samban Allah mel yagatikhe: ”Tuhan, afuni Israel mene nineisena Allah. Pogoroba inom, kweangma inom, Hat hebe higit ekhe mondok lego, neisena. Haren, yi'nogo hilinghinabigin, iluk wene wa'nisasigin mene andi hagainafuri ninendawinggen misigat a'luk ninebe hoba lombokhogo logolik hane hologo hilingitunem, ebe tiphogo hilingiti logolik hendawit ninafendek andi o, neisena.
NEHEMIA 9:32 - Allah Wene Fano Wene Hupla Inane32 Hat Allah homame mondok hokho, elalin inailo mene hilingitendek mene, neisena. Hebe ninoba lombokhogo logolik, yi'nogo hilinghinabigin, iluk wene Watnisasigin mene andi sagalasinogo, iluk higithogo hilingninafendek andi, neisena. Afuni Asyur mene inogogwi raja nen nit ninoba yi enggin ti enggin hilingninafi lagaukwa andi huli nen yogondak huli re, yi enggin ti enggin mondok weak hugu welago, neisena. Andi nen he, nit ninogogwi raja inom, ap imam inom, hane yaganisagarek mene inom, ninogogwi kaindek inom, ninombalak inom, afuni mondogat inom, yi enggin ti enggin andi mondogat hugu welagorek, neisena. Ma re, nit yi enggin ti enggin hogorek mene andi mondogat ninoba hendawimo nen honggoragi'lek eberek mondok logoino o, neisena. အခန်းကိုကြည့်ပါ။ |
NEHEMIA 9:32
42 ပူးပေါင်းရင်းမြစ်များ
At Pekah ebe raja logolik melalinafi lagaikheba re raja Asyur mene hun Tiglat-Pileser a'nogo nen he o kota Iyon inom, Abel-Bet-Maakha inom, Yanoah inom, Kedes inom, Hazor inom, o Gilead kwe andoma inom, it afuni Naftali mene inaiba andoma inom, telhikhe. Telhikhesik he afuni hele warogo woginarek he o Asyur lagaikhe.
andiba ambisangma re Tuhan en it ekhe halfisikhi lagaikhe mondok lek. Aren he it inebe kweang wogisasikhe mene omanogoba nen huginabi lagaikhe. A'nogo hilingitikhe andi re At Tuhan nen wene futfouwageluk amingmingengge nabi bene nen yagaisikhi lagaikhe mene a'nogo higithogo hilingitikhe andi. A'nogo hilingitikhemo re, afuni Asyur mene nen it Israel mene huginabi lagunem omanogo woginapluk lagaukwama re o yogondak huli nen ogo andoma werek.
at Hosea re afuni melalinafu 9 tahun werek kwelek at Salmaneser en o Samaria sebeli wagaikhe. A'nogo sebeli wagaikhesik afuni Israel mene hele warek welagaukwa mene omanogo woginarek he o Asyur lagaikhe. Nen, woginarek lagaikhesik it omanogo fenakwe re o kota Halah ba andoma fisasikhe, nen fenakwe re o wilayah Gozan oba nen i Habor horokhogo andoma fisasikhe, nen, fena fikhit he o Medai kweang oba kota-kota andoma fisilik lagaikhe.
it afuni inunggulenu amu mene at Asnapar Mondok Lego mene a'nogo nen mondok felelenginarek lagaikhesik o kota Samaria inom, o kota-kota i Efrat en mo ubuk ikherek fikhit Propinsi yi meneba logoni iluk yagaisasukwa inap omanogo nen inom, inane seberogo makfesukwasik he, surat ekhe o Yerusalem obabut hilingik mene faget palogo hun Artahsasta oba lak fesukwa.
Andiba re, iren hun Zerubabel inom, it afuni ineisok erokwe lombok omanogo faget kepala welagaukwa mene omanogo inom, inoba ikhi logolik he, ”Nit he hun Esar-Hadon raja Asyur mene a'nogo nen wo'ninarek o yoma wagaikhe huli nen engge, niren hundik-handik Allah oba wam warogo noleti lagoma re, ninagaila'lak hiren hilingiti lagep hakhogo, niren ogo ninom hit ninagaila'lak hineisena Allah andiba wene kabogeti logogun nen he, o Tuhan awi ari nit ninom wusuogen he fano ini o,” iluk yagaisasukwa.
Nineisena Allah, niren Hat Hawene melalek a'nogo sagalogo herakfuluk hilingiti logolik, nit mondogat weak hilingitunem, Haren wene ninoba fegen. Oba nen he nineisena, wene ninoba fegen mene andi re niren wanu aple andi re mondok hogoenggin oba nen he we horok serogo ninoba fegendigen nit ninagap telogo ninobagegen mene andi ninelurek.
mel ikhi lagagi: ”Neisena TUHAN Allah, Hebe Pogoroba Lego Mondok welagen mene. Hat Allah hebe mondok hokho hagun hilingi'mo re, nit hat hebe ninailo logoligat hawe a'ma kogorek andi neisena. Hat hebe ninendawirogo logolik wene komotninafigin mene omanogo hologo higithogo hilingiti lago mene nek he, haren, hit An nagainafuri, iluk wene warogo wo'ninafigin mene andi hendawit ninapluk ninoba lombokhogo mondok welagendek andi, neisena.
Kwisukwasik he, at Musa nen eamal oba Tuhan nen it afuni Israel mene inagap teligiluk yi wene ti wene at raja oba inom, it afuni Mesir mene inoba inom, hilingfisasikhe aple omanogo tindelhikhe. Andi nen aren ogore it afuni Israel mene ebekhalem waga logolik enggin-fenggin hasukwa aple inom, nen it a'nogo hugunem Tuhan nen inagap telinafikhe aple inom tindelhikheat.
At ebe re Daud en tagomangge mene ebe raja logolik ferinarek logogin. At omame mondok hokho logogin. Aren ferinarek logogin kwe andoma mondogat he liok-layokhogo nek were'ma mondok fanorogo logogun. O Aren ferinarek logogin oba andi re wene higithogo tegetu awene inom, wene melalek werek meneba inom higithogo hilingitu logolik yogondak huli nen hobuk huli andoma mondok-mondok logogin. Nineisena Tuhan Omame Mondok Hokho mene a'nogo nen andoma mondogat eberogo nek hilingisigin o,” isikhe.
A'nogo neisena Tuhan Allah ayonggo fikhi logolik he, afuni an ninom ninunggulenu misigat mene ninomen Allah ane sagalogo weak hilingitugu mene andi fakhogo fikhi logolik, mel yagati, ”Nineisena Allah henu hokho andi nen, nit Hat ninailorogo logolik fogethaforego, neisena. Hagainafuri nen, haren, Yi'nogo hilingiti logoino, ti'nogo hilingiti logoino, iluk komotninafigin wene andi higithogo hilingiti logolik, hebe inendawirogo welagaikharek mene andi, haren inebe hendawirinafu mondok logolik, wene warogo ninebe wo'ninafigin mene andi higithogoat ferinarek welagik, egendegaro, neisena. Meneat he, nit hat hawe a'ma lombokhogo logou ninabiren he, hane sagalogo weak hilingitik, kwanirogo hilingitik, ikhi logolik, Haren, Yi'nogo hilingiti logoino, ti'nogo hilingiti logoino, iluk komotninafigin wene andi, hane lisu palek oba louksek hilingiti'lek herakfisaluk, hunogo mene faget hilingitugu andi o, neisena.
A'nogo hilingiti logolik, it ap Hat hamingmingengge hane yaganisikhi lagaukwa mene andi nen, Hat henu uluk wene Haren yagaisikhi lagagin wene andi, ninombalak mondogat yagaisigik, ninogogwi raja lak omanogo yagaisigik, ninogogwi kaindek ekhe omanogo yagaisigik, afuni mondogat yaganisigik, ikhi lagaukwa meneat he, ninesanggo holhi'lek herakfisikhi lagagu andi weagat hilingiti lagagumo aro, neisena.
A'nogo yagaisasikhesik ekhe mel yagaisasikhe: ”Allah nen he, Yi'nogo hilingiti logoino, ti'nogo hilingiti logoino, iluk komorogo yaganisasikhe mene andi, hiren futfuluk, hinaberali agi'lek hilingiti logogun halok, nineisena Tuhan Allah nen, Yi'nogo hilinghinabigin, iluk wene wathisasikhe mene andi aberali legat ebe higithogo hilinghinafi logogin o. Aren ninombalak yagaisikhi logolik, hinebe nendawi mondok logogin, iluk wene warisasikhe andi hak, hit a'nogoat endawithinafu mondok logogin o.
Aren, hit endawit hinabimbik, fanothinafu mondok were'ma, hit hinagainafuri hokhorogo taginafunem inebe sik-pik ikhi logogun o. Nen, hit hineabukwe yi mene ti mene yago mene fanotfugunem, gandum inom, anggur inom, e zaitun enggen amusu minyak keralhi logogun mene inom, enggen hokhorogo iti logogin aro. Nen, Aren he, hinenggim mene fanotfugunem, hinanggo sapi, kambing, domba inom, hokhorogo hilinglasigin aro. Nineisena Tuhan nen ninombalak yagaisikhi logolik, yi'nogo wokhisikhi logogin o, iluk wene warisasikhe higithogoat, hit o logogun oba andoma were'ma mondogat wokhisugunem a'nogoat helikhi logogun o.
Nineisena Tuhan Allah ebe amuat logolik, obabut wene wa'nisikherek higithogo hilingiterek andi oba eberek mondok logoino o. Afuni nineisena Tuhan ebe inendawinggen hundik logolik, Aren, Yi'nogo hilingiti logoino, ti'nogo hilingiti logoino, iluk komotninafikhe wene andi hologo hilingitunem, Aren inebe endawi nen leberisugu mondok were'ma, wene wa'nisasikhe mene andi ebe higithogo mondok hilinginafu kwelek inagainafuri 1.000 huli ta'larik laga logogun andi.
ကြော်ငြာတွေ