PENGKHOTBAH 12:7 - Allah Wene Fano Wene Hupla Inane

⁷ Nen ninagap he ambotkwe kweang al agik. Nen set ninelugeraterek mene a'nogo re sugulogo Allah were'ma lagik, igin. Andi re we At endawi fano nen weat wo'nisikhe mene hilingi'mo re a'nogo hilinglasigin.

PENGKHOTBAH 12:7 ပူးပေါင်းရင်းမြစ်များ

KEJADIAN 18:27

A'nogo yagatikhemo at Abraham en ekhe hobuk mel yagatikheat: ”Neisena, an yi re, nebe afuni mene yi wene ti wene u lek mene nailo legat wene yi hobuk ekhe inomat yagahesigin yi re, wena'netun o, neisena.

KEJADIAN 2:7

Tuhan Allah nen kweang endebat mene ekhe enggim wanhikhesik, ap misigat ekhe pugunhogo hilingitikhesik he, set inebe inelugerinaferek mene eleage ambisang elekwe furogo kwelakfesikhe. A'nogo kwelakfesikhemo, ap a'nogo arat eluk agaikhe.

KEJADIAN 3:19

Nen, hat hebe kweang mene fanorogo hilingisogo elalhafi andi nen, kweangma yi mene ti mene awi fulelhi logouwageluk yabu likhak yugulogo, set kwil-kwalhogo hilingiti logombik, hebe wa'lasimbik hambotkwe kweang asigin o,” iluk yagatikhe.

AYUB 20:11

At ebe agap eluk logolik oba re along palonghogo werek oba nen he, we horok yogondak ya at ebe kweang age mene asigiluk werek.

AYUB 7:21

An naweak Haren honggorabethogo fou re elo'legen a? Nen weak hilingiti mene sagalogo legat fisa re elo'legen a? We eil misik wela'luk ap wa'lagu mene sal fisagarek oba omanogo wengik logogiluk welagimo re, Haren an hera'nabigin oba nen he, an longgo pising umo re hera'nabigin lego,” iluk isikhe.

MAZMUR 104:29

It Haren elalinafigin mene andi, Hat helokhe kwani ugunem he, inailo mondok agarek. Nen Haren set it mene andi wanhunem he, inebe mondok wa'lagaikharek. Inebe kweang aling mene nogo nen he, inambotkwe kweang alingat agaikharek.

MAZMUR 146:4

It ariginik mene andoma inebe wa'lasugun halok he inambotkwe kweang asugun, Nen iren yi'nogo ti'nogo hilingisugun iluk wene ebetarek mene omanogo re a'nogo sambulat legasigin.

MAZMUR 31:6

An nebe mondok-mondogat Hat henggiba fikhi lagi o, Neisena Tuhan Allah, higithogo nek hilingiti lagen mene, Harenat an hele fikhalogo wulak nobagakhi lagen o.

MAZMUR 90:3

Haren he, afuni attak mene a'nogo ebe kweang abu'nengge mene elalhiginmo re, afuni inambotkwe kweang abu'nengge asuageluk hilingfisikhi lagen.

YESAYA 57:16

An he nagainafuri inoba mondok- mondok faget weagerinafirek mondok lego, hobuk faget inom An nen na'mage inoba fikhi lagi legaro, An nenat it ineluk logouwageluk hilingfisikhi lagimo re, iren inoba lebelek a'luk hilingiti logoinogo.

YEREMIA 38:16

A'nogo igimo nen he at raja Zedekia nen ane linglong an noba ikhi logolik, ”Allah mondogat eluk werek, Allah nen ineluk hilingfisikherek mene andi enuba an nen hombuk palhi laginggere an nen hat hebe hoatik, nen aben hoasuageluk ap inenggimo hobagagik, igin lego,” iluk yaganete.

DANIEL 12:2

Nen, it inanggele'ma nen afuni hokhorogo wa'lagaukwa mene omanogo nekhengge ineluk menlasugun, menlasimbik fenakwe re ineluk mondok-mondok mene a'nogo hikhi logolik logogun, nen fenakwe re anggolo hunarerogo heinet hokho mene wali logolik mondok-mondogat logogun.

ZAKHARIA 12:1

Afuni Israel mene faget yagaisoageluk ikhe mene re yi. Tuhan nen pogot tiaganet figik, kweang elalogo figik, afuni inoba ineluk mene wogisigik, isikhe mene a'nogo nen ikhi logolik,

BILANGAN 16:22

A'nogo isikheba nen, Musa Harun emberek inelokhe kweangma sagaumeti logolik mel isukwa, ”Allah nineisena, Haren enek ineluk welagaikharek mene andoma eluk logouwageluk wogisikhi lagen. Ap misigen weak hilingituba re Haren afuni mondogat inoba ha'mage fisa hak nogo?” isukwa.

LUKAS 23:46

A'nogo hilingitikhemo, at Yesus ane hokhorogo Allah yagati logolik he, ”Neisena e! An nareagun selokhogo, hat henggimo waninogen, iluk yagaheti o,” iluk yagatikhesik he, arat lebekhogo wa'lagaikhe.

KISAH PARA RASUL 7:59

Fesukwasik he, ebe helep oba watu kwelek, at Stefanus a'nogo Yesus enu hombuk palhi logolik he, ”Yesus noe. Nareagun haren wo'nabime o,” iluk isikhe.

IBRANI 12:23

Allah againafuri manggusa mene, inenu pogoroba lisu palek were'ma, andogorek logolik inendawimo inagaiyegetarek mene inom, it afuni fano hilingiti lagaukwama, Allah nen katokhogo fanorinafikhe mene inareagun inom, Allah ebe afuni mondogat wene inoba figik, kotik, ikherek mene a'nogo inom were'ma oba wagebo.

IBRANI 12:9

Nen, nit nineisugwi ninebe ta'ninafa mene nen komotninafunem, inane hologo agaukhogo hilinginaforek andi hak, nineluk logouwageluk nineisena nen ninendawimo ket ta'ninabi'logo mene ane hologo agaukhogo hilingisugun lek nogo? At ane hologo hilingisugun aro.