PENGKHOTBAH 11:5 - Allah Wene Fano Wene Hupla Inane

⁵ Hiren sogoi ninggi'nogo wagarek hinonggorat, nen, hemi inalabutmo nen omalik inalue agaikharek andi hinonggorat andi hak, Allah nen yi mene ti mene hilingiterek andi hinonggoraro.

PENGKHOTBAH 11:5 ပူးပေါင်းရင်းမြစ်များ

AYUB 37:23

Nit nineisena Allah andi re eberogo omame hokho mene were'ma re, niren At horokhogo asi la re elo'lek. Aren he higithogo nek hilingitik, katokhogo nek hilingitik, hilingiterek. Aren afuni enggin-fenggin inoba fuluk sebelinarek welagarek mondok lek.

AYUB 38:4

Hat hebe werek kwelek, an nen kweang tik warogo walhasigi nogo a? Hat helu mene andoma hokhorogo werek halok he, an yaganom o.

AYUB 5:9

At Allah nen, elalin mene mondok hokhorogo hilingiri'lago mene andi, niren futfigik, ninenggi wenatik, u re mondok elo'lek. At Omame hokho meneba hilingiri'lago mene andoma re mondok hokho-pokhorogo hilingi'mo re legasu lek hak.

MAZMUR 104:24

Neisena Tuhan, Haren yi mene ti mene elalhigin mene andoma re Hat hendawinggen wenggelek oba nek elalhigin o, Haren yi mene ti mene elalhigin mene omanogo O kweangma mondogat peterek werek.

MAZMUR 40:5

It afuni ekhe Tuhan hoba himbirik logolik, tugwi kembu fogeratarek lek mene inom, it ekhe leget fakhagarek mene nen inebe telinabuageluk inayonggo fagarek lek mene inom, andoma re, hobuk inendawimo inagaiyek asugun o.

MAZMUR 92:5

Haren hilingiti lagen mene andiba re an nendawimo nagaiyek mene hilingnobagali'lago, Haren yi mene ti mene elalhigin mene andiba re an nendawimo nagaiyek mondok agunem, nawuni warikhi lagi.

PENGKHOTBAH 1:13

A'nogo logolik an nen nendawinggen wenggelek meneba futfuluk o kweangma yoma hilinglagarek mene mondogat ero pilingisogo fanorogo yangguligin anggasigi. Allah nen nit hobuk hilinglasugun mene faget fougeratikhe mene andoma re inendawimo mondok weak asu hak mene nek hilingik.

PENGKHOTBAH 1:6

Sogoi funhogo selatan fikhit lagaresigen, andoma kwe nen yunggulogo utara fikhit wasi lagarek, andi nen hobuk kwani-kwani re eroma yinogo kwi wagarek.

PENGKHOTBAH 11:4

Hiren o obabut palhu mondok logogun halok he, sumburu inom, yi mene ti mene inom, awi ekhe yasugun elo'lek. Hobuk ebe tatik, palhik, ugun mondok elo'legaro.

PENGKHOTBAH 3:10

At Allah nenat he, Yi yabu ti yabu set kwil-kwalhogo hilingiti logouwageluk nit afuni ninoba enggin mene wo'nisasikhe iluk an futfikhi lagi o.

PENGKHOTBAH 3:11

At Allah nenat, yi mene ti mene mondogat, O ti sambul ti'nogo hilinglasuwak anggigik, Nen Aren nit hobuk mondok-mondok logogun mene andi nelu logoile, iluk anggikhi logouwageluk hilingninafikhe meneat he, ero ba nen elugun oba Allah hilingiterek mene andoma niren fut fou re mondok elo'legat welagorek andi.

PENGKHOTBAH 7:24

Sa nen eluk ero ari yi'nogo hilingik iluk herasu hak nogo? Andi futfugu aplere mondok elonggoma hilingi'mo re mondogat elo'lek!

PENGKHOTBAH 8:17

Allah nen hilingiterek mene andi re niren ninelu asu lek hak. Niren ninamurururogo herasugun meneba nen ogore futfoumo re elo'lek. Ap hebelek mene nen an nelu iluk fogerakhikherek oba nen he, at ogore onggorengge nen ikherek.

YESAYA 40:28

Tuhan Allah etok mondok welagarek mene a'nogo nen kweang mondogat elalhikhe iluk ugunem, hat honggorengge hesanggo holhi'lek welagen a? At he afe sogou agik, oba lebelek agik ikherek mondok lek, Aren wenggelherek mene andoma re uanhogo wenggelhere'ma re, ap misigen iluk ogo fut foumo re elo'lego.

YOHANES 3:8

Sogoi andi, we, erabisak hesangge fun hugunem he, ane nek hesanggo holhi lagen meneat he, ebe re, koma nen heat weri'logo. Nen koma kwe heat lili'logo. Honggot andi. Andi hak he, afuni Allah Areagun en inebe lombok a'nogoat taginaferego,” iluk yagatikhe.

ROMA 11:33

At Allah oba mene hokhorogo welagik, endawimo mondok kagalek welagik, wene mondok elu welagik, ikherek andi nailo e. Aren wene elugun waterek mene, nit afuni ninelu asugun nogo? Aren yi mene ti mene hilingiterek mene niren futfogoin nogo?