NEHEMIA 9:20 - Allah Wene Fano Wene Hupla Inane

²⁰ Hat Hareagun fano meneba it komorinafi lagagin andi. Haren it inamburu manna mene kamo igi'lek wogisugunem ninggik, inagai nele were'ma wogisugunem elokhogo ninggik, ikhi lagaukwa andi.

NEHEMIA 9:20 ပူးပေါင်းရင်းမြစ်များ

NEHEMIA 9:30

It a'nogo weak hilingitu kwelegat, Haren he, yi tahun ti tahun wene inoba figi'lek hafe morogo logolik, komorinafi lagaginat. Hareagun ap hat hane yagaisikhi lagaukwa mene inendawimo logolik, wene andi inendawimo kagalogo yagaisugunem, iren holu inabiren inesanggo te'met fikhi lagaukwa. A'nogo hilingiti lagaukwama it inebe afuni o yi awi ti awi inunggulenu hunogoat mene inenggiba fisikhi lagagin andi.

MAZMUR 105:41

Helep isa mene fothasikhemo re, i elesi houwalanghogo wilibisogo o leikwe andoma i hokho mene lagarek andi hangge wogisasikhe.

MAZMUR 143:10

Hat hebe re an neisena Allah hilingik welagenma re, Hat hendawimo hagaiyek anggikhi lagen mene andoma nek hilingiti logouwageluk yanggulnafi logoin. Hat Hareagun fano mene andi nen an kwe lioksekwe loageluk wo'narek laga logoin.

KELUARAN 16:15

A'nogo hilinglagaikhesik were'ma, afuni Israel mene ineilenggen yethasukwasik he, nena mene he inobakhe palagaikhe. Inobakhe a'nogo palagaikhesik, ekhe nen ekhe yagaisikhi logolik mel isukwa: ”Aroma nena mene anggikhi lagep,” iluk heinok wok-wok agaukwa. Heinok wanhukwama, at Musa nen he, mel yagaisasikhe: ”Aroma re, nineisena Tuhan nen hit noageluk wokhisikhe mene o.

KELUARAN 16:35

Sumburu Manna mene andi it afuni Israel mene inamburu agaikhemo, 40 tahun ninggi lagaukwasik, huli o Kanaan inebe logogun oba kwi wagaukwa huli ninggi lagaukwa.

KELUARAN 16:4

A'nogo yagaisasukwama, At Tuhan nen Musa mel yagatikhe: ”An nen hit mondogat faget sumburu hokhorogo oba heilarogo ninggi logobagaik iluk pogoroba nen meiso higit pelakhisa wesigin o. A'nogo pelakhisa wagi halok, o hinenggi linggene misik oba nogoin mene higithogoat andogoti logoino o. A'nogo pelakhisa wagunem hilingiti logogun andiba, iren he, an nen komorogo, yi'nogo hilingi'no, ti'nogo hilingi'no, iluk yagaisagain mene andi higithogo hilingisugun a? Lega, iluk inobabut paligin o.

KELUARAN 17:3

A'nogo yagaisasikhe meneat he, it afuni omanogo i mondok nele hokhorogo agaikhemo re, Musa oba inane mul-mul fikhi logolik, mel yagatukwa: ”Nit ninebe inom, ninagainafuri inom, ninanggo inom, i nele nen o yoma wa'lasuageluk, o Mesir en wo'ninarek wagen andi nenahalok,” iluk yagatukwa.

KELUARAN 17:6

A'nogo lagunem he, an nebe hit hinelokhoma tom Sinai era'lu helep hokho mene andiba mendek logogin o. Were'ma lambik, helep andi wa'no o. Watunem i wulibi wagunem he, afuni andi i elok noago,” iluk yagatikhemo, at Musa nen it afuni Israel mene inogogwi omanogo ineilenggen werek kwelek a'nogo watikhe.

YESAYA 48:21

Aren it woginarek lei pirimsekwe laga-lagaikhe sambul andoma re, Tuhan nen helep tom mene forogo i wulagisa wagik, Helep elema nen i it inobaget sulhogo pelagisa wagik, ugunem he iren i nele iluk ogo ekhe hasukwa lek.

YESAYA 49:10

It he, inagai inom inamburu inom nelerogo logogun lek, nen o leimo andoma it faget hibi fululung hibi lagagin legat. A'nogo hilingisigin andi re An nen it inoba inelagaik isikhi lagimo re, it woginarek lagik, hondoginarek i elesi agai fano meneba fisa lagik, hilinginafi logogin o.

HAGAI 2:5

Hit o Mesir en wulibi wagunem omanogo, An nen hit fethinarek logolik wokhinarek mondok nikhi logogin iluk wene wathisasigi mene a'nogo higithogo re yogondak ogo An nen nawe a'ma hinobagaluk fethinarek welagi hilingi'mo re, hiren hinendawi fisu fugo.

BILANGAN 11:17

A'nogo hilingiten halok, An nebe pi wesimbik he, andemen wene ane yagahetik, An nomame hat wokheti a'nogo mene ekhe it andi wogisigik, igin o. A'nogo wogisamo, afuni yi faget hat hamunek he, hoba engginhogo hilingiti logogin lek. We, iren lebethiikhi logogun o.

YOHANES 4:10

at Yesus nen he, mel yagatikhe: ”Allah obabut fano nen weat onggo lek wogisasikherek mene andi inom, nen an nen, i ekhe hinagaisogo wo'nom iluk kino yagaheti andi, nebe inom, futnobagailenma re, haren i ekhe kino yaganetunem, an nen i inelugerinaferek mene eberogoat wokhe'le o,” iluk yagatikhe.

YOHANES 4:14

i An nen wogisamo nunggu halok he, it inendawimo nen i elesi hangge fuluk-fuluk palogo wulifu mondok logogin andi nen he, ineluk mondok logolik, it hobuk i nele aga logogun mondok lego,” iluk yagatikhe.

ROMA 15:30

Nerugwi nagaila'lak. Ninoe Enupogot Yesus Kristus andiat iluk, nit-nit nendawi-hendawirogo logouwageluk Allah Areagun en hilingninaferek a'nogoba, an faget he, ninom samban Allah ayonggo ninghogo fikhi logouwogeluk yagahisigi o.

1 KORINTUS 10:3

A'nogo isukwasik, sumburu nenggarek hak, at Allah nen misigat mene elalinhogo wogisugu kwelek, inebe mondogat ninggik,

EFESUS 5:9

E ero fano mene nen enggen fano meneat iterek andi hak, afuni o selek oba logolik yi mene ti mene fanorogo higithogo inendawinggen oba nen eberogoat hilingitarek andi.

YOSUA 5:12

Andi sambul he, sumburu manna pogoroba nen pi waga lagaikhe huli andi huli nen ninggi'lek kamo isukwasik yi mene ti mene o Kanaan kweang oba awi yago mene ninggi lagaukwa andi.