PENGKHOTBAH 12:9 - Allah Wene Fano Wene Hupla Inane

⁹ Wene wenggelni andi re hebelek mene logolik endawinggen kagalek agun hilingi'mo re inelu agaikharek mene andoma afuni mondogat inoba yagaisasikhe. Komo wene omanogo mondogat ero pilingitikhesik, andi eberogo a, lega, iluk obabut palogo nen afe halhigik lisu palogo fesikhe.

PENGKHOTBAH 12:9 ပူးပေါင်းရင်းမြစ်များ

1RAJA-RAJA 10:8

Hat hagagwi inendawimo nen he iaple anggili'lagimo aro, nen, hagoromi heilhanem hat faget hundik-handik hilingiti logolik, hat hendawinggen kagalek logolik hilingitunem, ineilenggen hiili'lagwi mene andi, inendawimo hai hikhi logouwak aro.

1RAJA-RAJA 4:32

Aren he wene inane obalirogo ugu mene re 3.000 nen felalhikhe nen wuni re 1.000 nen pisanhogo ambol kweat felalhikhe.

1RAJA-RAJA 5:12

Tuhan nen Salomo ba wene wareti logolik he, ”Hendawinggen wenggelek logogin mene wokhesigin,” iluk abok yagatikhe mene a'nogo tiphogo wogetikhe. Wogetikhemo re, Salomo nen he raja Hiram inom hundik logolik he, ninom fano a'nogo hundik logogun, iluk wene wat-wat agaukwa.

AMSAL 1:1

At Salomo nen, ”Ebe yi'nogo faget igi,” iluk isikhe wene inoe raja a'nogo nen ikhi lagaikhe mene re yi.

AMSAL 10:1

Salomo nen komo wene isikhe mene re yi: Omalik obabut hebelogo hilingiterek mene andi re eisena nen agaiyek oba fikherek, nen omalik ekhe obabut kemburogo hilingiterek mene andi re agaisa endawimo ouet fikherek.

AMSAL 25:1

Ombo'ne yi re komo wene fano wene fena raja Salomo nen komorinafi lagaikhe mene re, Hizkia raja Yehuda ba logolik, it o raja awi istana ba yabu hilingiti lagaukwa mene andoma nen lisu palogo fesukwa.

DANIEL 12:3

Afuni inendawinggen wenggelek logolik ferinarek welagaikharek mene andoma re o pogoroba ombak-bak werek andi hak selek ombak-bak eti logogun. Nen, it ekhe nen fano mene hilingitik, tiphogo hilingitik, ikhi logouwageluk yanggulinafi lagaukwa mene andoma re hesagal enggen hakhogo mondok-mondok faget selegeratu mondok logogun o,” iluk yaganete.