PENGKHOTBAH 1:16 - Allah Wene Fano Wene Hupla Inane

¹⁶ An nen anggikhi logolik,” An enek he esin hangge, nendawinggen kagalek nagun welagi, nen an nelu welagi mene andoma mondogat he ap raja an oan menlagi'le'ma o Yerusalem oba menlagaukwasik ferinarek welagaukwa mene andoma mondok sebelek kwelek an enek he esin nagun welagi,” anggigirek. An he yi wene ti wene inelu agaikharek mene andi mondogat andogorigi anggigirek.

PENGKHOTBAH 1:16 ပူးပေါင်းရင်းမြစ်များ

1RAJA-RAJA 10:7

An attagat habok a'nogo holhi logolik he, eberogoat, iluk neilenggen tomok higirik he, eberogoat iluk futhobagagi o. A'nogo futhobagagirik, an nen hat habok ekhe nesanggo holhi lagi lek mene ekhe neilenggen eberogoat higi aro. Hat hendawinggen mondok kagalek, hangge yi mene ti mene mondok hokhorogo meneat he, an hat habok yaganetunem nesanggo holhi lagimo re, we, endebat enek holhi lagimo o.

1RAJA-RAJA 4:30

O kweang mo lagai wagarek fikhit andomaba ogo nen o Mesir en ogore ap misik ogo Salomo enggat agun welagaikhe andi hakhogo ekhe welagaukwa mondok lek.

1RAJA-RAJA 5:9

Andi mondogat fouget fembik halok he an nagoromi nen e ebe waluk o Libanon nen he i laut yenggele'ma andoma pi wesugun. Pi wesimbik andoma nen he e ebe heleba erarogo homak fembik i esanggokwe nen he haren o andem waluk we'no igin oba andoma waluk wesugun o. Nen, andoma nen he hele fikhalogore hat agoromi mene nen waluk loageluk inenggimot fisagain. Waluk wagu halok he haren he afuni an nawi silimo yoma werek mene inamburu ninggi logogun mene faget fougeti logoinogen iluk yagaheti,” iluk isikhemo yagasi lagaukwa.

2 RAJA-RAJA 5:20

at Gehasi Elisa amingmingengge a'nogo endawimo nen he, ”Ah, an noe nen, Naaman yagati logolik, onggo wo'nesigin lek, iluk herakfisikhemo laga andi nenahalok? Ap Siria mene andi nen onggo an noe wogosumo wanu re, elok meneat herakfisikhe andi ri! Nineisena Tuhan Eluk Mondok welagarek mene a'nogo oak. At Naaman nen yi mene ti mene ekhe an wo'nesuagen he, an ombo'ne humusek murok lagain,” iluk anggasikhe.

2 TAWARIKH 2:12

At Allah nen hun Daud amlogo obabut mondok hibilik hebelek mene ungguloak kagalek mene wogete andi nen he, yogondak aren O Tuhan Awi a'nogo inom, nen at onggwarek ebe werek oba istana misik ekhe inom wusigiluk ili'lago andi nen he, it afuni Israel mene ineisena Tuhan Allah pogot kweang elalhikhe mene andi nek fogerati logogun o!

MAZMUR 4:4

Hit he hinelurogo logoino o, Tuhan nen At onggwarek faget, ap Aren endawi hundik anggikherek mene ekhe wenagaisogo fakhasikhe. Nen, an nen At oba nane yagatu halok he, At Tuhan nen esanggo holnaferek.

MAZMUR 77:6

An nen he, nenggi attak welagagi mene omanogo wenggel hikhi logolik he, tahun attak hilinglaga lagaikhe mene omanogo faget ebetik, menenei wenggelhik, hilingitu mondok welagi o.

PENGKHOTBAH 2:1

An nen wene kagalogo wenggelhi logolik fanot fakhagain anggigik, nen ekhe fano mene nelu asuagaluk murok lagain iluk ebetik, ikhi lagiba nen he, andi ogore alomarogoat hilingiti lagi.

PENGKHOTBAH 2:15

Andiba an nen wenggelhi logolik, ap morue mene inoba agarek andi re an noba ogo a'nogo hilinglasigin mo re, nendawinggen kagalek andiba ekhe hilingisu lek hak. Andi faget an nen anggikhi logolik hebelagaikharek mene andiba nen hilingisu mene ekhe werek lek higi, iluk anggasigi.

PENGKHOTBAH 2:9

Ibi eberogo nen it ekhe o Yerusalem welagaikha inap andoma re sebelek hak werek kwelek an enek he ap hokho nagun welagi, nen wenggelek mene andi inelu mene re we an nami namuat welagi.

PENGKHOTBAH 3:17

An nendawimo nen he At Allah nen, o andi sambul ti'nogo hilinglasuak, iluk anggikherek obaat hilinglagarek, andi nen he afuni inobabut higithogo hilingitarek mene inom, weak hilingitarek mene inom, inebe lombok hobuk wene inoba figik, kotik, igin, anggikhi lagi o.

YEREMIA 22:14

Nen, ap ekhe nen ikhi logolik, ”An nen o istana hokho mene ekhe wutfembik o henambo ambolkwe po'lima meneba re elonggo wogologo senggelhigik wusigin, iluk aren o istana a'nogo e laik o Libanon meneba fanorogo kiathigik jendela folelogo wutfuluk amusu mep mene watfeni o, iluk agarek mene andoma re alomat lakhikhi loguwak.

DANIEL 4:30

mel igi: ”O kota Babel yi, egi, nailo e. Ninghogo wurik engge yi ambi! iluk An nebe nalong welagirek mene a'nogo inom, nomame hokho logolik, an nenggiba ferinarek welagirek mene a'nogo inom, nanggiluk hokho were'ma fogetnafarek a'nogo inom enek asuageluk an nen o Babel ari ibu kota logouwageluk wuti mene lek nogo?” iluk igi.

IBRANI 5:14

Mene re, it inaluendek enek he, inendawinggen arat wurik agaikha andi nen he, wene yi weak, yi fano, iluk penesu inelu andi nen sumburu haro mene andi re it inamburu o.