PENGKHOTBAH 1:8 - Allah Wene Fano Wene Hupla Inane

⁸ Mondogat a'nogo hilingiterek mene andoma re inaberali agarek meneat he, afuni nen tindelogo u mene inom he higitsek lek. Nineilenggen kwalogo welagorek oba nen ninoba homotfikherek lek, ninesanggo hologo welagorek oba nen homotninobagaikherek legat.

PENGKHOTBAH 1:8 ပူးပေါင်းရင်းမြစ်များ

MAZMUR 63:5

An nebe neluk logolik he, hat fogethafu mondok welagi o. An nen nenggi hoba liakfuluk, samban hayonggo fikhi lagi o.

AMSAL 27:20

Kweangma ap wa'laluk lagaikharek oba andi inom weagerinaferek mene andi inom he oba homo ikherek lek, andi hakhogore afuni inendawimo inamolo anggagarek mene andi ogore yiba iluk huli warek legat.

PENGKHOTBAH 1:7

I elesi wiliferesik lagarek mene re laut oba nek kwelabi lagarek, oba nen i laut oba andoma re hopo ikherek mondok lek. I a'nogo sugulogo elesimo lagaresik hobuk wilibisogo lagarek.

PENGKHOTBAH 2:11

Oba nen he hobugen an nen penetunemen he, yabu hilingitirek mene omanogo mondogat inom, nenggi ambisangma saburikhi lagi mene omanogo inom, ekhe mene ekhe mene omanogo mondogat elugun warogo hilingitu mene faget inom, andoma mondogat faget futfikhi logolik, a'nogo hilingitirek mene omanogoba ekhe werek le'ma hasigi. Nomamerogo hilingitirek mene omanogo re we alomarogo sogoi murok lagaikharek a'nogo hak werek anggasigi.

PENGKHOTBAH 2:26

Allah nen he ap At endawimo fano mene hilingiterek mene a'nogo hebelagaikharek mene inom, elu agarek mene inom, inagaiyek agarek mene inom, wogisikherek. Oba nen he ap weak hilingitarek mene re ineabu wokfuluk inangge ambisangma nen kabokhogo re ap Allah endawimo fano aple hilingitarek mene inoba wogisoageluk hilingfisikherek. Arigini'mo re mondogat andoma re we alomarogo sogoi murok lagaikharek hak hilingik.

PENGKHOTBAH 4:8

Ap ekhe eisok we misik mene re at againafuri lek, nen agaila'lak ogo legat mene werek. A'nogo werek meneat he aren yabu nek omamerogo hilingirik lagarek andiba angge andoma nen oba homot fikherek lek. Andi nen he aren agaiyek hikhi logolik werek mene a'nogo herakfuluk likhak wulagaisogo hilingiri'lago mene andoma re sa faget hilingirik lagarek nogo? A'nogo hilingitarek mene andoma ogore we alomarogo aro, nen andoma re inoba enggin-fenggin hikhi logolik mondok werek.

PENGKHOTBAH 6:7

Afuni nen yabu hilingitarek andi re nunggu mene faget helagarek, oba nen he inoba homot fisikherek mene ekhe werek lek.

HAGAI 1:9

Hiren he, enggen ugu hokhorogo palogoin iluk hinendawimo ebet-ebet ugunem en he, we endebengge nek palhikhi lagep, a'nogo palaluk hinaiba helaluk waga lagep oba nen he, An nen futhugunem he sogoi en funhogo waluk lili'lago andi. Ninggi'nogo iluk a'nogo hilingiti lagi anggikhi lagep nogo? Andi re, An nawi a'nogo o meisalegenek kabok lagagu kwelek hit hinebe lombogen hinonggwarek hinawi hinebe werekwe omanogo nek wurikhi lagep andiba hilingiti lagi o.

MATIUS 11:28

Hit hinoba enggin-fenggin hikhi logolik set kwil-kwalhogo hilingiti lagep mene andi, an nen hinoba korogo hinobagagin enggere noba we'ni o.

MATIUS 5:6

Nen, afuni sumburu inom, i inom, nele anggagarek hak, Allah endawimo anggikherek mene esinet fuluk hilingisu inamolo mene andi, sumburu inalabut ninghogo nenggarek hak, hobuk Allah nen inendawimo fanorogo ebe mene wogisagain andi nen he, inendawimo inagaiyek hikhi logouwak.