PENGKHOTBAH 10:2 - Allah Wene Fano Wene Hupla Inane

² Ap hebelek mene nen inendawi werekhogo hilingitu kwelek, ap morue mene nen kwanirek mene hilingitarek andi re hilingisu hak.

PENGKHOTBAH 10:2 ပူးပေါင်းရင်းမြစ်များ

AMSAL 14:8

Ap hebelek mene nen he ninggi'nogo hilingisigin iluk elu werek, oba nen ap kembu mene re at onggwarek kemburek andiba lalogo fakhikherek.

AMSAL 15:7

Ap inendawinggen kagalek mene nen komorinafunem he yi wene ti wene inelu mondok agarek, meneat he, it inobabut kembu mene nen a'nogo ekhe wenggelharek lek.

AMSAL 17:16

Ap kembu mene nen inendawinggen kagalek mene andi herati logolik uang hokhorogo leget fikherek andi re alomarogo hak, meneba nen at andi re fanorogo wenggelhu mene ungguloa'ma lek andi nen hilingiterek.

PENGKHOTBAH 10:10

Henggarok enggat lek kwelek mati lagen lek halok, haren yabu hilingisigiluk he honggwarek homameba fukfakhogo hilingisigin. Oan hilingiti'lek logolik attak-attak he hilingisugun mene fanorogo wenggelogo feino.

PENGKHOTBAH 10:14

Eberogo, ap morue mene nen he ane hokhorogo ili'logo, hobuk logogun oba re nit mondogat faget eil hinago werek. Nit ninebe legasimbik hilingisugun mene faget ap misigen ekhe yi'nogo hilinglasigin iluk u mo re elo'lek.

PENGKHOTBAH 9:10

Afuni inebe wa'la'luk lagaikharek oba andoma re yabu hilingitik, menenei ebetik, yi wene ti wene inelu agik, inendawinggen kagalek mene hilinglagik agarek le'ma andomaat hit logoin andi nen he, hineluk logolik yi yabu ti yabu hinomamerogo hilingiti logoino.

MATIUS 25:33

Tegelinafi logolik he, domba mene halok he, nenggi ebekwe fisigik, nen, kambing mene halok, nenggi harekwe fisigik, igin o.

MATIUS 6:33

Halok he, hineisena Allah nen awe a'ma logolik hilingiti logogun andi faget inom, nen aren, yi'nogo ti'nogo hilingi'no, iluk yagahisugunem hilingiti logogun andi faget inom, esinet fikhi logogun halok, yi mene ti mene andi oba loukhogo wokhisagain aro.

KOLOSE 3:1

At Allah nen he, Kristus eluget fikhi logolik, hit hinomat hineluget hinafikhemo welagep andi nen, yi mene ti mene Kristus ebe pogoroba Allah era'lu enggi ebekwe kainat welagarek oba andoma mene hela louwogeluk, hinomamerogo hilingiti logoino o.