NEHEMIA 9:38 - Allah Wene Fano Wene Hupla Inane

³⁸ Allah ayonggo a'nogo fesukwasik he, iren mel isukwa: ”Nit afuni Israel mene nen, yi'nogo hilingiti logouwok, iluk lisu palogo fogosik he, ninogogwi fetninarek werek mene inom, ap Lewi mene inom, Allah eisewerek mene ekhe inom, en inenggi amusu fouwageluk yagaisogoma inenggi amusu mondogat faga andi,” iluk isukwa.

NEHEMIA 9:38 ပူးပေါင်းရင်းမြစ်များ

2 TAWARIKH 23:16

A'nogo hilingitukwasik he at imam Yoyada nen he, it afuni holhu mene omanogo inom, at raja Yoas a'nogo inom, at ebe inomen he,” Nit Tuhan againafuri a'luk logouwogo,” iluk wene watukwa.

2 TAWARIKH 29:10

A'nogo hilinglagaikhe andi nen he, yogondak he At Tuhan Allah nen nit ninoba ekhe inom a'mage fei nogo re, an nen hit afuni Israel mene ineisena Tuhan Allah a'nogo inom wene wati lagi yi.

EZRA 10:3

Nit he haren komo wene yaganisagain mene inom, it Allah wene melalek yaganisugu mene a'nogo esinet fuluk hilingitu inaben inom, komotninabugun mene andoma niren higithogo nek hilingitik, At Allah nen wene melalek yi'nogo hilingi'no ti'nogo hilingi'no iluk werek mene a'nogo hologo hilingitik, hilingisugun en he, hemi andoma ineagwi inomat mugusogo wilaginabugun iluk Allah elokhoma nen hombuk paluok.

NEHEMIA 10:1

A'nogo agama it ap andem inenggi amusu faga mene attak he Gubernur Nehemia hun Hakhalya amlogo a'nogo tak fikhe. Nen at ombo'ne re hun Zedekia, It andem inombo'ne inenggi amusu fesukwa mene a'nogo inenu re yi:

NEHEMIA 10:29

”Ninebe mondogat ninogogwi kaindek ninom lambukhogo logolik Allah enu hombuk palogo mel ogo: Allah nen komotninafikhe wene, at amingmingengge Musa yagatikhemo aren yaganisasikhe wene andi hologo higithogo hilingiti logogun. ”Yi'nogo hilingiti logogun,” iluk Allah enu hombuk palogo ogo andi hilingiti'lek halok, Allah nen homan ninobagauwago. Nineisena Allah nen, yi'nogo hilingi'no ti'nogo hilingi'no, iluk komotninafikhe wene andi mondogat hologo higithogo hilingiti logogun, iluk at enu hombuk palogo ogo andi,” iluk isukwa.

YESAYA 44:5

Ap inebe misik-misigen nit At mene welago iluk inaneba fakhogo ugun, nen it inebe wesimbik he at Yakub ombawi inom misi'mo sebesi wesugun. It inebe lombok inenggiba re: Tuhan mene iluk palek logogin, Nen inonggwaregen ikhi logolik, nit he Allah againafuri welago ikhi logogun o,” iluk ikhe isikhe.

MATIUS 27:66

A'nogo yagaisasikhemo, it omanogo woginarek wagaukwasik he, afuni nen he kwe husinogo iluk he, warek salek oba kwe helep te'merogo fesukwa a'nogo oba silo fagarek andi hak amusu watfuluk, it ap kagalek logogun mene omanogo kagalek logouwageluk fisaluk lagaukwa.