PENGKHOTBAH 2:13 - Allah Wene Fano Wene Hupla Inane

¹³ Eberogo nenat he an arat nelu agi, inendawinggen wenggelek mene andi re mondok fanoba nen he kembu mene andi re morue rek, Andi re selek mondok fano meneba nen mum agarek a'nogo inom higit.

PENGKHOTBAH 2:13 ပူးပေါင်းရင်းမြစ်များ

MAZMUR 119:105

Hat hawene andi re an neisok kwe lagukwe faget esage higit werek, nen an kwe loageluk seleget nafu mene werek.

MAZMUR 119:130

Nen tindelhunem he, Haren yaganisegendek mene andi nen ninendawimo selegeraterek, afuni futfou elo'lek mene ogore elok futfagarek enek.

AMSAL 14:8

Ap hebelek mene nen he ninggi'nogo hilingisigin iluk elu werek, oba nen ap kembu mene re at onggwarek kemburek andiba lalogo fakhikherek.

AMSAL 16:16

Emas helagarek mene andi re we endep hak oba nen, inendawinggen kagalek mene helagarek andi nek he mondok fano. Perak helagarek mene andi re we endep hak oba nen, inelu agarek mene helagarek andi nek he mondok esin.

PENGKHOTBAH 10:10

Henggarok enggat lek kwelek mati lagen lek halok, haren yabu hilingisigiluk he honggwarek homameba fukfakhogo hilingisigin. Oan hilingiti'lek logolik attak-attak he hilingisugun mene fanorogo wenggelogo feino.

PENGKHOTBAH 11:7

Mo asinandi kwelabi waga logolik fanot fugunem afuni nen kwelakhaluk he inagaiyek agarek.

PENGKHOTBAH 7:19

Hebelek mene andi nen he onggwarek agun a'nogo omame hokhorogo wogeterek, nen ap o kota misik ekheba inomame werek inap inebe 10 nen werek oba nen ogore hebelek mene andi nek he omame mondok hokho werek.

PENGKHOTBAH 9:16

Andi nen an nen wenggel hikhi logolik he, hebelagaikharek andi re inomame mene inom higitsek lek mondok along werek. A'nogo hilingik oba nen ap inenggi lek mene nen hebel-hebel aple hilingitu mene a'nogo re legeisogo fagarek lek. Nen, at ane ikherek mene ogo futfagarek legat.

PENGKHOTBAH 9:18

Sige sikhe wanharek andi sebelek hak oba nen he inendawinggen kagalek welagaikharek andi nek he mondok esin, oba nen weak mene endebat ekhe tephogo pigin mene nen amusu fano mene belanga misik keralek weagerogo fou hak.

MALEAKHI 3:18

It An nagainafuri mene nen he it afuni inobabut fano hilingitarek mene inom, weak hilingitarek mene inom, nen An nobaget kabogetarek mene inom, kabogetarek lek mene inom, inoba agamsek logogin mene andi re hobuk neilenggen hogoin aro,” iluk yagaisasikhe.

MATIUS 6:23

Meneat he, hineilenggen weak halok he, hinebe abirengge o mum hangge logogun o. Mene re, hinendawimo o selek hangge mene andi mum aga halok he, eigo! Mondok ebenagai'mo mumat welagebo,” iluk yagaisasikhe.

EFESUS 5:8

Hit attak he, o mum oba welagagip meneat he, yogondak Tuhan againafuri mene agepsik, o selek oba welagep andi nen he, hinobabut o selek oba logolik hilingiti logogun meneat higithogo hilingiti logoino o.