NEHEMIA 9:33 - Allah Wene Fano Wene Hupla Inane

³³ Niren weak mondok hilingitu kwelek meneat he, hat hebe ninoba lombokhogo mondok logolik, nit weak hilingitorek mene faget higithogoat wene ninoba figik, kotik, egendek andi.

NEHEMIA 9:33 ပူးပေါင်းရင်းမြစ်များ

KEJADIAN 18:25

Haren afuni weak hilingita mene andi wene inoba fembik inoati logolik afuni weak hilingiti'lek mene andi inomat inoasigin andi nen he, afuni weak hilingiti'lek mene andi, it weak hilingita mene inom inoatun o. Haren kweangma mene inom, pogoroba mene mondogat wene inoba figik kotik egendek andi weak ugun nogo? Higit hogoat egendek andi,” iluk yagatikhe.

EZRA 9:15

Afuni Israel mene ineisena Tuhan Allah, nineisena Hat he mondok katukhogo nek hilingiti lagen mene, oba nen hilingik kwelek nit nineluk logouwageluk ninobagegen. Afuni ninaweak hilingik kwelek he nit Hat helokhoma we'luk u aple re elo'lek oba nen, nit Hat hambit ninaweak fagesi waga lago, neisena,” iluk samban igi.

NEHEMIA 9:34

Nit ninombalagen inom, ninogogwi raja nen inom, hat eisewerek mene nen inom, ninogogwi kaindegen inom, en he, haren wene komotninafigin mene andi inendawimo seramet fuluk, hologo hilingiti'lek herakfisasukwa andi. Haren he, yi'nogo hilingiti logoino, ti'nogo hilingiti logoino, iluk komotninafigin mene andi mondogat inom, inenggali watigin mene inom, inesanggo hologo hilingisu inabiren hilingitukwa andi.

NEHEMIA 9:8

A'nogo salogo fesiginmo, at ebe hat hoba lombokhogo logolik, hane hologo mondok hilingitunem hasigin andi. A'nogo hasigindik, haren at wene eberogoat mene wareti logolik he, o afuni Kanaan mene inaiba inom, Het mene inaiba inom, Amori mene inaiba inom, Feris mene inaiba inom, Yebus mene inaiba inom, Girgasi mene inaiba inom, mondogat andi, haren tagomangge mene inebe mondogat eise asimbik logouwagaluk wokhesigin o, iluk wene waretigin andi. Hat hebe inoba lombokhogo logolik, higithogo nek hilingitendek andi nen he, hat wokhesigin, iluk wene waretigin mene andi, ebe mondogat arat wogotigin andi, neisena.

AYUB 33:27

Andiba re afuni hokhorogo inelokhoma nen aren ikhi logolik he, ”Mondok weak mene faget an nen fano mene anggikhi lagimo re naweak hokho mene werego. Ariginik kwelek oba nen he At Allah nen he an unggum wo'nete lek,” iluk igin.

AYUB 34:23

It afuni Allah nen wene katukhogo yaganisoageluk Allah were'ma logoin mene faget, At Allah nen enggi tiba iluk enogo fou lek hak?

MAZMUR 106:6

It ninambu ninombalagen hilingiti lagaukwa higithogo nit mondogat weak hilingito, niren he mondok kwanirogo nek hilingitik, Hat hawene melalek sagalogo hilingitik, ogo.

MAZMUR 119:137

Tuhan neisena, Haren he mondok katokhogo nek hilingiti lagen, Hat hawene melalek andoma re tiphogo nek hilinglagarek.

MAZMUR 145:17

At Tuhan andi re Aren hilingiterek mene andoma mondok katokhogo nek hilingiterek, Aren yi'nogo ti'nogo hilingiterek mene andomaba re endawi hundik mondok welagarek.

KELUARAN 32:31

A'nogo yagaisaluk at ebe Tuhan oba lagasikhesik he, mel yagatikhe: ”Afuni andi nen he, weak hokho mene ekhe hilingitama o. Iren he, hat higit ekhe emas mene ekhe fogerasuogeluk wutama o.

YEREMIA 12:1

Tuhan neisena, an nen nawene helaluk hat hoba wesumo nen he Hat hamu nek he eberogo mene welagen iluk weinam asu hagaro. Oba nen he an nen hat hoba wene heirogo hilingitarek mene andi faget heinok wokhikhi lagiat: ”Nenahalok ap ina'mage weak hilingitarek mene andi inenggi werek logolik fano werek nogo? Ninggi'nogo nen ap higithogo hilingitarek lek mene nen hilingitunem ambisangma higit enek agarek nogo?

YEREMIA 44:3

Andi re afuni andoma werek mene nen weak mondok hilingitunem An na'mage kwelafi lagaukwaba wene andi hilinglaga. Iren he wam warogo figik, dewa iren ogo nen it inombawi nen ogo, hiren ogo, obaget hilingitu aple hinonggot mene a'nogo obaget hilingiti lagaikha.

RATAPAN 1:18

Oba nen we Tuhan enek he eberogo mene werek. Aren wene melalek ikhe mene omanogo an nen sagalogo fikhi lagagi. Yago, hit yi afuni ti afuni hinunggulenu lombogen he an nane yi hinesanggo holini o, An yi enggin ti enggin hugu mandok welagi mene andi hineilenggen neani. An nagainafuri ap souge inom helime tugum inom mondogat hele warinafasik, felelenginarek hugisa lagaikharek oba omanogo fisa lagaikha.

YEHEZKIEL 11:12

Andiba re hiren An Tuhan a'nogo hinelu agik, nen wene melalek An nen mene omanogo inom, yi'nogo hilingi'no ti'nogo hilingi'no iluk An nen isigi mene omanogo inom herakfuluk unggulenu amu mene inera'lukwe haningisogo werek mene nen inawene melalek omanogo murok lagik, ikhi lagagip andiba re unggum wokhisugunem hinelu asugun o,” iluk yagaisoageluk yaganete.