PENGKHOTBAH 2:14 - Allah Wene Fano Wene Hupla Inane

¹⁴ Ap hebelek mene nen ti fikhit laga lagi iluk futfagarek, oba nen ap morue mene nen tip-tabenggerik lagaikharek hak lagunem hasigi. Oba nen obaburugwi ariginik mene andi it inebe mondogat inoba asigin mene andi re an nelurek.

PENGKHOTBAH 2:14 ပူးပေါင်းရင်းမြစ်များ

MAZMUR 19:10

Allah faget fogerati logogun mene andi re mondok fano, lek asigin lek mene. komotninafikhe wene andi mondogat he ibi-eberogo nen higithogo hilingiti logogin mene.

MAZMUR 49:11

Afuni yi wene ti wene inelu mene ogore, wa'lagaikharek enek. Kembu inafe morue mene ogore lek agaikharegat. A'nogo hilinglagunem he inangge yi mene ti mene re herakfisaluk lagunem, it ekhe eise agaikharek.

AMSAL 14:8

Ap hebelek mene nen he ninggi'nogo hilingisigin iluk elu werek, oba nen ap kembu mene re at onggwarek kemburek andiba lalogo fakhikherek.

AMSAL 17:24

Ap ungguloak kagalek mene nen he hebelek mene helelo anggagarek, oba nen ap morue mene nen wenggelharek mene andoma re higithogo wenggelharek lek.

PENGKHOTBAH 2:16

Ap kembu mene nen he weak-weagat inoba inonggot agaikharek, oba nen he ap hebelek meneba nen ogore weak-weak eberisikhi logogun legat. We hilinghiling mene ogore nit mondogat ninoba ebet nisikhi logogun lek enek. Ap hebelek meneet nen morue meneat he ninebe higithogo nek wa'lasugun.

PENGKHOTBAH 3:19

Nit, wam, sue, paik, ninom higirat hilinglagorek. Nineluk, we, welagoresik he, nit afuni wa'lagik, it wam, sue paik wa'lagik, ninom wa'lagoregenek. Nit afuni ekhe saburogorek mondok lek. Ninom higithogoat, we, tulemat nineluk welagoresik wa'lagoregenek andi.

PENGKHOTBAH 6:6

Andi re mondok fano, ap eluk werek kwelek enek dua ribu tahun hilingiteba nen oba fanorogo ekhe welaga le'ma andi. Andiba re inebe pirenet he o misik awi lagaikharek he lek nogo?

PENGKHOTBAH 6:8

Arigini'mo re, ap hebelek mene inom kembu mene inom walet hamo nen he ap hebelek mene nen helogoin mene re nena mene nogo? Nena mene faget iluk ap inenggi lek mene afuni inanggele'ma inobabut fanorogo welagaikharek nogo?

PENGKHOTBAH 7:2

Seni isatukwe lagaikharek andi re harek oba nen fong wari'lagwi kwe lagaikharek andi nek he mondok fano. Andi re wa'lari'lagwi mene andi nen afuni inebe lombok nenangorinafu werek higi, iluk wenggel hikhi logogun.

PENGKHOTBAH 8:1

Ap hebelogo nek hilingiterek mene andi re agaiyek mondok hikherek, aren he yi wene ti wene faget onggo higithogo nek ikherek. Endawinggen kagalek mene a'nogo nen elokheba heanetfigik, nen elokhe haro mene a'nogo oba heanetfigik, ikherek.

PENGKHOTBAH 9:11

O kweangma yoma ekhe yi'nogo hilingitunem isigiregat. Afuni inebe lombok inoba hilinglasigin ilugat hilinglagarek andi nen he, it afuni sa awewerek-sa awewerek walhugunem at ekhe awe werek agarek mene andi nek onggo helikherek fuk. Nen, weim yafi logolik inomame agaikharek mene andi, hobuk yafi logolik inomame agunem isigirek legat. Nen, it inendawinggen kagalek mene andi, inebe mondogat inamburu yi mene ti mene oba heilarogo nek nunggunem isigirek legat. Nen, inobabut hebelek mene andi, inebe mondogat inangge yi mene ti mene hokhorogo nek hilinglagunem isigirek legat. Nen, it yi wene ti wene inelu mene andi, inebe mondogat inenuwerek agunem isigirek legaro.

PENGKHOTBAH 9:16

Andi nen an nen wenggel hikhi logolik he, hebelagaikharek andi re inomame mene inom higitsek lek mondok along werek. A'nogo hilingik oba nen ap inenggi lek mene nen hebel-hebel aple hilingitu mene a'nogo re legeisogo fagarek lek. Nen, at ane ikherek mene ogo futfagarek legat.

1 YOHANES 2:11

A'nogo meneat he, ap sa nen erugwi agaila'lak abit welagarek halok he, at ebe o mum oba werego. A'nogo were'ma, mum en eilenggen mumetfikhemo ebe o mum oba nikhi logolik, ”Koma laga lagi heat,” onggot obakhe palek werego.