PENGKHOTBAH 10:8 - Allah Wene Fano Wene Hupla Inane

⁸ Ap sa nen kweang habuligin halok, andoma at onggwarek ebeat ubuk igin. Ap sa nen leget fak waganek meneba tungesigin halok, ap andi kisu afuni palinaferek mene nen libiligin.

PENGKHOTBAH 10:8 ပူးပေါင်းရင်းမြစ်များ

2 SAMUEL 17:23

Nen, at Ahitofel a'nogo endawimo nen he, ”An nen wene igi mene hologo hilingiti'lek herakfisaga andi weak higi,” iluk futfesikhesik he, inebe woginarek lagungge wam keledai ambot oba kelogo fesikhesik, ebe oba lagasikhesik he, at onggwarek aiba lagaikhe. Lagaikhesik, yi mene ti mene aren hilingisu mene mondogat arat katokhogo hilingitikhesik, ebe onggwaregen alonggop hele kelogo warasikhemo, at eisena wa'lagaikhemo salhukwaba andoma salhukwa.

2 SAMUEL 18:15

A'nogo hilingfesikhemo at Yoab agoromi tentara mene inebe 10 nen omanogo nen he at Absalom a'nogo yei warogo ebe pinggi wat fesukwa.

ESTER 7:10

Andi yagaisasikhemo re, iren hun Haman a'nogo e hilingik hun Mordekhai warogo fuguba iluk fougetikhe mene a'nogoba paku warogo fei lagaukwa. A'nogo hilingitukwama nek he raja a'mage lagasikhe mene a'nogo lombuk isikhe.

MAZMUR 57:6

Neisena Allah Hat handungdang mondok welagen mene andi re pogoroba mondogat weinamet figik, Nen Hat hanggiluk welagen mene andi re o kweangma yi awi ti awi mondogat weinamet figik in o.

AMSAL 11:6

Afuni higithogo hilingitarek mene re at higithogo hilingisigin andi nen agap teligin, oba nen afuni lalinafarek mene re inendawinggen ninggeresik hilingitarek a'nogoba weagerogo fisagain.

AMSAL 26:27

Ap ekhe nen ap amu mene faget iluk kweang habuligin oba nen, kweang habuli'mo a'nogo onggwarek eisok kobokhogo pigin. Ap ekhe nen helep ap amu mene faget iluk wephogo fagain oba nen, helep a'nogo nen onggwarek tunghogo wasigin.

PENGKHOTBAH 10:9

Ap sa nen yabu helep serelharek oba andoma hilingisigin halok he helep serelogo ebe wasigin. Nen ap sa nen e pelangesigin halok at ongwarek ebe wasu hak hilingisigin.

AMOS 5:19

O andi sambul wei ikhi logolik hilingisigin he, afuni ekhe mene singa inailo nen agaiserogo heise logoin meneba nen, no beruang inom ambi asu hak hilingitik, nen inambotkwe inaiba we'luk inenggi o hobat oba fakhugunem, kisu aigen palinabu hak hilingitik, igin o.

AMOS 9:3

It heise poloksek tom Karmel ungguloba lagambik hina'lasugun mene ogore, An nen it inebe heraginabimbik inebe fakfisagain o. Nen, it inebe i laut yenggelek a'ma ma'lima hina'lasi pugun mene ogore, An nen kisu Naga i laut oba welagarek mene aigen palinabuageluk yagasigin o.

HAKIM–HAKIM 9:5

A'nogo wogisasikhesik, inom he, at eisena aiba o Ofra lagaukwa. Lagaukwasik, ogogwi agoromi inebe 70 nen omanogo helep misik meneba fisasikhesik inoatikhe. A'nogo meneat he, Gideon amlogo elabo mene enu Yotam andi nek ebe hina'lagaikhe andi nen he, at inom inoati'lek.