NEHEMIA 9:37 - Allah Wene Fano Wene Hupla Inane

³⁷ Nit weak hilingiti lago mene andi faget wene ninoba fou hak it ap ekhe mene inogogwi raja fetninarek logouwagaluk menfisugunem fetninarek were'ma, yi mene ti mene yago mene ebe tatik, palhik, ugunem, it inane ninghogo, nit ninobaget ninobagakhi logoino, iluk ugunem fisikhi lago. Iren fetninarek logolik he, ninebe inom, ninanggo inom, yigit feni, tigit feni, iluk inonggwarek inendawimo nen anggaluk hilingninabi'lagwi andi. Andi nen he, nit yogondak weak mondok logolik, yi enggin ti enggin hikhi lago, neisena,” iluk ayonggo fesukwa.

NEHEMIA 9:37 ပူးပေါင်းရင်းမြစ်များ

EZRA 4:13

Nen, iren kota andi arat wuta halok inom nen leget pa'leget andi ogo mondogat hunita halok inom hea, it afuni andi nen kweang onggo fugu mene a'nogo ninabit iluk fei waga logogun lek logou hak, nen a'nogo hilingisumo nen he uang kerajaan yiba kwi weri'lago mene andi, endep asigin logou aplerek.

EZRA 6:8

Andi nen he, nagaila'lak. An wene ekhe yi yagahisak. Iren ineisena Tuhan Allah Awi wuri'lagwi andi faget, hiren yi'nogo leberisikhi logoino. O andi wusuageluk uang mondogat he it afuni Propinsi Efrat mo ubuk ikherek fikhit mene nen kweang onggo iluk negara faget fugu mene andoma mene waganogo re, it afuni andoma inoba aninurogo fakfuluk welagi'lek, weak-weak wogisikhi logoino.

EZRA 7:24

A'nogo hilingiti logolik, hiren uang pemerintah faget kinorogo wanhi logolik, it ap imam inom, Lewi mene inom, Wuniba Allah fogerati lagep mene inom, Allah awi wuri'mo kwe ambe pale'ma kagalek welagep mene inom, Allah awi wuri'mo yabu hilingiti lagep mene inom, nen it afuni ekhe Allah awi andi faget hilingitarek mene inom, it andoma inoba kino yagaisogoin mondok lego, iluk yagaisigi.

NEHEMIA 5:8

Kabogetugusik an nen yagaisikhi logolik he, ”Afuni Yahudi mene inebe it ap inunggulenu pok meneba onggo palinafi lagaukwa mene omanogo niren ninomamerogo lologo wulaginabik lagagu. Oba nen he yogondak he hirogo Yahudi hinap oba nen, he hiren he it inebe onggo huninabuogeluk hinane mondok ninghogo yagaisikhi lagep!” iluk yagaisasigi. A'nogo yagaisasigimo re inogogwi melalinafi lagaukwa mene omanogo re inane endephogo iluk ekhe isukwa lek.

RATAPAN 5:5

Nit he wam hangge enu gerbau oba hilingitarek hak yabu enggin mene hilingisuageluk yaganisili'lagwi, nit ninomame lek a'luk ninoba lebelek ari'lagoba nen set waroageluk yaganisili'lagwi lek.

IMAMAT 26:17

An nen hit wene hinoba foumo, ap hinaselei mene nen hit hinomame leget fuluk it hinabit anggikhi lagep mene nen hit sebelhinarek logogun. Ap mukhinarek wagu mene lek kwelek oba nen hinailo nek a'luk heise wulifi logogun.

YOHANES 8:33

iren he, mel yagatukwa: ”Nit he, ap Abraham en tagongge mene andi nen he, ninebe afuni ekhe inamingmingengge agi'lek mene nek welago. Meneat he, haren ikhi logolik, hinebe hele fikhalogo hinale'ma hinobagagin o, iluk egen andi re, hendawimo ninggi'nogo anggegendigen egen,” iluk yagatukwama,

ULANGAN 28:33

Afuni inunggulenu pok mene nen hineabu hinomame lekhogo wokfuluk enggen palhu mene omanogo helugunem he, hiren fena ekhe heligi logogun lek we hundik-handik ina'mage nen inomameba sebelhinarek mondok logogun.

ULANGAN 28:39

Nen hiren anggur yabumo e anggur awi yakfuluk puguneti logogun oba nen he kon nen e anggur yago omanogo nunggunem he, enggen ugu ekhe taganhi logogun mondok lek, nen amusu hinago ekhe ninggi logogun legat.

ULANGAN 28:48

Andiba re, hiren it ap hinaselei mene At hineisena Tuhan nen hit hinom weim yabuageluk lakfisa wesigin mene andoma inobaget hilingiti logogun. Hit hinebe hinamburu ouwak agik, hinagai nele agik, hinalfulukwa kogouk welagik, yi mene ti mene mondogat hinelagaik logolik hinenggi lek welagik hilingiti logolik, At hineisena Tuhan nen a'mageba fethinarek werek kwelek enek hit hinebe mondogat wa'lasugun.

ULANGAN 28:51

It a'nogo waga logolik, hiren takhikhi lagep mene inom, hinanggweang oba nen enggen palikhi legep mene inom, legetfikhi logolik hit faget iluk gandum ogo, anggur agai ogo, zaitun amusu ogo, sapi, kambing, domba ogo, mondogat helamo re hit nele nen mondogat wa'lasugun o.