A'nogo yagatikhemo, at he a'nogo nen e a'nogo eilenggen kwelakhasikhe re, fano mondok were'ma hasikhe. A'nogo hasikhesik, endawimo nen he, ”E ari enggen inendawinggen palu hak werek ari re, afuni inobabut hebelinabu hak higi,” iluk anggasikhesik, e enggen a'nogo palhikhesik he, nasikhesik, fena agun wogetikhemo nasikheat.
PENGKHOTBAH 11:9 - Allah Wene Fano Wene Hupla Inane9 Hat ap alage souge yi re, hebe souge logolik andem he hendawimo anggagain mene hilingirikhi logoino! Hebe elama sougerek logolik andem he hagaiyek hokhorogo hugu nogo. Hat hendawimo nen wenggelhu mene andoma re tiphogo nek hilingiti logoino, nen hendawimo hilingisigin iluk anggagain mene andoma higithogo nek hilingirikhi logoino. Oba nen he helurogo! Haren hilingiti logogin mene andoma mondogat he, At Allah nen hobuk wene inoba figik kotik igin oba andoma wokharek lambik katokhogo ayo wut habigin oba werego. အခန်းကိုကြည့်ပါ။ |
PENGKHOTBAH 11:9
41 ပူးပေါင်းရင်းမြစ်များ
An nebe yoma nen lagu kwelek he, nineisena Tuhan Areagun nen hat hebe o an nonggotma wokharek lamo werek kwelek, an nen he, Elia ebe o a'lima werek, iluk yagasumo, aren hat herakhabik wesigin mene re, hebe legen, aren an eberogoat nebe noasigin aro. Mene at he, helurogo, an he nebe yenggerek oba nenat ibi-eberogo nen neisena Tuhan faget fogeratirek mene o, noe.
A'nogo yagaisasikhe le'ma, o mo lingge tulem oba, at Elia nen ane asegen wogisikhi logolik, mel yagaisasikhe: ”Baal andi hit hineisena fogerati lagep mene lek nogo? At ebe abolok legat werek hea? Ia, amise wusigiluk lagama a, athe, o ale'ma lagama he a. Ia, Nogo ili'lago a. Eluk asuagen he, hinane hokhorogo ayonggo feni o,” iluk yagaisasikhe.
A'nogo wagaukwasik, at Mikha raja Ahab oba wagunem at kain nen mel yagatikhe: ”An at kain raja Yosafat nemberegen afuni Ramot mene inoasi lou a? lega,” iluk heinok wokhasikhemo, at Mikha nen ikhi logolik, ”Haren selei mene mabenet fisambik homame asuagaluk nineisena Tuhan nen omame wokhesimbik inebe henggiba fagain o. Ma re, inoasi lan o,” iluk yagatikhe.
Andi nen he hat hoba fano mene ekhe agu halok he hagaiyek anggikhi logoino. Oba nen hat enggin mene hoba agu halok he, fano mene inom weak mene inom andoma re Allah nenat wokheri'lago hilingi'mo re honggorasu fuk. Nit afuni re hobuk asigin mene andi re ninggi'nogo hilinglasigin iluk ninonggot welago hilingi'more.
A'nogo fakhambik werek kwelek he, nonggwaregen komorikhi logolik, Yogo. Mo lagagik, pigik, ugu kwelek yi tahun ti tahun faget nagarek hokhorogo higithogo fakhigiri'mo fano. Yogondak set walogo logolik, sumburu ninggik, enggen amusu ninggik, ninggi logolik he, nendwimo nagaiyek hikhi logogin o, iluk, nonggwarek komorikhi logogin, iluk anggikhi lagaikhemo,
A'nogo holek werek kwelek, higithogo hilingiti logogun wene andi inom, inendawinggen sebelek logogun wene andi inom, hobuk Allah nen afuni inanema waganogo wene inoba figik, kotik, igin wene andi inom, yagaisugunem, Feliks ailo agaikhe. Ailo agaikhesik he, ”Yogondak wene arat egen o. Hobuk ugun mene higit aga halok he, wolheagain o,” iluk ambotkwe lakfesikhe.
Andi nen he, aren wene afuni inoba figik, kotik, igin andi sambul oan asi wagi'lek werek kwelek, hiren it ekhe wene inoba figik, kotik, ugun mondok lego. We, at ninoe Enupogot ebe wesimbigen he, afuni nen hubanggo hinagaisogo hilingiri'lagwi mene sele'mat figik, yi'nogo hilingisugun, iluk anggaluk inendawimo sebelek werek mene andi fakhogo figik, i wesigin andi nenangorogo logogun o. A'nogo fakhogo fugunem, Allah nen he, fano hilingita mene inebe lombok fogerinabu meneat fogerinabigin o.
Hit hinanggele'ma andoma nen wene a'nogo hilingisu fuk iluk haferogo yagahisikhe mene andi re at ekhe nen holfoluk at oba ebe ambisangma mondok fano nek aga logogin angga fuk, we at onggwarek a'mage lagagin mene nen hilingirik lagain oba nen ogore. At hilingisigin andiba re ap fano meneet, weak meneet hinebe abirengge lek hilingisogo hinobagagin o.
Yi mene ti mene niren teli kogo mene omanogo anggele'ma nen he su jubah misik mondok fano mene o Babylonia mene nen itukwa mene ekhe higi, andi nen perak he dua kilogram hak inom, nen emas eil misik setengah kilogram hak inom higi. A'nogo higirik he, nendawinggen ninggemo re, an nen wanhirik he, nawi sabumo kweang a'ma andoma hinakfigi. Nen no perak he mondok fem a'ma hakhogo figimo werego.” iluk isikhe.
Mene re, pogot andi inom, kweang andi inom, hobuk enduba weagetfeigeluk Allah ane andibaat elama faget fisogo logombik he, afuni Allah ebe inabit logolik inobabut weak hilingiri'lagwi mene andi, wene inoba fuluk weagerinafik, kweang pogot weagetfigik, misik sambulat hilingisigeluk eranenat enggi fisogo werego.
ကြော်ငြာတွေ