PENGKHOTBAH 1:13 - Allah Wene Fano Wene Hupla Inane

¹³ A'nogo logolik an nen nendawinggen wenggelek meneba futfuluk o kweangma yoma hilinglagarek mene mondogat ero pilingisogo fanorogo yangguligin anggasigi. Allah nen nit hobuk hilinglasugun mene faget fougeratikhe mene andoma re inendawimo mondok weak asu hak mene nek hilingik.

PENGKHOTBAH 1:13 ပူးပေါင်းရင်းမြစ်များ

KEJADIAN 3:19

Nen, hat hebe kweang mene fanorogo hilingisogo elalhafi andi nen, kweangma yi mene ti mene awi fulelhi logouwageluk yabu likhak yugulogo, set kwil-kwalhogo hilingiti logombik, hebe wa'lasimbik hambotkwe kweang asigin o,” iluk yagatikhe.

AYUB 28:3

O hik kiruang tengse'ma oba nen ogore elok ku hagenek, nen obalik mondok woluelerogo hilingik oba nen ogore ineilenggen kogoluogeluk kwili'lagwiat. Elonggoma mondok mum se'ma andoma ogore aben helebenggen herasi kwagaregat.

MAZMUR 111:2

At Tuhan nen hilingiterek mene andoma eberogo nen he enggin mondok hokho mene hilingitere'ma re afuni inendawimo inagaiyek werek mene nek he fifurogo pilingiti logoumo re higiro.

AMSAL 18:1

Ap ekhe nen it ekhe inale'ma herakfisaluk wulibi lagasik werek halok at onggwarek faget enek anggikherek, nen it ekhe inane re sagalogo herakfisikherek.

AMSAL 18:15

Ap inungguloak kagalek mene nen he yi wene ti wene ekhe inom inelu asuageluk i nelerinafunem hangge hilinginaferek, ap hebelek mene nen yagaisili'lagwi mene andi re hundik yaganisikhi logoilep anggagarek.

AMSAL 23:26

Namlogo e! Hendawinggen oba nen an hilingitirek mene fanorogo futfuluk, an nobabut waganogo hilingiti logoino.

AMSAL 25:2

Allah legeisogo fagarek andi re Aren yi wene ti wene hinagaisogo fisogo welagarek andiba, nen raja legeisogo fagarek andi re aren yi wene ti wene inendawimo kagalogo yagaisikherek andiba o.

AMSAL 4:7

Wene ebe esin mene attak-attak haren hilingiti logogin mene re yi'nogo: Hafe hibil hebelhogo logolik homamerogo hilingiti logoino. Haren amu mene faget ekhe mu'luk laga logogin oba nen he, ebe tukum hogore yi wene ti wene futfuluk hilingitarek mene andi helagain iluk homamerogo mu'luk laga logogin fano.

PENGKHOTBAH 1:17

Andiba re an nen anggikhi logolik afuni hebelagaikharek andi inom, kembu agaikharek andi inom, nen inendawinggen wenggelek welagaikharek andi inom, sogourek welagaikharek andi inom agaumsek oba nen hilingik mene andoma nelu asuageluk herasigin anggasigi. Oba nen hobuk eberik-eberigen he an yire sogoi murok lagaikharek hak hilingiti lagi higi, iluk futfesigi.

PENGKHOTBAH 11:5

Hiren sogoi ninggi'nogo wagarek hinonggorat, nen, hemi inalabutmo nen omalik inalue agaikharek andi hinonggorat andi hak, Allah nen yi mene ti mene hilingiterek andi hinonggoraro.

PENGKHOTBAH 12:12

Namlogo e. Wene misik fanorogo futfagain mene re yi! Buku hokho pokhorogo palharek andoma re wurep kobok u lek hak, hokhorogo yangguliluk wanharek mene andoma ogore inebe inomame li'lekhogoat hilingitarek.

PENGKHOTBAH 2:23

At eluk logolik ninggi'nogo hilingisigin meneba, oba enggin mene inom, endawimo ou mene inom kwikherek. O hubanggo meneba nen ogore inendawimo wenggelhi logolik he fenggek-fenggek enek ikherek. Arigini'mo re mondogat andoma re we alomarogo nek hilingik.

PENGKHOTBAH 2:26

Allah nen he ap At endawimo fano mene hilingiterek mene a'nogo hebelagaikharek mene inom, elu agarek mene inom, inagaiyek agarek mene inom, wogisikherek. Oba nen he ap weak hilingitarek mene re ineabu wokfuluk inangge ambisangma nen kabokhogo re ap Allah endawimo fano aple hilingitarek mene inoba wogisoageluk hilingfisikherek. Arigini'mo re mondogat andoma re we alomarogo sogoi murok lagaikharek hak hilingik.

PENGKHOTBAH 3:10

At Allah nenat he, Yi yabu ti yabu set kwil-kwalhogo hilingiti logouwageluk nit afuni ninoba enggin mene wo'nisasikhe iluk an futfikhi lagi o.

PENGKHOTBAH 3:11

At Allah nenat, yi mene ti mene mondogat, O ti sambul ti'nogo hilinglasuwak anggigik, Nen Aren nit hobuk mondok-mondok logogun mene andi nelu logoile, iluk anggikhi logouwageluk hilingninafikhe meneat he, ero ba nen elugun oba Allah hilingiterek mene andoma niren fut fou re mondok elo'legat welagorek andi.

PENGKHOTBAH 4:4

An nen ekhe nelu mene re yi: It afuni nen yabu inomamerogo wanharek andi re it inom siok erarek mene andoma ineabu ambisangma weregen ina'ma weagen hilingitarek. Andi re we sogoi murok lagaikharek hak alomarogo hilingitarek.

PENGKHOTBAH 4:8

Ap ekhe eisok we misik mene re at againafuri lek, nen agaila'lak ogo legat mene werek. A'nogo werek meneat he aren yabu nek omamerogo hilingirik lagarek andiba angge andoma nen oba homot fikherek lek. Andi nen he aren agaiyek hikhi logolik werek mene a'nogo herakfuluk likhak wulagaisogo hilingiri'lago mene andoma re sa faget hilingirik lagarek nogo? A'nogo hilingitarek mene andoma ogore we alomarogo aro, nen andoma re inoba enggin-fenggin hikhi logolik mondok werek.

PENGKHOTBAH 7:25

Oba nen an nen nelu asuageluk heratik, andomokhogo yanggulhik hilingiti lagi. Inendawinggen kagalek mene andi heligik, heinok woginafarek mene onggo igik ikhi logoiyogen iluk hilingiti lagi. An nen nelu meneba walhikhi logolik, weak andi re kembu agaikharek he andi, nen ina'mageba hilingitarek andi re hilingisigin iluk ninghogoat hilingitarek he andi aro.

PENGKHOTBAH 8:9

Mondogat andoma re an nen o kweangma yoma hilinglagarek mene higirik futfigi. Ekhe sambul he ap omame werek mene nen it ekhe agaila'lak mene omanogo weaget fisagain iluk omameba alomat fisikhi laga.

1 TIMOTIUS 4:15

It afuni mondogaren hat hobabut palhi logolik he, ”At Timotius attak fano hilingiti lagasik yogondak fano mondogat hilingiri'logo,” iluk enegat futhobagauwageluk, wene yagaheti mene andi mondogat hendawinggenma fakhambik hilingitu mondok logoino.