PENGKHOTBAH 12:8 - Allah Wene Fano Wene Hupla Inane

⁸ An nendawinggen kagalek mene nen he, Yi mene ti mene mondogat andoma re we elama faget alomarogo welagarek, iluk igi andi,” iluk isikhe.

PENGKHOTBAH 12:8 ပူးပေါင်းရင်းမြစ်များ

MAZMUR 62:9

Yago, hit an nunggulenu mene yoma sani, linggene hundik-hundik At Allah andiba nek hinendawinggen eberek logoni o, Nit ninebe At awea'ma kuluk oba himbirik welagoma re, hit hinendawimo anggikhi lagep mene andoma At a'ma pulelogo liak fikhi logoni o.

PENGKHOTBAH 1:1

Ap Daud amlogo wene endawi mondok wenggelek mene a'nogo nen eisena obali'mo raja o Yerusalem menlagaikhesik wene ikhi lagaikhe mene palogo fesukwa mene re buku yiba palek werek.

PENGKHOTBAH 1:12

An nebere nendawinggen mondok kagalek mene logolik o Yerusalem oba andoma afuni Israel mene faget inoe raja mendek logolik melalinafi lagagi.

PENGKHOTBAH 1:14

Afuni o kweangma yoma nen hilingiri'lagwi mene andoma mondogat he an nen isigirek enek. Oba nen he yethani, mondogat a'nogo hilingiri'lagwi mene andoma re we alomarogo sogoi murok lagaikharek hak hilingiri'lagwi.

PENGKHOTBAH 1:17

Andiba re an nen anggikhi logolik afuni hebelagaikharek andi inom, kembu agaikharek andi inom, nen inendawinggen wenggelek welagaikharek andi inom, sogourek welagaikharek andi inom agaumsek oba nen hilingik mene andoma nelu asuageluk herasigin anggasigi. Oba nen hobuk eberik-eberigen he an yire sogoi murok lagaikharek hak hilingiti lagi higi, iluk futfesigi.

PENGKHOTBAH 1:2

Hun wene wenggelfuluk ikherek mene andi nen yi'nogo isikhe: Mondogat omare we elalinat, alomarogo werek! Ineluk welagaikharek andi re ero le'ma we alomarogo werek isikhe.

PENGKHOTBAH 2:17

Andi faget he ineluk welagaikharek andi ambisangma an nobaget ekhe werek lek, amu mene ogo legat. Mondogat andoma re we alomarogo hilingi'mo re an he sogoi murok laga-lagi.

PENGKHOTBAH 4:4

An nen ekhe nelu mene re yi: It afuni nen yabu inomamerogo wanharek andi re it inom siok erarek mene andoma ineabu ambisangma weregen ina'ma weagen hilingitarek. Andi re we sogoi murok lagaikharek hak alomarogo hilingitarek.

PENGKHOTBAH 6:12

Nit ninebe we eilhorogat logolik ebe ambisangma legengge faget were'ma nen we inafumak palogo lagarek hak lagarek mene andomaba re ebe ti mene iluk ninggi'nogo inelu asu hak nogo? Nen, at ebe lek agu kwelek hobuk o kweangma yoma asigin mene ninggi'nogo elu asu hak nogo?

PENGKHOTBAH 8:8

Ap misik ekhe nen wa'lagu mene faget oanma iluk senfigik, higilogo fei lagik u lek hak, Andi re afuni mondogaren inebe lombok hogoin enek hilingi'mo re, We ineranen wene agarek oba inom henarogo wene agarek oba inom, wa'lagaikharek mene andiba nen ogalogo la lek hak.