mondogat faget futfikhi logolik, a'nogo hilingitirek mene omanogoba ekhe werek le'ma hasigi. Nomamerogo hilingitirek mene omanogo re we alomarogo sogoi murok lagaikharek a'nogo hak werek anggasigi.

PENGKHOTBAH 2:22

Afuni inelu werek andem oba inukhogo kweangma yoma logolik yabu hokho mene hilingiti logolik enggin mene ogo hikhi logogunat. A'nogo hilingiti la'lugen enggi ambisangma yi iluk wonoget fakha hak nogo?

PENGKHOTBAH 3:16

A'nogo isikhesik he, ekhe mel isikhe: ”Afuni kweangma mene inobabut hilingitunem neilenggen hikhi lagi re yi: Unggum higithogo inoba figik, kotik, ikhi logou oba omanogoat weak hilingitunem isikhi lagi o.

PENGKHOTBAH 4:2

Andi nen he it afuni wa'lagaikha mene andi re fano hak oba nen, it afuni ineluk werek mene re elo'lek hak were'ma higirik he an na'makwe hetperikhe.

PENGKHOTBAH 4:3

Oba nen he it ap oan ta'lagi'lek mene andoma nek he o kweangma yoma weak agarek mene andoma higi'lek andi nen he, andi faget inagaiyek werek anggikhi lagi.

PENGKHOTBAH 6:9

Mondogat andire alomarogo nek we sogoi murok lagaikharek hak were'ma re, mondok fanore hokho-pokhorogo helelo iluk murok lagaikharek mene andoma herakfuluk, ninenggiba logogin mene andem faget higit anggikhi logogun fano.

YEHEZKIEL 3:14

Tuhan omame a'nogo an noba nomamerogo kwelakfei wagama re, At Areagun nen an legeisogo wo'narek lagunem he nendawimo na'mage lagagik, nendawimo heiselhik, igi.

YUNUS 4:3

Yogondak he Tuhan neisena, an nebe wa'la'le anggikhi lagi o. Neluk werek aple re nabiro,” iluk yagatikhe.

YUNUS 4:8

A'nogo hilinglagaikhemo, ohealek hubet mo arat lagai wagaikhemo Allah nen, sogoi aganhan weak mene o mo lagai wagarek higiren funha wesuagaluk hilingitikhemo re, funha wagaikhe. A'nogo funha wagaikhemo mo aigen Yunus ungguloak hutethasikhemo re, eilfuruk feigeluk isikhe. A'nogo hilingitikhemo re, aren he, ”Nebe neluk logogin nabiro. Wa'lasigin namolo o,” iluk isikhe.

HABAKUK 1:3

Inobabut mondok weak hilingitunem neilenggen kwelaginarek logouwageluk hera'nobagakhi lagen andi nenahalok? Hat hane sagalogo weak a'nogo hilingitu kwelek meneat he, heilenggen isaluk hafe morogo welagen andi nenahalok? An nera'lukwe elima yoma mondogat weagerinafik, ina'mageba ninghogo hilinginafik, yei liafik, minggit- manggathogo hilinginafik, ikhi logolik, mondok weakhogo hilinginafu werek andi.

BILANGAN 11:15

Haren, an noba a'nogo nek hilingnafi logou fugo, hendawit nabin. An noba enggin-fenggin hilingnafi lagen andi, noba selek asuageluk, nebe hendawit nabimbik weak-weagat noasumo fano o,” iluk wenagetikhe.