PENGKHOTBAH 1:2 - Allah Wene Fano Wene Hupla Inane

² Hun wene wenggelfuluk ikherek mene andi nen yi'nogo isikhe: Mondogat omare we elalinat, alomarogo werek! Ineluk welagaikharek andi re ero le'ma we alomarogo werek isikhe.

PENGKHOTBAH 1:2 ပူးပေါင်းရင်းမြစ်များ

AYUB 11:12

Wam keledai maro mene agaisa nen eak eil kuluk mene tasumo nek he, ap kembu mene ogo hebelek mene asu hak.

MAZMUR 144:4

Afuni andi re sogoi misigam furogo lagarek andi hangge, nen inafumagengge palogo lagarek andi hakhogo inebe a'nogo werek.

MAZMUR 89:47

Neisena Tuhan, henggi miren oba hinago logombigen weinam asigin nogo? Hat ha'mage endu amulok lagaikherek hangge lagali'lago mene andi henggi miren hak logombigen lek asigin nogo? Neisena.

PENGKHOTBAH 11:10

Hat hebe souge logolik welagen oba andem he we eil misigat logombik legasigin, enggere hendawi fiti lagen mene andi inom, hoba enggin hikhi lagen mene andoma inom mugusogo wulak fisikhi logoino o, namlogo.

PENGKHOTBAH 11:8

Hat hebe umur ekhe inom to'mot hobagagu halok he hai wati logoino. Andiba re hat hebe o kweangma yoma aninurogo logogin mene andi re horok harek hak oba nen, wa'la'luk lagaikharek oba andoma laluk logogin andi nek he mondok aninurogo logogin. Arigini'mo re andoma faget hendawimo eberek logou hak nogo? Mondogat andoma re we alomarogo werek.

PENGKHOTBAH 12:8

An nendawinggen kagalek mene nen he, Yi mene ti mene mondogat andoma re we elama faget alomarogo welagarek, iluk igi andi,” iluk isikhe.

PENGKHOTBAH 2:11

Oba nen he hobugen an nen penetunemen he, yabu hilingitirek mene omanogo mondogat inom, nenggi ambisangma saburikhi lagi mene omanogo inom, ekhe mene ekhe mene omanogo mondogat elugun warogo hilingitu mene faget inom, andoma mondogat faget futfikhi logolik, a'nogo hilingitirek mene omanogoba ekhe werek le'ma hasigi. Nomamerogo hilingitirek mene omanogo re we alomarogo sogoi murok lagaikharek a'nogo hak werek anggasigi.

PENGKHOTBAH 2:15

Andiba an nen wenggelhi logolik, ap morue mene inoba agarek andi re an noba ogo a'nogo hilinglasigin mo re, nendawinggen kagalek andiba ekhe hilingisu lek hak. Andi faget an nen anggikhi logolik hebelagaikharek mene andiba nen hilingisu mene ekhe werek lek higi, iluk anggasigi.

PENGKHOTBAH 2:17

Andi faget he ineluk welagaikharek andi ambisangma an nobaget ekhe werek lek, amu mene ogo legat. Mondogat andoma re we alomarogo hilingi'mo re an he sogoi murok laga-lagi.

PENGKHOTBAH 2:19

Nen ap andi hebelek meneat he kembu mene iluk he sa elurek nogo? Andi hilingik kwelek oba nen he at andi re an nen o kweangma yoma neluk logolik nendawinggen wenggelek oba set kwil kwalhogo hilingiti lagi'mo re, ambisangma agu mene andoma eise asigin. Arigini'mo re a'nogo hilingitu mene andi ogore we alomarogoat.

PENGKHOTBAH 2:21

Afuni nen yabu hilingisuogeluk wenggelek mene a'nogoba inom, elu mene a'nogoba inom, inenggi pugunsek meneba inom, yabu ambisangma ekhe mene helagain iluk hilingitarek. Oba nen ambisangma nen he aren angge yi mene ti mene omanogo herakfuluk wulibigin halok, yi mene ti mene enggi ambisangma mene omanogo ap ekhe we likhak wati'lek mene a'nogo eiserogo hilinglasigin. Arigini'more andi ogore alomarogoat, mondogat elo'lek.

PENGKHOTBAH 2:23

At eluk logolik ninggi'nogo hilingisigin meneba, oba enggin mene inom, endawimo ou mene inom kwikherek. O hubanggo meneba nen ogore inendawimo wenggelhi logolik he fenggek-fenggek enek ikherek. Arigini'mo re mondogat andoma re we alomarogo nek hilingik.

PENGKHOTBAH 2:26

Allah nen he ap At endawimo fano mene hilingiterek mene a'nogo hebelagaikharek mene inom, elu agarek mene inom, inagaiyek agarek mene inom, wogisikherek. Oba nen he ap weak hilingitarek mene re ineabu wokfuluk inangge ambisangma nen kabokhogo re ap Allah endawimo fano aple hilingitarek mene inoba wogisoageluk hilingfisikherek. Arigini'mo re mondogat andoma re we alomarogo sogoi murok lagaikharek hak hilingik.

PENGKHOTBAH 2:8

An nen perak, emas inom hokhorogo, it ap raja-raja werekwe o an nen ferinarek welagikwe omanogo lagunem nendawi fanorogo iluk wo'neti lagaukwa mene inom, kaboget fesigi. Nen, it alage yenggerugwi nen inom helime yenggerugwi nen inom wuni watu mene omanogo ba re an nagaiyek mene hilingnobagakhi lagaukwa. Nagagwi namingmingengge mene an nendawimo namolo anggigirek mene hokhorogoat welagaukwa.

PENGKHOTBAH 3:19

Nit, wam, sue, paik, ninom higirat hilinglagorek. Nineluk, we, welagoresik he, nit afuni wa'lagik, it wam, sue paik wa'lagik, ninom wa'lagoregenek. Nit afuni ekhe saburogorek mondok lek. Ninom higithogoat, we, tulemat nineluk welagoresik wa'lagoregenek andi.

PENGKHOTBAH 4:16

Afuni aren ferinarek logoukwe andoma re, aben ogo wenasu elo'lekhogo hilinglasu hak, oba nen at ebe mondogat asi lamo nen he aren hilinginaferek mene omanogo faget ebet haluk he hai wasu lek hak. We eberogo mondogat andoma re alomarogo sogoi murok lagaikharek hak hilingik.

PENGKHOTBAH 4:4

An nen ekhe nelu mene re yi: It afuni nen yabu inomamerogo wanharek andi re it inom siok erarek mene andoma ineabu ambisangma weregen ina'ma weagen hilingitarek. Andi re we sogoi murok lagaikharek hak alomarogo hilingitarek.

PENGKHOTBAH 4:8

Ap ekhe eisok we misik mene re at againafuri lek, nen agaila'lak ogo legat mene werek. A'nogo werek meneat he aren yabu nek omamerogo hilingirik lagarek andiba angge andoma nen oba homot fikherek lek. Andi nen he aren agaiyek hikhi logolik werek mene a'nogo herakfuluk likhak wulagaisogo hilingiri'lago mene andoma re sa faget hilingirik lagarek nogo? A'nogo hilingitarek mene andoma ogore we alomarogo aro, nen andoma re inoba enggin-fenggin hikhi logolik mondok werek.

PENGKHOTBAH 5:10

Ap ekhe angge yi mene ti mene ekhe inom hokho agunem he, at oba ap pok ogo ekhe inomat hokhorogo oba wagunem wogisikherek. A'nogo wogisikheresik at onggwarek faget fakha mene re lek agarek, we an nenggi werek welagi a'nogo iluk enek elu welagarek.

PENGKHOTBAH 6:11

Aren ane a'nogo nek ikhi logolik logoumo nen he ane ugu mene omanogo ebe ti faget iluk ambisangma tibu lek hak, nen aren ambisangma ekhe inom hela lek hagat.

ROMA 8:20

Pogot kweang yi mene ti mene mondogat abisak alemarogo logoigeluk anggasikhesik, alomat lagaikhesik welagarek fuk. At Allah nen he, ”Hobuk fanot feigeluk he, elama faget a'nogo logouwak,” iluk endawimo anggasikheba welagarego.