It a'nogo nek hilingitunem en he Tuhan en ap nabi bene nen Allah aneba yagaisugunem ikhi lagaukwa mene inom, wene afuni Israel mene inom Yehuda mene inom inoba lakfei waga logolik yi'nogo yagaisasikhe, ”Hiren weak mondok hilingiti lagep andi herakfisambik he, An nen namingmingengge nabi bene wene melalek inom, yi'nogo hilingiti logoino ti'nogo hilingiti logoino iluk inom hit hinombawi yagaisasigi mene andoma hologo mondok hilingiti logoino o,” iluk yagaisasikhe.
NEHEMIA 9:29 - Allah Wene Fano Wene Hupla Inane29 A'nogo telinafi logolik, wene haren komotninafigin wene andi hologo hilingiti logouwageluk, inenggali warogo komorinafi lagagin andi. A'nogo meneat he, inonggwaregen fogerakhikhi logolik, wene komotninafigin wene andi herakfisikhi lagaukwa. It afuni ekhe nen wene komotninafigin wene andi hologo hilingitunem haren fano inelugerinafendek meneat he, iren a'nogo herakfisikhi lagaukwa. It inungguloak mondok helep hangge logolik, inendawimo nen seramet fuluk, inesanggo furogo holhi'lek, higithogo hilingiti'lek, hilingiti lagaukwa andi. အခန်းကိုကြည့်ပါ။ |
NEHEMIA 9:29
34 ပူးပေါင်းရင်းမြစ်များ
Lingge andem oba an neil isasigi re afuni Yehuda mene nen linggene Sabat a'nogoba afuni fenakwe anggur agai perelhigik keralhi lagaukwa. Nen, it ekhe amu mene nen ogo gandum inom anggur inom anggur enggen inom, e ara enggen inom yi mene ti mene amu mene re it inangge keledai amboloba liak fuluk he o Yerusalem waluk waga lagaukwa. A'nogo hilingitunem isigirik an nen nane menfikhi logolik he, ”O Yerusalem oba yoma hiren onggo palhi logogun lego,” iluk wene palhigi.
Inane a'nogo hesanggo holhi lagagindik, hat hagainafuri yi enggin ti enggin hilinginafi lagaukwa mene andi helu andi nen he, afuni Mesir mene inoe raja ebe inom, agoromi inom, afuni aren ferinarek welagaikhe mene inom, elalinat weagarinafi lagagin andi. A'nogo hilinginafigin andi nen, henu o yi awi ti awi lagu mondok huli yogondak huli nen laguat werek andi.
A'nogo meneat he, it Hagainafuri nen, At awe a'ma logolik ane hologo hilingiti logogun ninabit, iluk herakhobagasukwasik, ap hat hane yagaisikhi logolik, hinafe hebela'luk hineisena Allah awe a'ma kwi we'no, iluk yagaisikhi lagaukwa inap omanogo inebe inoati lagaukwa andi. A'nogo inoatu logolik, hat hebe inendawimo seramet hobagagu mondok welagaukwa andi, neisena.
It a'nogo weak hilingitu kwelegat, Haren he, yi tahun ti tahun wene inoba figi'lek hafe morogo logolik, komorinafi lagaginat. Hareagun ap hat hane yagaisikhi lagaukwa mene inendawimo logolik, wene andi inendawimo kagalogo yagaisugunem, iren holu inabiren inesanggo te'met fikhi lagaukwa. A'nogo hilingiti lagaukwama it inebe afuni o yi awi ti awi inunggulenu hunogoat mene inenggiba fisikhi lagagin andi.
Tuhan afuni Israel mene ineisena Omame Mondok Hokho mene a'nogo nen yi'nogo ikhe, ”Hit he hinendawinggen mondogat peterek logolik holhu mene inom hinabit mondok welagep andi nen he o kota yiba inom, o desa-desa esanggo-esanggo haningisogo werek mene andomaba inom yi enggin ti enggin hinoba feigiluk foukhogo figi mene lakfei wesigin o,” ikhe iluk yagaisasigi.
A'nogo yagaisigimo nen at Azarya hun Hosaya amlogo a'nogo inom, Honan hun Kareya amlogo a'nogo inom, nen ap amu mene mondok winik-wonok agarek mene omanogo inomen an noba ikhi logolik, ”Hat he heranhogo wene ikhi lagen o. Nit nineisena Tuhan Allah nen he o Mesir laluk andoma logou fuk, iluk ili ikhe lek oba nen ikhi lagen.
A'nogo meneat he, at onggwaregen, An elok, iluk foget fakhiki logolik, ungguloak helep mondok hilingitik, afuni inoba wiik-weakhogo hilinginafik, ugunem, Allah nen he, Hat henupogot logogin lek, iluk futfesikhesik, afuni inalilingge korogo wokhagarek andi hak, at enu laga lagaikhe mene a'nogo oba nen korogo wokhasikhe aro.
A'nogo hilingiti lagep andi nen, An nen hobuk hinebe wene hinoba fembik leget hinabigin wene andi yagahisoageluk, ap An nane yagahisagarek mene inayonggo fuluk, hinoba lakfisa waga lagi andi o. Hiren hilingisu mene An namolo welagi mene re, eilabut yegelhugunem enegat agarek andi hak selek mondok werek.
at Yesus nen he, mel yagatikhe: ”Fano ki mene hilinghabuageluk iluk an yaganeten. Fano hilingiterek andi re, ap misigat enek werego. Hat ineluk mondok logogun oba andoma kwigin hamolo halok he, wene Allah nen komotninafikhe wene andi hesanggo holimbik he, higithogo hilingiti logoino o,” iluk yagatikhemo,
At Musa nen he, wene Allah nen komotninafikhe wene a'nogoba, Allah nen wene ninoba mene korogo wokhaluk hobuk ninambotkwe at ninom hunogo ninobagaikherek andi faget mel isikhe: ”Wene andi hologo logolik, higithogo hilingiti logogun mene halok hinebe lombok, wene andiba hineluk mondok logogun o,” iluk lisu palogo fesikhe.
Afuni nen, wene Allah nen komotninafikhe wene a'nogo fisogo welagaikharek andi, ero faget he, lisu yi'nogo palek werek: ”Wene andi hologo logolik, higithogo hilingiti logogun mene halok hinebe lombok, wene andiba hineluk mondok logogun o,” iluk isikhemo, lisu palogo fesukwa andi. Mene re, inendawinggen Allah oba himbiret fagarek andi, hunogo aro.
A'nogo hilingisumo, an nen yi mene ti mene inailo mene hokhorogo inoba fagain o. A'nogo meneat he, wuni yi nek he, afuni nen unggum inoba fugunem pilingiti logolik, it ekhe inelu mene nen, eberogoat yi'nogo hilingita, iluk agarek andi hak, iren he, eberogoat yi'nogo hilingitugu, iluk eberek logolik wuni andi wat logouwago. An nen o it wene warisasigiba andoma oan woginarek kwigi'lek welagi meneat he, it inendawimo eberi'lagwi mene andi An nelu o,” iluk yagatikhe.
A'nogo wokhisagain iluk hilingiti logolik he, An nen attak yi'nogo yagahisasigi a'nogo, An nebe re hit hineisena Tuhan Allah hilingi'mo re, hiren he afuni Amori mene inoba re yogondak welagep oba ari nen kembu dewa oba apne wanhi logogun lego, iluk yagahisigi. Oba nen he hiren An nane hologo hilingisu mondok hinabit welagep andi, iluk Tuhan nen yagahisikhe,” iluk nabi a'nogo nen yagaisasikhe.
ကြော်ငြာတွေ