NEHEMIA 9:30 - Allah Wene Fano Wene Hupla Inane30 It a'nogo weak hilingitu kwelegat, Haren he, yi tahun ti tahun wene inoba figi'lek hafe morogo logolik, komorinafi lagaginat. Hareagun ap hat hane yagaisikhi lagaukwa mene inendawimo logolik, wene andi inendawimo kagalogo yagaisugunem, iren holu inabiren inesanggo te'met fikhi lagaukwa. A'nogo hilingiti lagaukwama it inebe afuni o yi awi ti awi inunggulenu hunogoat mene inenggiba fisikhi lagagin andi. အခန်းကိုကြည့်ပါ။ |
NEHEMIA 9:30
34 ပူးပေါင်းရင်းမြစ်များ
A'nogo meneat he, it Hagainafuri nen, At awe a'ma logolik ane hologo hilingiti logogun ninabit, iluk herakhobagasukwasik, ap hat hane yagaisikhi logolik, hinafe hebela'luk hineisena Allah awe a'ma kwi we'no, iluk yagaisikhi lagaukwa inap omanogo inebe inoati lagaukwa andi. A'nogo inoatu logolik, hat hebe inendawimo seramet hobagagu mondok welagaukwa andi, neisena.
A'nogo telinafi logolik, wene haren komotninafigin wene andi hologo hilingiti logouwageluk, inenggali warogo komorinafi lagagin andi. A'nogo meneat he, inonggwaregen fogerakhikhi logolik, wene komotninafigin wene andi herakfisikhi lagaukwa. It afuni ekhe nen wene komotninafigin wene andi hologo hilingitunem haren fano inelugerinafendek meneat he, iren a'nogo herakfisikhi lagaukwa. It inungguloak mondok helep hangge logolik, inendawimo nen seramet fuluk, inesanggo furogo holhi'lek, higithogo hilingiti'lek, hilingiti lagaukwa andi.
A'nogo hilingitu were'ma 40 tahun huli logolik he, An nen it inobaget hebak naferogo kumurisikhi lagagisik, An nen ikhi logolik he: ”Ibi eberogo nen afuni inunggulenu yi inap he inendawinggen An noba tibet fuluk hilingiri'lagwi lek! An nen yi'nogo hilingiti logoino ti'nogo hilingiti logoino iluk yagaisikhi lagi mene a'nogo sagal fuluk enek hilingiri'lagwi.
It Israel mene andi it ekhe inenggiba asuageluk sa nen wogisikherek nogo? At Tuhan amu nen he lek nogo a? Nit he Aren wene yaganisikherek mene omanogo furogo hilingiti'lek welagik, nen Aren yi'nogo hilingiti logoino, ti'nogo hilingiti logoino iluk komotninafikhe wene omanogo higithogo hilingiti'lek welagorek andi nen he, At elokhoma niren weak hilingisogo fogorek andi o.
Hiren tugwi kembu obaget yi mene ti mene fuluk wogoti lagep mene andoma re Tuhan nen kwelakhinarek logou re abit mondok hisili'lago, hiren hilingiti lagep mene andoma re, mondok hineloukhogo hinali'norek mene nek hilingiti lagep. Hiren he, Aren yi'nogo hilingi'no ti'nogo hilingi'no iluk yagahisikhe mene omanogo hologo hilingitep lek andiba re Tuhan oba weak hilingiti lagep. Ma re, yogondak ari hit hinanggweang mondogat weaget fisikhemo re afuni ekhe logou re elo'lek ari o, nen aben homan fisouwogeluk he o andi enu igisogo agarek. Nen, ap ineilenggen hagarek mene nen he, inamelmel inaferek,” iluk yagaisigi.
Tuhan nen a'nogo hilinghinobagagin iluk nit ebesuageluk yaganisikhi laga mene inom, Aren ebete mene inom, a'nogo mondogat hilingite. Nit he endawit ninafi'lek mondogat wolelenggen hogo ninobagaikhesik, nit ninaselei mene re inomanet fisikhe. Nit a'nogo weaget ninobagagunem nisaluk, it ninaselei mene inagaiyek hoageluk hilingfisikhe.
A'nogo hilingiti logolik, it ap Hat hamingmingengge hane yaganisikhi lagaukwa mene andi nen, Hat henu uluk wene Haren yagaisikhi lagagin wene andi, ninombalak mondogat yagaisigik, ninogogwi raja lak omanogo yagaisigik, ninogogwi kaindek ekhe omanogo yagaisigik, afuni mondogat yaganisigik, ikhi lagaukwa meneat he, ninesanggo holhi'lek herakfisikhi lagagu andi weagat hilingiti lagagumo aro, neisena.
A'nogo iluk, it afuni Israel mene inogogwi ap inebe 70 nen andi mene inebe pire, ekhe inenu re, Eldad, nen ekhe re, enu Medad, emberek it inagaila'lak inom Tuhan awi su mene wuri'mo a'nogo lagi'lek, inaiba o su mene wuri'mo andoma kamo isukwasik welagaukwa. A'nogo were'ma Allah nen Areagun inoba pelakfei wagaikhemo, it emberek inane hokhorogo ap Allah ane yagaisagarek mene nen agarek andi hak isukwaat.
A'nogo yagaisikhi lagaukwa andi, at Kristus Areagun inendawimo logolik yagaisikhi logolik he, mel yagaisasikhe: ”Kristus enggin hilik-hilik wa'lasigin. Wa'lasimbigen, hobuk eluk agunem fogerati logogun,” iluk yagaisasikhemo iren ikhi logoligat he, ”Ninggi'nogo hilinglasigin. Mera nen hilinglasigin,” iluk heinok furogo wanhi lagaukwa.
It afuni ekhe nen he, ”Ninoe Enupogoren wene watnisasikhe wene a'nogo, ebe wagi'lek aninurogo werek,” iluk anggili'lagwi andi re, aninurogo werek fuk. Hit hinebe endawi nen, At endawimo nen he, ”It ekhe nong asinogo,” iluk afuni mondogat inobabut weak hilingiri'lagwi mene herakfisaluk inobabut hebelasuageluk, eranenat endawimo anggaluk aninurogo werek andi.
ကြော်ငြာတွေ