NEHEMIA 9:28 - Allah Wene Fano Wene Hupla Inane

²⁸ A'nogo lakfisa wagunem, iren telinafunem fano lioksek logolik meneat he, hobuk weak-weagat inambotkwe weak hilingiti lagaukwaat. A'nogo hilingitu were'ma, haren he, it inaselei mene nen yi enggin ti enggin hilinginafi lagaukwa mene andi inenggiba fisikhi lagagin. A'nogo meneat he, iren he, nit weak hilingito o, iluk inobabut hebela'luk, telninabin o, iluk inane hokhorogo hayonggo fesukwa andi. A'nogo hayonggo fugunem, hat it hendawi mondok andi nen, hebe pogoroba nen inane hesanggo holherendik he, telinafu mondok welagagin andi.

NEHEMIA 9:28 ပူးပေါင်းရင်းမြစ်များ

1RAJA-RAJA 8:39

Hat hebe pogoroba welagen oba andoma logolik inane hesanggo holfuluk he, weak hilingisugun mene sagalogo legetfisigik, yi mene ti mene leberisigik, ikhi logoino o, neisena. Hat hamunek he, afuni inendawimo anggagarek mene andi helu welagendek andi nen he, hagainafuri o nit ninombalak wogisasigin oba yoma logolik, Hat hebe inailorogo hane hologo hilingitu mondok logouwagen, inebe lombok, weak hilingitik, fano hilingitik, hilingisugun higithogoat wene inoba figik, kotik, ikhi logoino o, neisena.

MAZMUR 106:42

A'nogo hilingfisasikhesikhe it a'nogo inoba enggin-fenggin hilingfisigik, it inomame a'ma logouwageluk hilingfisigik, ikhi lagaikhe.

MAZMUR 136:24

Nit he selei mene inenggiba nen fikhalogo ninobagasikhe, Endawi hundik hilingninaferek mene andi re mondok-mondok logogin mene.

YESAYA 63:15

Tuhan neisena. Hat hebe pogoroba obalik mondok fano hore'ma ombak-bak eterek oba andoma nen heilenggen pela'nisame o. Hendawi nen hendawinggen waraluk homamerogoat lebetninafendek mene a'nogo koma lagama? Hendawinggenma abolok ugunem, hilingninafi lagen mene a'nogo inom hendawi nisaluk hilingninafi lagen mene a'nogo inom koma lagama? Andoma nit ninoba nen elele waganogo fisogo logou ugo.

HAKIM–HAKIM 2:19

A'nogo meneat he, ap inogogwi andi inebe wa'lagunem, it afuni Israelk mene attak welagaukwa andem oba inobabut endebat fano hangge mene re, it hobuk mene welagaukwa andem oba nek he, inobabut mondok weagat hilinglaga lagaukwa. A'nogo hilingiti logolik, allah hunogo mene faget, nineisena ebe andiat, iluk andi mene amingmingengge hilingla'luk oba himbirit logolik fogerati lagaukwaat. It inobabut attak mondok weak welagaukwa mene andi herak fisaluk, hobuk inambotkwe hebelu inabit mondok welagaukwa.

HAKIM–HAKIM 3:30

Linggene andi sambul he, Israel inap oba nen Moab mene inomame lek agaukwama, kweang andiba 80 tahun andi re weim abok legengge liolek mondok welagaukwa.

HAKIM–HAKIM 4:1

Ap Ehud ebe wa'lagaikhesik oba nen, afuni inunggulenu Israel mene nen Tuhan ane sagalogo weak hilingiti lagaukwaat.

HAKIM–HAKIM 5:31

Nineisena Tuhan, at Sisera wato andi hak, afuni hat haselei mene ogo, a'nogo wa'lasuak. A'nogo meneat he, hat hagainafuri hendawi mene nek he, mo eil tilelek-walelek wagarek andi hak, it mondogat liarogo logouwago, iluk wuni watukwa. A'nogo hilinglagaikhesik oba nen, 40 tahun weim lek liolek fano welagaukwa.