PENGKHOTBAH 11:8 - Allah Wene Fano Wene Hupla Inane

⁸ Hat hebe umur ekhe inom to'mot hobagagu halok he hai wati logoino. Andiba re hat hebe o kweangma yoma aninurogo logogin mene andi re horok harek hak oba nen, wa'la'luk lagaikharek oba andoma laluk logogin andi nek he mondok aninurogo logogin. Arigini'mo re andoma faget hendawimo eberek logou hak nogo? Mondogat andoma re we alomarogo werek.

PENGKHOTBAH 11:8 ပူးပေါင်းရင်းမြစ်များ

AYUB 10:21

Eil misik wela'luk he an nebe mondogat lagainmo re, nekhengge nambotkwe lagokhogo wesigin lek, o kweangma mondok mum hikhak se'ma andoma lagain.

AYUB 10:22

O hik weak hilingi'mo mondok nong-hongsekma andoma re, o selek werek oba nen he selek a'nogo mum hangge hilingi'mo andoma lagain,” iluk ikhi laga.

AYUB 14:10

A'nogo meneat he, afuni inebe wa'lagunem he, mondok-mondok lek agaikharesik he, koma lagaikha heat longgogarek andi.

AYUB 14:12

afuni inebe wa'lagaikharek he andi higit aro. Andi nen he, wa'lasimbigen hobuk ineluk asugun lego. Pogot lek agi'lek werek kwelek, menlasugun legaro. Nogo ugu were'ma hobuk inelugerinabugun legaro.

AYUB 15:23

sue nazar warek fili ninggerek mene ningginik sambul wa'lasugun iluk nenangot hikhi logolik he, iren waregengge omanogo yin-hunhogo ninggi logogun.

AYUB 18:18

O selek oba omanogo nen at a'nogo silogo o mum oba wulak fisagain, ap ineluk logogun oba omanogo nen at a'nogo hambokhogo hugisagainat.

MAZMUR 49:20

agarek mene ogo re, at andi re ombalak lagaukwaba andoma inombo'ne lambik o mum oba andoma mondok-mondok logogin aro.

PENGKHOTBAH 11:2

Hobuk hit weak mene hinoba asigin hinonggot andi nen he, hinangge yi mene ti mene minggilhigik, amu-amu awingge wogisugunem awi yatarek andi hak fakhaluk inomamerogo hilingiti logoino o.

PENGKHOTBAH 2:15

Andiba an nen wenggelhi logolik, ap morue mene inoba agarek andi re an noba ogo a'nogo hilinglasigin mo re, nendawinggen kagalek andiba ekhe hilingisu lek hak. Andi faget an nen anggikhi logolik hebelagaikharek mene andiba nen hilingisu mene ekhe werek lek higi, iluk anggasigi.

PENGKHOTBAH 2:17

Andi faget he ineluk welagaikharek andi ambisangma an nobaget ekhe werek lek, amu mene ogo legat. Mondogat andoma re we alomarogo hilingi'mo re an he sogoi murok laga-lagi.

PENGKHOTBAH 2:19

Nen ap andi hebelek meneat he kembu mene iluk he sa elurek nogo? Andi hilingik kwelek oba nen he at andi re an nen o kweangma yoma neluk logolik nendawinggen wenggelek oba set kwil kwalhogo hilingiti lagi'mo re, ambisangma agu mene andoma eise asigin. Arigini'mo re a'nogo hilingitu mene andi ogore we alomarogoat.

PENGKHOTBAH 2:26

Allah nen he ap At endawimo fano mene hilingiterek mene a'nogo hebelagaikharek mene inom, elu agarek mene inom, inagaiyek agarek mene inom, wogisikherek. Oba nen he ap weak hilingitarek mene re ineabu wokfuluk inangge ambisangma nen kabokhogo re ap Allah endawimo fano aple hilingitarek mene inoba wogisoageluk hilingfisikherek. Arigini'mo re mondogat andoma re we alomarogo sogoi murok lagaikharek hak hilingik.

PENGKHOTBAH 4:16

Afuni aren ferinarek logoukwe andoma re, aben ogo wenasu elo'lekhogo hilinglasu hak, oba nen at ebe mondogat asi lamo nen he aren hilinginaferek mene omanogo faget ebet haluk he hai wasu lek hak. We eberogo mondogat andoma re alomarogo sogoi murok lagaikharek hak hilingik.

PENGKHOTBAH 4:8

Ap ekhe eisok we misik mene re at againafuri lek, nen agaila'lak ogo legat mene werek. A'nogo werek meneat he aren yabu nek omamerogo hilingirik lagarek andiba angge andoma nen oba homot fikherek lek. Andi nen he aren agaiyek hikhi logolik werek mene a'nogo herakfuluk likhak wulagaisogo hilingiri'lago mene andoma re sa faget hilingirik lagarek nogo? A'nogo hilingitarek mene andoma ogore we alomarogo aro, nen andoma re inoba enggin-fenggin hikhi logolik mondok werek.

PENGKHOTBAH 6:11

Aren ane a'nogo nek ikhi logolik logoumo nen he ane ugu mene omanogo ebe ti faget iluk ambisangma tibu lek hak, nen aren ambisangma ekhe inom hela lek hagat.

PENGKHOTBAH 6:6

Andi re mondok fano, ap eluk werek kwelek enek dua ribu tahun hilingiteba nen oba fanorogo ekhe welaga le'ma andi. Andiba re inebe pirenet he o misik awi lagaikharek he lek nogo?

PENGKHOTBAH 7:14

Andi nen he hat hoba fano mene ekhe agu halok he hagaiyek anggikhi logoino. Oba nen hat enggin mene hoba agu halok he, fano mene inom weak mene inom andoma re Allah nenat wokheri'lago hilingi'mo re honggorasu fuk. Nit afuni re hobuk asigin mene andi re ninggi'nogo hilinglasigin iluk ninonggot welago hilingi'more.

PENGKHOTBAH 8:12

Ap weak enek hilingitarek mene nen weak ero seratus nen hilingirik lagain meneba nen ogore at ebe eluk uanhogo werek. Oba nen he ap Allah faget inailo anggagarek mene halok he ineluk fano inagaiyekhogo nek logogun.

PENGKHOTBAH 8:15

Wene ambisangma elugun warogo re afuni nen he inendawimo inagaiyek enek anggikhi logogun. Andi re at ebe o kweangma yoma logolik, agaiyek amu mene faget ekhe hikhi logogin lek, we inamburu ninggik, inagai ninggik, inagaiyegetik, hilingitarek mene andem enek werek. Eluk Allah nen wogete mene andem oba logolik he, aren hilingiterek mene omanogo oba nen we andem enek hikhi logolik logogin.

PENGKHOTBAH 9:7

Halok he nunggu mene ninggi logolik he hagaiyegeti logoino, nen, hagai anggur amusu ninggi logolik hagaiyekhogoat ninggi logoino. Allah nen a'nogo hilingitu mene faget he enggin anggili'logo lek, oba nen Aren anggikhi logolik he ari fano hilingiri'lago anggikherek.

YEREMIA 13:16

Aren hup agarek mene andi oan lakfei wagi'lek werek kwelek, nen hineisok tom oba tunget figi'lek werek kwelek, o selek faget eberek welagep mene andi Aren agaumhogo mum mene hilingfigi'lek werek kwelek, hit hineisena Tuhan Allah andi legeisogo fikhi logogun halok fano.

YOEL 2:2

Linggene andiba re, mondok mum hikhaksek mene wei imbik, mumeak meneba sebelinarek logogin. Tentara pulue esa logalogo re o hena tomkwe sebelik lagarek andi hak sebelinabigin. Wene a'nogo hilinglasigin andi hangge ekhe hilinglagunem hogorek mondok lek mene. Nen, hobuk ekhe hilinglagunem hikhi logogun mondok legat mene hilinglasigin andi.

MATIUS 22:13

Ane mondok igi'lek kamo isikhemo re, at ap kain enupogot a'nogo amingmingengge mene omanogo mel yagaisasikhe: Ap andi enggi eisok mondok hele homagaisogo re, enda'ma inaik himbirogo li ago le ago welagaikharek oba o mondok mummo andoma wulakfisani o, iluk yagaisasikhe.

YOHANES 12:35

A'nogo yagatukwama, at Yesus nen he, mel yagaisasikhe: ”An nebe selegerinafirek mene a'nogo we endebat ninom logogun o. Halok, at sa nen o hubanggo o mum oba laga halok he, o koma laga lagi he, onggorat lili'logo andi nen he, hit lagunem o mum asinogo iluk, an selegerinafirek mene ninom werek kwelek yaat selek oba laga logoni o.

ULANGAN 32:29

Inendawimo kagalek logoilepma re, yi'nogo hilinglasugun higi, iluk futfeilebo.

YUDAS 1:18

Iren he, wene mel iluk yagahisasukwa andi: ”O wurep kobokhogo logolik he, it afuni ekhe Allah ebe inabit logolik inendawimo nen, yi mene ti mene inendawinggen en nunggunem, namolo, iluk andi meneat weak mondok hilingiti logolik, inane asegen wokhisa wesugun o,” iluk yagahisasukwa andi.