PENGKHOTBAH 2:1 - Allah Wene Fano Wene Hupla Inane

¹ An nen wene kagalogo wenggelhi logolik fanot fakhagain anggigik, nen ekhe fano mene nelu asuagaluk murok lagain iluk ebetik, ikhi lagiba nen he, andi ogore alomarogoat hilingiti lagi.

PENGKHOTBAH 2:1 ပူးပေါင်းရင်းမြစ်များ

KEJADIAN 11:7

Halok, it-it ekhe nen ekhe inane inesanggo holhi'lek hilingisuagen, niren inane onggut munenfisa puogo,” iluk pi wagaukwa.

2 RAJA-RAJA 5:5

A'nogo yagatikhemo, at raja nen he, ”Fano, afuni Israel mene inoe raja andiba lano o. An nen surat at oba waluk lanogen ekhe palogo wokhesigin aro,” iluk palogo wogotikhe. A'nogo wogotikhemo, at Naaman a'nogo wesigiluk, uang perak mene re 30.000 nen inom, uang emas mene re 6.000 nen inom, su ebema mene inom eisokwe mene inom, mondok fano mene nek sebethigik 10 nen inom, waluk wagaikhe.

MAZMUR 10:6

It inendawimo nen anggikhi logolik he, ”An nen hilingisigin mene andoma re ambisangma ekhe weagasigin lek, nen hobuk logogun huli andoma ogore ap weak hilingiti'lek welagaikharek hakhogo logogun,” iluk anggagarek.

MAZMUR 14:1

Afuni inobabut kembu mene inendawimo nen he, ”At Allah ebe re werek lek,” iluk anggikhi logolik he, inobabut weak mene nek hilingitik, ina'meilo mene nek hilingitik, hilingitu logolik he. Fano mene ekhe hilingiterek mondok lek.

MAZMUR 27:8

Haren yaganeti logolik he, ”We'luk fogetnafi logoin,” iluk yaganetunem an nen onggo ikhi logolik he, ”Tuhan neisena, an he weak-weagat fogethabi wesigin,

AMSAL 14:13

Endo agaikharek mene andi hebekhogo re inendawimo le pikherek, nen inagaiyekhogo welagaikharek mene andi ambisangma inendawinggen heiselherek.

PENGKHOTBAH 11:9

Hat ap alage souge yi re, hebe souge logolik andem he hendawimo anggagain mene hilingirikhi logoino! Hebe elama sougerek logolik andem he hagaiyek hokhorogo hugu nogo. Hat hendawimo nen wenggelhu mene andoma re tiphogo nek hilingiti logoino, nen hendawimo hilingisigin iluk anggagain mene andoma higithogo nek hilingirikhi logoino. Oba nen he helurogo! Haren hilingiti logogin mene andoma mondogat he, At Allah nen hobuk wene inoba figik kotik igin oba andoma wokharek lambik katokhogo ayo wut habigin oba werego.

PENGKHOTBAH 2:10

An nen yi'nogo ti'nogo hilingisigin iluk wenggelhirek mene aremnogo mondogat he higithogo nek hilingiti lagi, ekhe nendawinggen nunggu mene sebel hikhi logolik welagagi lek. An nenggi ambisangma nangge hokhorogo hilinglagu mene omanogo faget wonoget fakhikhi lagi.

PENGKHOTBAH 2:15

Andiba an nen wenggelhi logolik, ap morue mene inoba agarek andi re an noba ogo a'nogo hilinglasigin mo re, nendawinggen kagalek andiba ekhe hilingisu lek hak. Andi faget an nen anggikhi logolik hebelagaikharek mene andiba nen hilingisu mene ekhe werek lek higi, iluk anggasigi.

PENGKHOTBAH 2:25

Ap ningginik mene nen Allah inonggorengge agaiyekhogo ninggi logolik logou hak nogo?

PENGKHOTBAH 7:4

Ap kembu mene nen he inagaiyek anggagarek mene omanogo faget enek murok lagaikharek, oba nen he ap hebelek mene re wa'lasigin mene faget wenggel hikhi logolik werek.

PENGKHOTBAH 8:15

Wene ambisangma elugun warogo re afuni nen he inendawimo inagaiyek enek anggikhi logogun. Andi re at ebe o kweangma yoma logolik, agaiyek amu mene faget ekhe hikhi logogin lek, we inamburu ninggik, inagai ninggik, inagaiyegetik, hilingitarek mene andem enek werek. Eluk Allah nen wogete mene andem oba logolik he, aren hilingiterek mene omanogo oba nen we andem enek hikhi logolik logogin.

YESAYA 5:5

Halok he an neabu anggur yabu andi faget he yi'nogo hilingisigin: Leget haningisogo waganek mene andi re mondok meisalogo pot fisamo re, wam maro eisogen altam-tamhogo weagerogo fagain.

YESAYA 50:11

Yago, hit ap amu mene weaget fisouwogeluk hilingiti lagep mene yoma sani, hit hinonggwaregen wene melalogo fakhasigip mene andiba hinebe alomat fakhogoin o. Tuhan nenat andoma hilingitunem he, hiren enggin-fenggin mondok hokho mene hogoin aro.

YESAYA 50:5

Tuhan nen an wenggelhu mene wo'netunem he, At ane oak sagalogo fuluk At werek oba nen sugulogo laga lagi lek.

LUKAS 12:19

A'nogo fakhambik werek kwelek he, nonggwaregen komorikhi logolik, Yogo. Mo lagagik, pigik, ugu kwelek yi tahun ti tahun faget nagarek hokhorogo higithogo fakhigiri'mo fano. Yogondak set walogo logolik, sumburu ninggik, enggen amusu ninggik, ninggi logolik he, nendwimo nagaiyek hikhi logogin o, iluk, nonggwarek komorikhi logogin, iluk anggikhi lagaikhemo,

LUKAS 16:19

A'nogo yagaisasikhesik he, hobuk at Yesus nen wene ekhe mel yagaisasikhe: ”Ap ekhe kain angge mondok hokhorogo logolik he, asu onggo hokho fano mene nek laberaluk, yi mene ti mene fano mene anggele'ma heakhogo logolik, hundik-handik endawimo agaiyekhogo nek welagaikhe.

LUKAS 16:23

Nen, ebe re, wa'la'luk lagaikhare'ma andoma lagaikhesik mondok weagat logolik he, elokhe hebekhogo liakhasikhe re, Lazarus Abraham era'lu were'ma eilenggen liagisasikhe.

TITUS 3:3

It a'nogo hilingiti logogun andi re, nit attak ninendawinggen lek ninobabut kembu hak, komore'legat nong-honghogo hilingiti logolik he, afuni inogogwi kaindek inawe a'ma welagaikharek hak, inoba aigage lagagik, inendawimo nen yi mene ti mene ninamolo anggigik, agarek andi mene awe a'ma hak welagagu. A'nogo logolik, it ekhe weagerinafik, wene palhik, it ekhe nit inabiretninobagagik, niren it ninabiret fisigik, ikhi lagagu.

YAKOBUS 4:13

Hit ekhe nen he, ”Yogondak he a? Ohealekwe he a. O ale'ma lambik he, tahun misigat hangge logolik, yi mene ti mene onggo wanhik, saburigik, ikhi logogin,” iluk ikhi lagep andi ri!

YAKOBUS 5:1

Hit ap kaindek mene nagaila'lak, hinesanggo fanorogo holini o! Hobuk Allah nen weagethinafunem yi enggin ti enggin hikhi logogun andi nen, li ago le ago logobagaigeluk yagahisigi andi hinesanggo holini o.

YAKOBUS 5:5

Kweangma yoma hinagarek yi mene ti mene hineilmo werek logolik, hinendawimo hinagaiyekhogo hinalawi engginhogo helikhi lagep andi ri! Wam wasugun higit asi wagunem ebe hokho asuageluk sumburu hokhorogo tatarek andi hak, hit hinebe weagethinabigin mene horok asi wagu kwelegat he, hinonggwaregen hinebe takhikhi lagep andi ri!