PENGKHOTBAH 1:3 - Allah Wene Fano Wene Hupla Inane

³ Nit nineluk uanhogo logolik yabu likhak warogo hilingiti lagoba nen he ebe nit hilingiti lago mene a'nogo ambisangma enggen ki mene i'lagarek nogo?

PENGKHOTBAH 1:3 ပူးပေါင်းရင်းမြစ်များ

PENGKHOTBAH 2:11

Oba nen he hobugen an nen penetunemen he, yabu hilingitirek mene omanogo mondogat inom, nenggi ambisangma saburikhi lagi mene omanogo inom, ekhe mene ekhe mene omanogo mondogat elugun warogo hilingitu mene faget inom, andoma mondogat faget futfikhi logolik, a'nogo hilingitirek mene omanogoba ekhe werek le'ma hasigi. Nomamerogo hilingitirek mene omanogo re we alomarogo sogoi murok lagaikharek a'nogo hak werek anggasigi.

PENGKHOTBAH 2:18

Yi yabu-ti yabu hokhorogo hilingiti lagi mene andoma an nen ap an nobali'mo menlasigin meneba fugungge hilingi'mo re, an nen ikhi lagi mene andomaba ambisangma an fano hilingnobagagin mene ekhe werek mondok lek.

PENGKHOTBAH 2:19

Nen ap andi hebelek meneat he kembu mene iluk he sa elurek nogo? Andi hilingik kwelek oba nen he at andi re an nen o kweangma yoma neluk logolik nendawinggen wenggelek oba set kwil kwalhogo hilingiti lagi'mo re, ambisangma agu mene andoma eise asigin. Arigini'mo re a'nogo hilingitu mene andi ogore we alomarogoat.

PENGKHOTBAH 2:22

Afuni inelu werek andem oba inukhogo kweangma yoma logolik yabu hokho mene hilingiti logolik enggin mene ogo hikhi logogunat. A'nogo hilingiti la'lugen enggi ambisangma yi iluk wonoget fakha hak nogo?

PENGKHOTBAH 3:9

Nen, niren yabu ebe set kwil-kwalhogo hilingitorek mene ambisangma re nena mene saburogorek nogo?

PENGKHOTBAH 4:3

Oba nen he it ap oan ta'lagi'lek mene andoma nek he o kweangma yoma weak agarek mene andoma higi'lek andi nen he, andi faget inagaiyek werek anggikhi lagi.

PENGKHOTBAH 4:7

Nineluk yiba we alomarogo werek mene re ekhe weregat.

PENGKHOTBAH 5:16

Nit nineluk logolik oba re, mum hikhaksekwe yafak tafak laga logolik, ninendawinggen fitik, ninobaharo agik, ninendawimo ou higik, ogorek andi.

PENGKHOTBAH 5:18

Ap ekhe angge Allah nen wogeterek meneba enggi werek agunem helikhi logolik, at enggi werek a'nogo asuageluk wogetunem helikhi logolik andi re, at oba hilingfikhe mene andi faget Allah hai wati logogin. Andi ogore Allah nenat wogisikherek.

PENGKHOTBAH 6:12

Nit ninebe we eilhorogat logolik ebe ambisangma legengge faget were'ma nen we inafumak palogo lagarek hak lagarek mene andomaba re ebe ti mene iluk ninggi'nogo inelu asu hak nogo? Nen, at ebe lek agu kwelek hobuk o kweangma yoma asigin mene ninggi'nogo elu asu hak nogo?

PENGKHOTBAH 7:11

Ap ineluk logolik inendawinggen kagalogo logogun fano. Isnendawinggen kagalek mene andi re inalolegengge helagarek andi emberek higit.

PENGKHOTBAH 9:13

Ombo'ne yi ogore walhogo wene misik ekhe ebe fi-furogo afuni hebelagaikharek mene andi omame werek anggigi mene faget he yi'nogo.

PENGKHOTBAH 9:3

Arigini'mo re inebe mondogat he obabut higithogo nek inoba fagain, nen o kweangma yoma yi'nogo ti'nogo hilinglagarek mene omanogoba nen inendawinggen mondogat heiselek mene re andi nek werek. At ebe eluk logolik oba re weak mene omanogo endawinggenma peterogo welagik, wenggelherek mene agore kemburogo nek ebethaluk igik, ikherek. A'nogo hilingitila'luk ferekhogo aremnogoat at ebe wa'lagarek.

PENGKHOTBAH 9:6

Endawi hundik mene inom, a'mage lagaikherek mene inom, endawinggen ninggerek mene inom, andoma mondogat he at ebe inom mondok-mondok wa'lasigin. O kweangma yoma hilinglari'lago mene oma aren hilingisu mene ekhe logogin lek.

YESAYA 55:2

Yi mene ti mene hinoba homot hinobagaikherek lek mene faget huniti lagep andoma re ninggi nogoluk nogo? Nen hinoba homothinobagaikherek lek mene faget yabu hilingirik hobalik laga lagep andoma re nenahalok nogo? An nen hilingi'ni iluk yagahisikhi lagi mene andi higithogo hilingisugun halok, hiren fano mene nek ninggi logogun o, nen enduk fano fanonggeba isagongge ninggi logogunat.

HABAKUK 2:13

Afuni inunggulenu lombok hiren sebelogo fisasigip mene andi, wiik-weakhogo wutukwa mene endu ninggik, set awi kwil-kwalhogo hilingiti lagaukwa mene alomat lakhigik, igin andi re, Tuhan yi mene ti mene hilingiteregenek mene a'nogo nen endawimo anggikhebaat hilinglasigin o.

HABAKUK 2:18

Hineranen e mene pugunhogo agauwak hilingisogo fuluk, ”Nineisena, ebe yi aro” iluk ikhi lagep andi nenahalok? We, tulemaro. Andi mene nen ebe wene yagahisikherek nogo? Lalhinaferek mene o. Ane mondok lek meneat he, hiren ebe pugunhogo afe halogo hilingfuluk tulemat oba himbirik welagep andi.

MATIUS 16:26

Ap sa nen yi mene ti mene kweangma mene mondogat eise asigin meneat he, hobuk ebe eluk faget nong asigin halok, aren he, ”An ekhe elok saburogo fakhigi ugun nogo?” Mondok lego. Ebe nong asigin andi obali'mo re, nena mene oba oasigin nogo. Elo'lego.

YOHANES 6:27

Sumburu fili asimbik lek asigin mene faget yabu hilingiti logou fugo. Athe, sumburu mondok logogin mene ninggi logolik, ineluk mondok logogun mene andi, an nenat wokhisikhi logouwageluk neisena nen nayonggo fuluk laknobagai wagaikhemo, abat ta'lasi wagagi andi faget yabu hilingiti logoni,” iluk yagaisasikhe.

1 KORINTUS 16:16

It inobabut hangge it ekhe inom ninghogoat hilingitu halok he, mondogat inawe a'ma kuluk inane hologo logoino o.