PENGKHOTBAH 12:1 - Allah Wene Fano Wene Hupla Inane

¹ A'nogo isikhesik he hobuk ekhe mel isikhe: ”Hit hinebe logombigen hobuk arat yaman asimbik yi tahun ti tahun logolik, hinendawimo hinagaiyek higi'lek weak enek hikhi logogun andi nen he, hineisena Elalhinafikhe mene oba ebeti logoino o.

PENGKHOTBAH 12:1 ပူးပေါင်းရင်းမြစ်များ

KEJADIAN 39:2

Onggo palhikhemo, Yusuf Potifar o Mesir mene andi amingmingengge logolik, aiba andoma yi yabu ti yabu hilingitunem nineisena Tuhan nen serogo logolik lebethikhi lagaikhe andi nen he, higithogo nek hilinglaga lagaikhe.

KEJADIAN 39:23

A'nogo fesikhemo, Tuhan Allah nen Yusuf serogo logolik lebethugunem, yabu hilingitunem he, higit enek hilinglaga lagaikhe andi nen, ap hele warek ferinarek welagaukwa mene inoe a'nogo nen, ”Yusuf, yi'nogo hilingisin, ti'nogo hilingisin,” iluk yagati'lek endawinggen yamukhogo welagaikhe.

2 SAMUEL 19:35

An nebe umur 80 tahun arat agari'mo re, yi fano mene, yi weak mene, iluk penesu mondok elo'lego. Nen, sumburu inom, i inom, nunggunem enduk nambema mondok legat agik, afuni wuni watunem inane nesanggo holu elo'legat agik ikheo, noe. Andi nen he, noe hoba engginet fagain andi elo'lego.

2 SAMUEL 19:36

Haren yi mene ti mene hokhorogo wo'nesigiluk egen andi, an wanigin mondok elo'lego, noe. An he, we, hat wokharek i Yordan aik eliba horok andi huli lakhobagai lagain o, noe.

1RAJA-RAJA 14:13

At andi nek he, it afuni Israel mene ineisena Tuhan Allah a'nogo nen endawimo agaiyek oba fugunem he, at Yerobeam eisok erokwe mene wa'lasugun mene nen he at andi nek he mondok fanorogo salugun o. Nen, it afuni Israel mene nen ogore, obaget le aga logolik fanorogo salugunaro.

1RAJA-RAJA 18:12

An nebe yoma nen lagu kwelek he, nineisena Tuhan Areagun nen hat hebe o an nonggotma wokharek lamo werek kwelek, an nen he, Elia ebe o a'lima werek, iluk yagasumo, aren hat herakhabik wesigin mene re, hebe legen, aren an eberogoat nebe noasigin aro. Mene at he, helurogo, an he nebe yenggerek oba nenat ibi-eberogo nen neisena Tuhan faget fogeratirek mene o, noe.

NEHEMIA 4:14

A'nogo fi sasigi meneat he, it ap omanogo inendawinggen inailo were'ma isasigisik he, it inom, inogogwi inom, kaindek ferinarek welagaukwa mene inom, inebe mondogat inoba mel yagaisasigi: ”Ap nit ninom selei mene andi inoba hinailo asu fugo. Nineisena Tuhan Omame Mondok Hokho logolik inailo mene hilingiterek a'nogo hinendawimo ebe'ni o. Eberek logolik, hiren hit hinagaila'lak inom, hinagainafuri inom, hinagagwi inom, hinawi wurik inom, mondogat telinabubagaigen hinomamerogo yabino o,” iluk yagaisasigi.

AYUB 30:2

Iren an nobaget yabu hilingiti lagaukwa mene inomame mondok le'ma re, an nen yabu hilingisuageluk wogisa elo'lek welagaikhe.

MAZMUR 119:55

Tuhan neisena, o hubanggo re an nen Hat hoba nek ebethiikhi lagi, nen Hat hawene melalek a'nogo re an nen mondok ninghogo fisogo welagi.

MAZMUR 34:11

Mene singa ebe oan mene amburu legen nele welagarek, meneat he, afuni Tuhan murok nikharek mene re, yi mene ti mene fano mene inelagaikhogo ekhe logogun mondok lego.

MAZMUR 63:6

Sei mene tonggokhogo nenggarek hak, nebe fanotnafi lagen andi nen, nendawimo nagaiyek mondok aga logolik, hai wathafik, fogethafik, ikhi lagi o.

MAZMUR 90:10

Nit ninebe umur he we, 70 tahun huli nek welagorek. Mene re, ninomame werek halok enek he, 80 tahun huliba asi lagorek. A'nogo meneat he ninebe a'nogo nineluk logolik he yi enggin ti enggin hikhi logolik mondok welago. Nen ninebe umur endebat a'nogo wela'luk arat lek agorek andi.

AMSAL 22:6

Hit hinagainafuri inobabut fano higithogo hilingiti logogun mene faget inebe oan obaat fanorogo yagaisikhi logoino o. A'nogo yagaisikhi logogun halok, inebe inalue asimbik wene sagalogo herakfisigi'lek higithogo hilingiti logogun.

AMSAL 8:17

Afuni ekhe nen, an inendawinggen hundik halok, an nen it inoba nendawinggen hundik welagiregaro. An hera'nabik noba wesugun halok, an nebe ninom ambi asugun aro.

PENGKHOTBAH 11:10

Hat hebe souge logolik welagen oba andem he we eil misigat logombik legasigin, enggere hendawi fiti lagen mene andi inom, hoba enggin hikhi lagen mene andoma inom mugusogo wulak fisikhi logoino o, namlogo.

PENGKHOTBAH 11:2

Hobuk hit weak mene hinoba asigin hinonggot andi nen he, hinangge yi mene ti mene minggilhigik, amu-amu awingge wogisugunem awi yatarek andi hak fakhaluk inomamerogo hilingiti logoino o.

PENGKHOTBAH 11:8

Hat hebe umur ekhe inom to'mot hobagagu halok he hai wati logoino. Andiba re hat hebe o kweangma yoma aninurogo logogin mene andi re horok harek hak oba nen, wa'la'luk lagaikharek oba andoma laluk logogin andi nek he mondok aninurogo logogin. Arigini'mo re andoma faget hendawimo eberek logou hak nogo? Mondogat andoma re we alomarogo werek.

YESAYA 26:8

Tuhan nineisena, nit he Haren wene tekhogo ikhi lagen mene omanogoba higithogo hilingiti lagolik, Hat hebe nenangot hafu welago. Nit ninendawinggen ma nen fogethafik, ninagaiyegetik ugu mene re Hat hebeat welagen.

RATAPAN 3:27

Nit ninebe souge logolik andemat hambuget haluk hilingitarek mene yanggulugun fano.

DANIEL 1:17

A'nogo wogisugu kwelek Allah nen he ap alage inebe enggaminogo mene aremnogo yi wene ti wene lisu palek mene andi inelu agik, inendawinggen mondok kagalek mene hilinglasuageluk hilinginafikhesik, at Daniel enek he, inabikanggo hagarek mene inom ineil fenggenek logolik inabi higit hagarek mene inom, Ebe ti'nogo hilinglasigin mene faget hegenma o, iluk higithogo yagaisikhi logouwagaluk wogotikhe.

HOSEA 7:9

Iren unggulenu amu mene inom seberi'lagwi andiba re it inomame lek ari'logo mene a'nogo futfili'lagwi lek. It ineluk logogun mene faget mondogat ambisangma asi weri'lagoba nen, it he inonggorengge wonghogo werek.

LUKAS 18:16

A'nogo wenagisasukwa meneat he, at Yesus nen yenggerugwi magendek mene omanogo wesuageluk wolisasikhemo wagu kwelek he, at ane wanhi lagaukwa mene omanogo mel yagaisasikhe: ”Afuni inobabut it yenggerugwi ari inobabut hangge hilinglasugun halok he, Allah nen awe a'ma fisikhere'ma andoma eisewerek asugun andi nen he, yenggerugwi magendek andoma an noba wesuago. Wene palhu lek.

EFESUS 6:4

Nen, hit inesugwi nen ogo re, yi mene ti mene faget hinagainafuri ina'mage lagainogo iluk hilingitubo. Athe, Tuhan nen komotninafik, ninendawinggen sebelhik, ikherek andi hak, hiren hinagainafuri a'nogoat hilingisogo inebe kulinafi logoino o.

ULANGAN 8:18

We, nineisena Tuhan Allah nen yi mene ti mene yoma wo'nisili'lago higi, iluk hinendawimo eberek logogun o. Aren ninombalak yagaisikhi logolik, an nen hit yi'nogo hilinghinafi logogin, iluk wene warisasikhe andi nen, a'nogo hilinghinafu mondok huli yogondak hinoba eberek mondok werek andi.

2 TIMOTIUS 3:15

Hat hebe yenggerek oba nenat Allah ane lisu palek helu welagen mene andi hendawimo eberek mondok logoino o. A'nogo logolik, hendawinggen Kristus Yesus oba himbirik were'ma, Allah nen telhabigin mene futfeinogeluk, at ane lisu palek andibaat hendawimo elogat kagaligin werego.

1 SAMUEL 16:7

A'nogo anggasikhe meneat he, At nineisena Tuhan nen Samuel mel yagatikhe: ”At ari ebe An nen wenati mene re lego, andi nen he hat hendawimo nen ebe fano, oakhuse uan andi nen ebe yiat higi, iluk anggagun o. Afuni re, inagap endakwe nek isagarek meneat he, An he, inendawinggenma isigirego,” iluk yagatikhe.

1 SAMUEL 2:18

It a'nogo hilingitu kwelek, at Samuel ebe oan yenggeregat logolik, nineisena Tuhan faget hilingitu welagaikhe. A'nogo hilingiti logolik, asu pisarek yo linen meneba kwago mene ap imam Allah faget hilingisuogeluk labetarek higithogoat laberogo hilingiti lagaikhe.

1 SAMUEL 2:26

It a'nogo weak hilingitu kwelek meneat he, at Samuel a'nogo nek he ebe alue agu kwelek, Tuhan nen inom, afuni mondogaren inom, at faget inoba liok ikhi lagaikhe.